Ndërkohë që nesër luhet java e dytë e superligës dhe Skënderbeut është totalisht i përqëndruar te ndeshja ndaj Partizanit, lajme të mira vijnë nga merkatoja, teksa po nesër pritet të vijë sulmuesi i huaj dhe do të bashkohet menjëherë te Skënderbeut.
Në fakt, skuadra bardhekuqe sot ka udhëtuar në drejtim të Durrësit, teksa është akomoduar në resortin “Tropikal”, në pritje të ndeshjes së nesërme ndaj Partizanit.
Nga ana tjetër nesër, pritet të mbërrijë sulmuesi që do të bëhet publik për mediat menjëherë pas mbërritjes nuk bëhet me dije nëse do të jetë në mbrëmje në Tiranë për të vëzhguar Skënderbeun e tij, apo do të niset në drejtim të Korçës.
E rëndësishme është që sulmuesi do të mbërrijë një javë përpara mbylljes së merkatos dhe do të jetë një forcë më shumë për Skënderbeun.
Merkatoja po shkon gradualisht drejt fundit dhe akoma nuk dihet nëse sot do të jetë apo jo ndeshja e fundit e Ermir Rashicës që u fol se do të largohet në drejtim të Belgjikës.
Bisedimet mbahen sekret nga ana e klubit dhe tashmë do të duhet të presim përgjigjen përfundimtare.
E rëndësishme është që skuadra është totalisht e përqëndruar te ndeshja e nesërme dhe sigurisht atmosfera është shumë optimiste.
Skënderbeu është në një moment të mirë dhe udhëton për pikë nesër nga Durrësi drejt Tiranës, ndërkohë që sigurisht që edhe fjalët e merkatos nuk kanë fund për këtë skuadër që ka qenë shumë aktive gjatë merkatos së verës.
