Ka qenë portali ynë që zbuloi pak orë më parë edhe blerjen e fundit zyrtare të Skënderbeut dhe me mbrojtësin Albi Doka merkatoja bardhekuqe është e mbyllur përfundimisht, teksa u plotësua edhe numri 25 i lojtarëve që janë federuar tashmë dhe do të jenë këta futbollistë që do të luajnë deri në janar, kur të rihapet sërish merkatoja.
Në fundin e merkatos, Skënderbeu goditi me sulmuesin nigerian Tayo dhe me ish-mbrojtësin bardheblu Albi Doka.
Tashmë edhe vetë Ivan Gvozdenoviç është më i qetë, pasi e ka grupin e futbollistëve dhe me këta lojtarë do të kërkojë sërish që të renditë këtë Skënderbe mes katër më të mirave të superligës shqiptare në “Abissnet Superiore”.
Më poshtë po ju sjellim të gjithë grupin e lojtaëve, teksa kemi marrë të gjitha rolet një e nga një, ku sigurisht më shumë lojtarë mund të themi se Skënderbeu ka në repartin e prapavijës.
Tashmë ky Skënderbe është i plotësuar dhe presidenti Ardjan Takaj dhe drejtuesit e klubit kanë bërë një merkato të denjë, për një Skënderbe me objektiva madhore.
Më poshtë ju mundësojmë emrat e 25 futbollistëve, datëlindjen, rolet dhe nga vijnë, ndërkohë që tashmë nuk mbetet gjë tjetër, vetëm t’i urojmë Skënderbeut suksese në edicionin e ri 2024-2025!
Ja dhe lista e lojtarëve aktualë të Skënderbeut:
(Portierë)
1.Marko Alia 24-vjeç (portier)
2.Kristian Roku 21-vjeç (portier)
(Mbrojtës)
3.Klevis Shaqe 24-vjeç (mbrojtës)
4.Andrea Gerco 24-vjeç (mbrojtës)
5.Randi Dumfor 23-vjeç (mbrojtës) (Gana)
6.Elvis Prençi 31-vjeç (mbrojtës)
7.Kosta Vangjeli 24-vjeç (mesfushor)
8.Ergi Zenullari 21-vjeç (mbrojtës)
9.Marko Ramos 25-vjeç (mbrojtës) (Brazil)
10.Luko Vaskez 21-vjeç (mbrojtës) (Kolumbi)
11.Albi Doka 27-vjeç (mbrojtës)
(Mesfushorë)
12.Juri Merlim 25-vjeç (mesfushor) (Brazil)
13.Mario Rabiu 24-vjeç (mesfushor) (Nigeri)
14.Dejvid Janaqi 21-vjeç (mesfushor)
15.Rei Pecani 22-vjeç (mesfushor)
16.Erolind Krasniqi 24-vjeç (mesfushor) (Kosovë)
17.Franklin Kamleu 20-vjeç (mesfushor) (Kamerun)
18.Henrik Nerguti 21-vjeç (mesfushor)
(Sulmues)
19.Ermir Rashica 20-vjeç (sulmues) (Kosovë)
20.Ardit Nikaj 22-vjeç (sulmues)
21.Bismark Çarls 23-vjeç (sulmues) (Gana)
22.Oniks Grezda 17 vjeç (sulmues) (Kosovë)
23.Etiene Tare 20-vjeç (sulmues)
24.Foti Çuçka 20-vjeç (sulmues)
25.Tayo Razack Abiodoun 20-vjeç (sulmues) (Nigeri)
