Në Ballsh më 20 tetor 2024 Skënderbeu do të shënonte fitoren e fundit në këtë superligë dhe qysh atëherë ka kaluar thuajse një fazë e tërë dhe skuadra bardhekuqe vetëm ka shënuar humbje dhe barazime. 0-1 do të ftonte skuadra e Ivan Gvozdenoviç në transfertën e Ballshit dhe pas atij momenti shënon 4 barazime dhe 4 humbje radhazi. Kjo është java e 9-të që Skënderbeu nuk njeh fitore dhe sot është dita e së vërtetës.
Nuk ka asnjë justifikim për Skënderbeun në këtë ndeshje të sotme, pasi bën punë vetëm trepikëshi dhe asnjë rezultat tjetër, ndërkohë që këtë e di fort mirë gjithë ekipi, stafi teknik, futbollistët dhe presidenca.
Ditën e djeshme janë luajtur tre ndeshjet e para të javës së 18-të, ndërkohë që sot luhet në Durrës dhe në Korçë, ku Teuta pret Egnatian dhe Skënderbeu Bylisin. Të dy ndeshjet startojnë në orën 16:30 dhe gjithë vëmendja është në Korçë, ku do të kemi përballjen e fundtabelës. Skënderbeu konfirmon vetëm mungesën e Albi Dokës për shkak të kartonit të kuq javën e kaluar, ndërkohë që gjithë të tjerët janë në formën e tyre më të mirë.
Presidenti Ardjan Takaj i ka falur shumë futbollitët deri tani, duke mos praktikuar asnjë masë qoftë edhe financiare për gjithë ato rezultate negative, por që sot do t’ua bëjë edhe njëherë të qartë të tijve përpara ndeshjes, teksa ndeshja me Bylisin vlen vetëm fitore. Skënderbeu ka shanin e artë, teksa pret Bylisin dhe javën e ardhshme pret Elbasanin, gjë që do të thotë se me 6 pikë në dy ndeshjet e radhës do të ishte mbyllja më e mirë për këtë vit 2024-ër.
Gjithsesi radhën e ka sot Bylisi, prandaj Ujqërit janë gati të rifillojnë edhe njëherë rezultatet pozitive.
Forca djema! Forca bardhekuq!
Java e 18-të e “Abissnet Superiore”
14 dhjetor (DJE)
Vllaznia – Laçi 2-1
Dinamo – Tirana 2-1
Partizani – Elbasani 2-2
15 dhjetor (SOT)
Teuta – Egnatia, ora 16:30
Skënderbeu – Bylis, ora 16:30
In Ballsh, on October 20, 2024, Skënderbeu would record its last victory in this Superliga. Since then, nearly an entire phase has passed, and the white-and-red team has only managed losses and draws. The team led by Ivan Gvozdenović claimed a 1-0 victory in the away match in Ballsh, but after that moment, they have recorded 4 draws and 4 consecutive losses. This marks the 9th week that Skënderbeu has failed to secure a win, and today is the day of truth.
“KORÇA BOOM”
