Sporti
Euro 2024 qazim laçi jemi pjesë e finaleve me meritë duam të marrim maksimumin e pikëve në ndeshj
Qazim Laçi, mesfushori i ekipit Kombëtar ishte lojtari i radhës që doli sot në konferencën për media nga kampi bazë i kuqezinjve në Kaiserau në Kamen. Mesfushori kuqezi foli për objektivat e kuqezinjve në grupin B dhe u ndal te sfida e parë e Shqipërisë kundër Italisë, që do të luhet të shtunën në ora 21:00 në Dortmund.Laçi u shpreh se Shqipëria ka mbërritur me meritë në këto finale dhe se po jep maksimumin në stërvitje në mënyrë që ta nisë sa më mbarë me Italinë. Numri 14 i Kombëtares tha se skuadra kuqezi do t’i marrë të gjitha ndeshjet me radhë, ndërsa komentoi edhe konkurrencën në Kombëtare, që e konsideron si mjaft produktive.-Si kanë shkuar përgatitjet dhe a mendon se do ta nisësh si titullar ndaj Italisë?– Kemi bërë shumë mirë. Organizimi është shumë i mirë nga stafi dhe FSHF, si në Austri dhe në Gjermani. Kemi punuar shumë mirë dhe po punojmë që të jemi gati për ndeshjen me Italinë. Se kush nis nga fillimi e vendos trajneri. Të gjithë lojtarët janë gati, djemtë po punojnë shumë fort. Si të luajmë 1 minutë, si nga fillimi, si 5 minuta duhet të jemi të gjithë në dispozicion të trajnerit dhe do të japim maksimumin.-Mesfusha e Italisë?– Sigurisht që do të jetë një përballje shumë e vështirë. Që nga shorti ne e dinim që do ishte një ndeshje shumë e rëndësishme për ne. Të gjithë lojtarët po japim maksimumin dhe duhet të luftojmë deri në fund për të marrë maksimumin e pikëve.-Sa e rëndësishme është të marrim rezultat pozitiv me Italinë për ndeshjet e tjera?– Ndeshja e parë është pak më e vështirë për të gjitha ekipet, si për ne si për Italinë. Ne kemi arritur deri këtu me shumë meritë. Kemi dhënë maksimumin në kualifikuese, kemi bërë ndeshje të mira dhe kështu do të vazhdojmë. Të punojmë sa më mirë, të stërvitemi dhe të mundohemi që të shfaqim ato gjëra që jemi stërvitur edhe në fushë. Objektivi ynë është që të marrim maksimumin e pikëve te ndeshja e parë.-Konkurrenca në ekip?– Është konkurrencë shumë pozitive. Lotjarët janë të barabartë në Kombëtare dhe janë grumbulluar futbollistët më në formë të momentit. Ka shumë konkurrencë në të gjitha repartet, të gjithë po japim maksimumin për të arritur sa më lart. Çdo lotjarë duhet të japi maksimumin.-Me cilin nga ekipet mezi po e pret përballjen?– Të tre kundërshtarët tanë janë shumë të fortë. Secili prej tyre ka cilësitë e veta dhe është e vështirë të bëj një zgjedhje. Çdo ekip ka lojtar me diferencat dhe karakteristikat e veta. T’i marrim ndeshjet me radhë.-A është Shqipëria gati për ndeshjen e parë me Italinë?– Patjetër, të gjithë lojtarët janë gati. Fatmirësisht nuk kemi pasur asnjë dëmtim, kjo është kryesorja. Mezi po presim që të vazhdojë “EURO 2024”. Ndeshja e parë do jetë pak me stres pasi është takimin i parë. Por të gjithë lotjarët janë shumë të motivuar dhe kjo është shumë pozitive për ne.-Këshillat që keni marrë nga lojtarët që vijnë për herë të dytë në Kombëtare– Nuk kanë thënë gjëra specifike. Këto lojtarë me eksperiencën që kanë na kanë ndihmuar në çdo stërvitje dhe ndeshje, se si të paraqitemi, çfarë duhet të specifikojmë, në mënyrë që të përballemi me kundërshtarët në grup.-Sa presion ka Shqipëria në këtë grup?- Në ndeshjet kualifikuese kemi bërë shumë mirë. E mbyllëm të parët sepse e merituam. Edhe në Europian jemi me këmbë në tokë. Sigurisht do të jetë shumë e vështirë, pasi është një grup i fortë. Italia, Spanja dhe Kroacia janë shumë ekipe të forta. Por ne do ta shijojmë dhe do të japim maksimumin, pasi kjo fanellë që po veshim, vlen shumë.
Kategoria 2
KATEGORIA E DYTË/ Sot vëmendja në Memaliaj-Maliqi dhe Delvina-Devolli!
Sporti
Gvozdenoviç i zhgënjyer: Nuk e meritonim, kartoni i kuq vendosi ndeshjen
Sporti
Tetova: Donim vetëm 3 pikët, Skënderbeu nuk rrezikoi shumë
Sporti
VOLEJ FEMRA/ Skënderbeu “kafshon” edhe Barleti Volley. Elena Bego më e mira!
Super Liga
Skënderbeu ngelet në vend, Egnatia kalon momentin krizë
Sporti
VOLEJ MESHKUJ/ Skënderbeu shpartallon Elbasanin në javën e katërt
Sporti
Ja çfarë po ndodh në stadium përpara ndeshjes Skënderbeu-Egnatia
Sporti
Skënderbeu-Egnatia në orën 19:00/ Ja formacionet e të dy ekipeve
Kategoria 1
POGRADECI mposht Kukësin/ Ja 5 çiftet e luajtura sot!
Sporti
Java e dytë e kampionatit të vajzave luhet e ndarë në dy ditë
-
Sporti3 ditë ago
Ky është talenti i bardhekuqve para 4 vitesh dhe sot golashënuesi më i mirë i Skënderbeut!
-
Sporti5 ditë ago
Egnatia me mungesa të shtunën drejt Korçës!
-
Sporti4 ditë ago
Skënderbeu/ Sot analiza e humbjes, ja ç’pritet të ndodhë
-
Sporti2 ditë ago
Korçarët “fërkojnë” duart për ndeshjen e fundit të fazës në Ballsh
-
Sporti4 ditë ago
EKSKLUZIVE/ Shikoni 10 vite më parë kur Alessandro Del Piero vishte fanelën e Skënderbeut!
-
Sporti4 ditë ago
Skënderbeu të shtunën me ndryshime në formacion/ Mësoni cilat janë
-
Sporti4 ditë ago
SKËNDERBEU/ Pas Juri Merlim, alarm edhe për Randi Dumfor dhe Etien Tare!
-
Sporti4 ditë ago
Flet Dhimitraq Xhambazi: Ja kush spikat te Skënderbeu! Kjo superligë, më e fortë
-
Sporti5 ditë ago
JAVA E 8-të e superligës në 3 ditë/ Skënderbeu-Egnatia luhet…
-
Sporti2 ditë ago
Ja tre “shtyllat” e mbështetjes për fitore ndaj Egnatias të korçarëve…