Sipas MeteoAlb një sistem i fuqishëm vranësirash do të sjelle në territorin Shqiptar kushte të paqëndrueshme atmosferike; duke sjellë vranësira dhe shira si fillim në veri të vendit dhe gradualisht do të përfshijë të gjithë territorin.

Më të theksuara shirat do të jenë në skajin verior ku priten edhe përmbytje lokale.  Parashikohet që; mbrëmja dhe nata të vijojnë më shira të intensitetit mesatar dhe lokalisht intensivë në veri-veriperëndim të territorit.

Temperaturat e ajrit do të pësojnë rritje si në mëngjes edhe në mesditë duke luhatur vlerat ditore nga 10°C vlera më e ulët deri në 30°C vlera më e lartë në territor. Era do të fryjë e fortë me shpejtësi deri në 80 km/h nga drejtimi sërish Jugor; duke krijuar në brigjet detare dallgëzim mbi 7 ballë.

REDAKTUAR nga:

“KORÇA BOOM”

Mirëmëngjes miq dhe fansa të faqes sonë! Jemi së bashku në këtë të enjte kur data shënon 3 tetor 2024.

Ditën e sotme kemi zgjedhur t’ju themi mirëmëngjes me një pamje nga liqeni i Gjançit të cilin zoti e ka bekuar me këtë bukuri dhe t’ju urojmë më të mirat për ju.

Ju urojmë një të enjte sa më të bukur për të gjithë!

Ditë të mbarë miq të faqes “Korça Boom”!

REDAKTUAR nga:

“KORÇA BOOM”

Nga puna në Goçë, Pirg, Drithas Posht e Vreshtas për sistemim e çakëllim rrugësh.

Punonjësit e Sektorit të Rrugëve dhe Ujitje Kullimit çdo ditë në terren.

REDAKTUAR nga:

“KORÇA BOOM”

Fshati Nikolicë, ofron pamje mahnitëse dhe gjelbërim pafund. E vendosur në afërsi të

destinacionit turistik të Dardhës, ky vend është ideal për hiking dhe biking, ose piknik për të

përjetuar qetësinë dhe bukurinë e pa prekur të natyrës.

REDAKTUAR nga:

“KORÇA BOOM”

Stafi pedagogjik i shkollës Pirg shkruan këtë mesazh ngushëllimi për mësuese Natasha Vurmo, mësuesen e kësaj shkolle: “Largimi yt është i parakohshëm dhe i trishtë.
Jeta u tregua e padrejtë me ty Natashë. 
Mësuese e përkushtuar, kolege e dashur dhe mirëkuptuese, njeri me zemër të madhe që kurrë nuk e mohove dorën e ndihmës, grua e fortë, nënë e përkushtuar, ky është imazhi që na le pas ikjes tënde. Do i mungosh kujtdo që të njohu, por do të kujtohesh gjithmonë mes zërave që gumëzhijnë korridoreve të shkollës sonë.
Shkolla pa ty nuk do të jetë më e njëjta.
Drejtoria e shkollës dhe stafi pedagogjik u shprehin ngushëllime të përzemërta familjarëve!
Lamtumirë mikja, shoqja, kolegia jonë!”

REDAKTUAR nga:

“KORÇA BOOM”

2 Tetor, Dita e Baba Kasëmit/ Ditën e sotme në fshatin Kuç, besimtarët bektashinj festojnë këtë datë të shënuar për ta. Besimtarë bektashinj nga Devolli dhe gjithë Shqipëria bëhen bashkë për të kujtuar figurën e Baba Kasëmit.

Në nder të tij është ngritur një tyrbe dhe më vonë teqeja, pasi ai ka luajtur rol të shquar atdhetar dhe fetar.

Gëzuar të gjithë besimtarëve bektashinj!

REDAKTUAR nga:

“KORÇA BOOM”

Dita Ndërkombëtare Kundër Dhunës, është përcaktuar në 2 Tetor të çdo viti, pasi ajo datë është ditëlindja e Mahatma Gandhi, udhëheqës i lëvizjes për pavarësi në Indi dhe pionier i filozofisë dhe strategjisë së “Jo-dhunës!”.

Gandi përdorte metoda civile, paqësore, për t’i mbijetuar pushtimit britanik. Pavarësisht se ka qenë në burg disa herë, asgjë nuk e nxiti atë të heqë dorë nga format paqësore, të cilat rezultuan në pavarësinë e Indisë. Gjithashtu, Gandi ka nxitur krijimin e marrëdhënieve të shëndetshme ndërmjet njerëzve të feve dhe etnive të ndryshme, duke respektuar të drejtat e grave dhe reduktuar varfërinë.

Rezoluta e 15 qershorit 2007, vendosi ta caktojë këtë ditë si një rast për të përforcuar mesazhet kundër dhunës, duke përfshirë edukimin dhe ndërgjegjësimin publik. Kjo rezolutë, riafirmon “rëndësinë universale të parimeve kundër dhunës dhe dëshirën për siguruar kulturën e paqes, tolerancës, të të kuptuarit dhe jodhunës”.

Kjo ka vlerë edhe për kundërshtarët tanë, për armiqtë, ku gjuha e arsyes, e gjetjes së pikave të përbashkëta të interesit mund të sigurojë kulturën e dialogut dhe  përmbushjen e qëllimeve.

Dhuna fizike, për fat të keq, ende përdoret për arritjen e shumë qëllimeve, si në planin individual dhe atë social apo politik.

Në këtë ditë promovohet që, transformimi social ose politik mund të arrihet pa përdorimin e ndonjë lloj dhune. Studiuesit e kanë quajtur teorinë e “Jo-dhunës!” si “politika e njerëzve të rregullt”, të cilët nuk kanë qasje në instrumentet e dhunës, përfshirë edhe armët.

Në fakt dhuna, ka pasojë dhunën. Kjo shpesh kthehet në një rreth vicioz që nuk mbaron kurrë.

Zakonisht “Jo-dhuna” është përdorur gjerësisht në të gjithë botën si një mënyrë për të përmbushur kauza madhore apo për të arritur drejtësi sociale; është sinonim me pacifizmin që beson në arsyen e shëndoshë të njerëzve të civilizuar në zgjidhjen e konflikteve dhe që po aplikohet gjerësisht që pas gjysmës së dytë të shekullit të 20-të.

Ndonjëherë mbrojtësit e vijës së ashpër (revolucionarët) e shikojnë Jo-dhunën si dobësi. Nuk është e vërtetë. Bazuar në fakte, është ekzaktësisht e kundërta. Ajo kërkon kurajo dhe forcë, sensibilizim dhe pjesëmarrje aktive.

Është shumë e rëndësishme që në familje dhe institucione të edukimit (formimit të personalitetit), të promovohet kultura e tolerancës, e Jo-dhunës, veçanërisht për fëmijët dhe adoleshentët.

Duhet rrënjosur bindja se dhuna nuk duhet të tolerohet nga askush, pavarësisht moshës, sfondit (rrethanave) apo problemeve. Kjo ka vlerë të përhershme, si në kohë krizash (lufte) apo paqeje.

Shoqëria civile, por edhe media mund të luajnë një rol të dobishëm në këtë drejtim.

Toleranca ka nevojë për motivim dhe durim, për vetëkontroll dhe synon të promovojë qasje dhe shanse të barabarta.

Koncepti i Jo-dhunës do të jetë i largët përsa kohë priremi nga individualizmi agresiv (egoja e sëmurë) ku ambicia pozitive për të arritur perfeksionimin shndërrohet në një betejë të paprinciptë, prish raportet e bashkëjetesës brenda grupit,  parimet “marr” dhe “jap”, komponenten sociale të kompromisit dhe mirëqenies.

Pavarësisht ndryshimeve, unicitetit të qenieve që përfaqësojmë është e rëndësishme që të gjithë shoqërinë ta konsiderojmë si një familje të madhe dhe të kujdesemi sistematikisht për njëri -tjetrin.

REDAKTUAR nga:

“KORÇA BOOM”

SHENJTORI I DITËS E mërkurë, 2 tetor 2024 DITË KRESHME

Hierodëshmor Qipriani nga Kartagjena dhe dëshmore Justina. Oshënar Theofili. Dëshmor i ri Gjergji.

– HIERODËSHMOR QIPRIANI NGA KARTAGJENA DHE DËSHMORE JUSTINA –

Qipriani ishte nga Kartagjena dhe jetonte në Antioki nën mbretërimin e perandorit Deci rreth vitit 250. Rridhte nga një familje fisnike dhe e pasur, e cila shkëlqente veçanërisht në filozofi dhe në praktikat magjike. Në këtë epokë jetonte në Antioki një virgjëreshë e bukur, bijë e Edesios, prift idhujtar, me emrin Justa.

Ajo dëgjoi një ditë predikimin e dhjakut Praulios, i cili kishte ardhur tek populli për të shpërndarë fjalën e së vërtetës. U trondit përbrenda saj, saqë menjëherë besoi tek Krishti. Besimi dhe dashuria për Perëndinë e tjetërsuan në atë masë, sa tërhoqi në besim prindërit e saj. Të tre kërkuan pagëzimin nga episkopi i shenjtë Optat.

Më pas Justa vendosi t’i kushtohej tërësisht Zotit dhe të jetonte në virgjëri deri në fund të jetës. Aglaidhi, një i ri pagan, u dashurua marrëzisht me të, por i dëshpëruar nga refuzimet e vajzës, iu drejtua për ndihmë Qiprianit, që nëpërmjet magjisë të bënte të lindnin pasione tek vajza. Pasi u konsultua me librat, Qipriani thirri demonët që ta ndihmonin. Por asgjë nuk mund të tundonte virgjëreshën, kaq e fuqishme ishte dashuria për Krishtin dhëndër.

Pasi pa që tre herë demonët u mundën nga hiri i Zotit që vepronte tek Justa, Qipriani njohu se besimi i të krishterëve kishte fuqi mbi artin demoniak. Ai besoi dhe kërkoi të pagëzohej nga episkopi Anthim i asaj kohe, hoqi dorë nga shkenca që përdorte për këto raste dhe dogji publikisht librat e magjisë.

Më pas u bë episkop dhe e dorëzoi Justën në dhjakoneshë duke i dhënë emrin Justina. Gjatë persekutimeve të Decit ata u zunë robër dhe u çuan në Damask për t’u torturuar. U nxorën përpara perandorit në Nikomedi, ku me urdhër të tij iu prenë kokat.

Sipas shën Grigor Theologut, vetë Qipriani u dashurua me Justën dhe prej saj erdhi në besim. Të dy shenjtorët i kërkojmë kundër magjive.

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!  
Sot është e mërkurë dhe data shënon 2 tetor 2024. 

Sot kemi zgjedhur t’ju themi mirëmëngjes me një pamje të veçantë, me këtë mrekulli që natyra i ka falur liqenit të Gramozit.
Ju urojmë një ditë sa më të bukur për të gjithë Ju dhe të dashurit tuaj!  

Të mërkurë sa më të mbarë për të gjithë Ju miq të “Korça Boom”! 

REDAKTUAR nga:

“KORÇA BOOM”

Tek skuadra e Skënderbeut janë shumë futbollistë që kanë shfaqur hapur besimin e tyre. Jo vetëm kaq por e mbrojnë dhe e reklamojnë, gjithnjë kur janë në momente të vështira sportive dhe realisht besojnë në Zot, sipas mënyrave të tyre dhe besimeve që mund të jenë të ndryshme.

Por ajo që duket qartë se të gjithë respektojnë besimet e njëri-tjetrit. Këtë herë ne po ju sjellim Mario Rabiun, që duket qartë edhe në foto se po lutet para ndeshjes. Shumë futbollistë korçarë kur janë në fushë ose në fillimet e lojës kryejnë ritet e besimit.

Madje shumë prej tyre në rrjetet e tyre socile hedhin edhe pjesë nga thëniet e tyre fetare dhe e kanë si një mënyrë për të treguar se vetëm duke besuar në Zot, mund të arrish rezultate të larta dhe natyrisht kërkojnë edhe fatin në çdo ndeshje.

REDAKTUAR nga:

“KORÇA BOOM”