Në qoftë se ka një ekip që të jep shanse në karrierë është ekipi korçar, kjo për shumë e shumë arsye që tashmë dihen.
Po përmendim disa fakte që janë të dukshme. Kështu po të shohësh sot shumë prej ish-futbollistëve dhe trajnerëve janë nga më të këruarit në treg dhe janë në trajnim me ekipe të ndryshme dhe kjo falë përvojës që kanë fituar me atë Skënderbe të niveleve europiane.
Cili më shumë se ekipi i Skënderbeut ka nxjerrë futbollistë në merkaton ndërkombëtare?!
Kujtojmë që vetëm në këto momente janë katër futbollistë dhe nuk është pak. Por po të shohësh ndër vite janë disa dhjetëra që sot vërtet janë në ekipe prestigjioze.
Këtë shans e kanë shumë prej atyre që luajnë tek ky ekip dhe duhet ta shfrytëzojnë për mirë, por gjithnjë duke dhënë në fushën e lojës.
