Në kuadër të bashkëpunimit institucional, specialisti i Qendrës së Karrierës dhe Alumnit, UNIKO, dr. Romeo Terolli zhvilloi një takim me drejtorin e Credins Bank në Korçë z. Ilir Selenica.
Prej vitesh Credins Bank vijon të mbështesë studentët dhe Alumnin e Universitetit me pjesëmarrje në veprimtari të rëndësishme, ku veçojmë Panairin e Punës, apo paisjen me uniforma të studentëve të ekipeve sportive të Universitetit “Fan S. Noli”.
Në takimin e zhvilluar sot drejtori i Credins Bank z. Ilir Selenica shprehu edhe njëherë interesin e Credins Bank për të qënë sa më afër studentëve, Alumnit dhe stafit të UNIKO.
Ai shprehu gatishmërinë që në kuadër të zgjerimit të këtij bashkëpunimi të krijohen edhe më tepër mundësi dhe hapësira për praktika të studentëve dhe punësim të Alumnit të Universitetit pranë institucionit që ai drejton, si dhe pjesëmarrjen e Credins Bank në veprimtari, projekte, e angazhime të përbashkëta me Universitetin.
REDAKTUAR nga:
“KORÇA BOOM”
