Edhe vetëm 4 ditë kanë mbetur nga merkatoja verore, ndërkohë që të shtunën në orën 00:00 të mesnatës do të mbyllet zyrtarisht edhe merkatoja verore, ndërkohë që Skënderbeu është në momentet e fundit dhe po mendon për dy lëvizjet e fundit.
Themi lëvizjet e fundit, pasi sulmuesi i huaj që është premtuar është llogaritur si pjesë e 25-es së listës zyrtare të Skënderbeut dhe me rikthimin edhe të Randi Dumfor, merkatoja mund të quhet e mbyllur.
Ka pasur shumë lëvizje gjatë kësaj periudhe, ndërkohë që në këto 4 ditë të fundit mund të kemi edhe ndonjë surprizë të madhe, por nga ato që janë mësuar, sulmuesi i huaj mund të jetë qysh sot në stërvitje me Skënderbeun.
Nga ana tjetër akoma nuk dihet ur vjen Randi, teksa ganezi nuk do të shitet përfundimisht nga bardhekuqtë dhe është i federuar, ndërkohë që mbetet vetëm ajo që të bashkohet një orë e më parë me Skënderbeun.
Këto do të jenë lëvizjet e orëve të fundit, por që të presim dhe të shohim, pas një barazimi dhe një humbjeje që në start, ndoshta presidenti Ardjan Takaj ka menduar edhe për ndonjë goditje të bujshme. Gjithçka mund të ndodhë, prandaj 4 ditët janë afati i fundit që Skënderbeu të mbyllë të gjitha lëvizjet.
