Nuk kanë pritur gjatë maliqarët, pasi në ditët e para të këtij viti ata kanë zbritur në fushën stërvitore. Pra, sot ata zhvilluan stërvitjen e parë.
Nga informacioni i marrë, mësohet se të gjithë futbollistët kanë qenë nën urdhrat e trajnerit Egli Malësia, i cili ka deklaruar se: “Kemi filluar fazën e përgatitjeve, po përgatitemi që të bëjmë një paraqitje sa më dinjitoze në pjesën e dytë të garës. Ne jemi duke punuar edhe në drejtim të përforcimit të ekipit. Kështu, Ibrahim është afrimi ynë i parë, por në këtë moment jemi në diskutim edhe me disa futbollistë. Emrat nuk mund t’i bëj publik, pasi në momentin që do të hidhet firma mbi kontratën, do t’ju bëj me dije”.
Por ndërkohë, është mësuar se i vetmi futbollist që ka larguar është Torollari. Sipas trajnerit Malësia: “Kemi prishur kontratën në mënyrë të dyanshme, çka do të thotë me mirëkuptim mes palëve.”
Edhe pse kampionati i kësaj kategorie do të fillojë edhe një muaj, maliqarët kanë filluar përgatitjet, duke treguar ambiciet dhe seriozitetin në punën që po kryejnë, duke u ngjitur sa më shpejt në tabelën e renditjes, ku natyrisht për ta nuk përjashtohet mundësia edhe për një pozicion të një zone të lartë.
Although the league in this category is set to start in a month, the players from Maliqi have already started their preparations, showing their ambitions and seriousness in the work they are doing, aiming to climb the standings as quickly as possible, with the possibility of reaching a high position in the league not being ruled out.
“KORÇA BOOM”
