Connect with us

Sporti

Euro 2024/ Silvinjo dhe objekivat e së ardhmes, presidenti Duka i rrëfen të gjitha

Rrugëtimi i Kombëtares shqiptare në finalet e Kampionatit Europian “Gjermani 2024” është ende një nga temat më të diskutuara në mediat shqiptare e më gjerë. Kuqezinjtë e drejtuar nga trajneri Silvinjo nuk ia dolën të kalonin në fazën e 1/16-ve, teksa ishin pjesë e grupit B, përballë Spanjës, Italisë dhe Kroacisë.Edhe pse morën vetëm një pikë në tre ndeshje, Presidenti i Federatës Shqiptare të Futbollit shprehet se skuadra ka bërë një paraqitje të mirë në këtë aventurë europiane. Në një intervistë të gjatë për gazetën “Telegrafi” në Kosovë, kreu i qeverisë së futbollit shqiptar tregon se kuqezinjtë kanë luftuar në çdo ndeshje deri në minutën e fundit, pavarësisht se përballë kishin skuadra kampione dhe nënkampione. Ndër të tjera, Presidenti Duka flet edhe për kontratën e trajnerit Silvinjo, duke vlerësuar punën e teknikut brazilian në krye të ekipit tonë kombëtar; tregon emrat e kuqezinjve që u kanë bërë më shumë përshtypje në këto ndeshje; komenton vendimet e Komisionit të Disiplinës dhe Etikës së UEFA-s për gjobat e vendosura për FSHF-në dhe dënimin e Mirlind Dakut.Numri një i futbollit shqiptar, Armand Duka flet në këtë intervistë edhe për marrëdhënien e shkëlqyer me Federatën e Kosovës dhe Presidentin Agim Ademi, ndërsa thotë se nuk ka një marrëveshje mes dy federatave për kalimin e lojtarëve në ekipin tonë kombëtar, pasi çdokush e ka derën e hapur në Kombëtaren shqiptare. Presidenti Duka flet edhe për kandidaturën me Federatën Serbe për të mirëpritur finalet e Kampionatit Europian 2027 për grupmoshën U-21 ndërsa tregon edhe objektivat e Kombëtares për të ardhmen: ngjitjen në Ligën A në Nations League dhe kualifikimin për herë të parë në finalet e një Kampionati Botëror.– Ishim në Grupin e ferrit në Evropian ku përballë kishim emra të mëdhenj si Kroacia, Spanja dhe Italia, sa je i kënaqur me paraqitjen e Kombëtares?– Shqipëria ka bërë një paraqitje shumë të mirë në këtë Kampionat Evropian, pavarësisht se ishim në “grupin e ferrit” me ekipe që janë shpallur disa herë kampione Evrope dhe Bote si Spanja dhe Italia, apo edhe Kroacia që ka qenë finaliste në Kupën e Botës 2018 apo gjysmëfinaliste në këto kompeticione kaq të rëndësishme të futbollit.Sigurisht që mund të bënim më mirë, kemi luajtur mirë në të trija ndeshjet, ose për të qenë më i saktë, në gjysmën e dytë të ndeshjes me Italinë dhe në takimet përballë Kroacisë dhe Spanjës. Me pak fat mund ta kishim fituar kundër Kroacisë, ashtu sikurse ndeshja mund të ishte mbyllur edhe në favor të kroatëve.Por ne treguam që nuk kishim shkuar aty për pushime dhe luajtëm fort, me grintë dhe ishim aty deri në minutën e fundit të lojës, ku shënuam golin e barazimit me Gjasulën dhe kishim edhe një mundësi për t’i dërguar shifrat në 3-2. Por ky është futbolli, këto janë emocionet që ky sport dhuron dhe duhet të pranojmë në fund rezultatin. Në përgjithësi jam mjaft i kënaqur me atë që skuadra jonë bëri në fushë në këtë Kampionat Evropian, por e kam thënë dhe do vazhdoj ta them që mund të kishim marrë më shumë në tre ndeshjet, nëse do kishim guxuar, nëse do kishim besuar më shumë. Por, i falënderoj vërtetë çunat për emocionet, të gjithë stafin dhe sigurisht edhe tifozerinë shqiptare që shkëlqeu në Gjermani, në çdo qytet, në çdo shesh e në çdo stadium.– Para evropianit keni pritur më shumë apo pas ndeshjes së parë u janë rritur pritshmëritë?– Që kur u hodh shorti në dhjetor dhe mësuam se do të jemi në një grup me Spanjën, Italinë e Kroacinë e dinim që do ta kishim të vështirë, por kurrsesi në mendjen tonë nuk ekziston fjala ‘e pamundur’. Por që të rritesh në lojë, sigurisht që duhet të luash me kampionët. Në finalet e një kampionati evropian çdo skuadër jep mbi 100% në fushë. Ne kemi pretenduar që në ndeshjen e parë që të marrim pikë, pavarësisht se nuk ia dolëm. Por askush nuk futet në fushë me objektivin që të dalë i humbur. Është alogjike. Nuk morëm rezultatet që meritonim, për këtë jam i mërzitur. Por jam i kënaqur me paraqitjen e skuadrës në fushë.– Hera e dytë që marrim pjesë në një Kampionat Evropian, cila Shqipëri e ka kënaqur më shumë Armand Dukën, ajo e vitit 2016 apo 2024?– Hera e parë ka pasur më shumë emocione sigurisht, pasi nuk kishte ndodhur kurrë më parë që Shqipëria të kualifikohej në finalet e një Kampionati Evropian. Në Francë nuk kisha shumë presion për rezultatin, ishte e mrekullueshme që fituam një ndeshje dhe ne mund të kualifikoheshim në 1/16 nëse Portugalia nuk do të kishte golavarazh më të mirë se ne.Por në këtë Evropian, veç të tjerash kisha shumë presion edhe për rezultatin. Besoja se do të merrnim rezultate më të mira, për këtë mund të them se jam pak ‘i zhgënjyer’, por kurrsesi nuk ndihem kështu për lojën e bukur dhe paraqitjen e skuadrës në këtë rrugëtim.– Sylvinhos i skadon kontrata, do të ketë vazhdim të saj apo jo? Dhe sa je i kënaqur me punën e përzgjedhësit?–  Silvinjos i ka mbaruar kontrata pas Evropianit. Ne i kemi propozuar në fakt rinovimin që në muajin janar. Për momentin trajneri është me pushime dhe javës që vjen do të takohemi për të diskutuar për këtë temë dhe për të vazhduar punën. Sigurisht ne duam të hedhim sa më shpejt firmën në kontratë dhe të vazhdojmë të punojmë së bashku.Unë mendoj se Silvinjo ka punuar mirë, nën drejtimin e tij Shqipëria u kualifikua për në Euro 2024 pas një edicioni kualifikues shumë të mirë, ku bëri paraqitje shumë të mira në të gjitha ndeshjet dhe arriti të renditej në vendin e parë të grupit si kurrë më parë. Trajneri ka krijuar atmosferë pozitive në skuadër në një kohë shumë të shkurtër dhe rezultatet flasin shumë për punën e bërë.– E dimë që ke vështirë të flasësh me emra, por kush nga lojtarët u ka lënë më shumë përshtypje në Evropian, na përmend disa nga ta?– Vërtetë është e vështirë. Kemi një skuadër yjesh në fakt, që nga porta me Thomasin, që shkëlqeu në të trija ndeshjet e këtij Evropiani, duke vazhduar me mbrojtjen, mesfushën e sulmin. Vazhdon të më lërë pa fjalë dhe më mahnit në çdo ndeshje mbrojtësi i krahut të majtë, super Mario ynë si edhe truri i skuadrës, Kristian Asllani. Por janë të gjithë shumë të mirë, kemi një lider në mbrojtje si Berat Gjimshiti. Të gjithë, të gjithë më kanë lënë përshtypje shumë të mira.– Mirlind Daku u pezullua nga UEFA me dy ndeshje. Përveç UEFA-s ku ju jeni nënkryetar a ka marrë masa edhe FSHF për atë apo thjesht e keni kuptuar futbollistin që e kanë kapluar emocionet?– Sigurisht që kemi folur me futbollistin për atë që ndodhi. Ai e ka kuptuar dhe e ka thënë edhe vetë që është përfshirë nga emocionet në ato momente, por normalisht duhet pasur kujdes pasi në futboll nuk ka vend për racizëm, nuk ka vend për ofendime, nuk ka vend për gjeste anti-sportive. Futbolli ka fuqinë dhe misionin për të bashkuar njerëzit e popujt.– Çfarë premio kanë pasur futbollistët për kualifikimin në Euro 2024 dhe na thuaj se çfarë premio kanë pasur për Kampionatin Evropian?– Futbollistët dhe stafi kanë marrë një premio të majme për kualifikimin në Kampionatin Evropian, sigurisht edhe bonuse për çdo ndeshje të fituar në kualifikueset e këtij kampionati. Gjithsesi, pjesëmarrja në finalet e një Kampionati Evropian është në fakt bonusi më i madh që merr skuadra.– FSHF është federata që ka paguar më së shumti dënime në Euro 2024, si i ke parë këto dënime?– Sigurisht që askujt nuk i pëlqen që të gjobitësh aq shumë. Në tre ndeshje jemi gjobitur për të njëjtat arsye, për transmetimin e mesazheve anti-sportive, hedhjet e sendeve, ndezjen e flakadanëve, pushtimin e fushës. Megjithatë, vendimet kur janë të drejta respektohen dhe nuk diskutohen.– Pas 2 pjesëmarrjeve në Kampionate Evropiane, a duhet të presin tifozët ta shohin Shqipërinë në një Kampionat Botëror dhe kur mund të ndodhë një gjë e tillë?– Gjërat merren me radhë. Fillimisht kemi Ligën e Kombeve që nis në shtator dhe ne objektivi ynë është të ngjitemi në Ligën A. Luajmë përballë ekipeve si Republika Çeke, Ukraina e Gjeorgjia. Të gjithë e pamë se çfarë me grinte e pasioni luajtën këta të fundit në këtë Evropian, duke mposhtur Portugalinë e duke konkurruar denjësisht Spanjën. Pastaj është edhe Kampionati Botëror dhe objektivi ynë është sigurisht kualifikimi në finalet e Botërorit “Amerikë 2026”. E dëshirojmë pafund dhe jam i sigurt që me këtë skuadër yjesh që kemi, ëndrra mund të bëhet së shpejti realitet.– Ka shumë zhurmë rreth futbollistëve nga Kosova që kalojnë në ekipet e moshave në Shqipëri. A keni ndonjë marrëveshje me FFK-në për mos t’i marrë lojtarë njëra tjetrës?– Me Federatën e Kosovës, me mikun tim Agim Ademi kemi marrëdhënie fantastike, të shkëlqyera. Nuk e shoh aspak shqetësuese këtë zhurmë, përkundrazi. Është shqetësuese kur shqiptarët luajnë për përfaqësuese si Zvicra, Italia, etj., por jo kur përfaqësojnë ngjyrat kuqezi. Çdokush e ka derën e hapur në Kombëtaren tonë.– Kur keni vendosur për kandidaturën me Serbinë për Euro 2027, a keni menduar se mund të merrni shumë kritika nga shqiptarët, sidomos në Kosovë?– Ka pasur shumë reagime nga tifozët, por edhe nga individë, në Kosovë e Shqipëri, gjithashtu edhe para familjes time të Federatës së Futbollit. Ne e kemi analizuar gjatë përpara se të shpallnim kandidaturën, por mendoj që edhe ata e kanë bërë, edhe në këndvështrimin politik, kanë parë më tutje, kanë menduar mesazhin që mund të japi ky bashkëpunim. Unë e kam konsideruar si një armë të fortë për ta fituar këtë garë e për ta siguruar këtë kampionat, sepse mesazhi që jep është shumë i rëndësishëm.Është mesazh i paqes, tolerancës, bashkëpunimit dhe bashkëjetesës. E di mirë që dikush ka të drejtë të preket nga kjo, sepse plagën e kemi të freskët, por ne duhet të shohim më tej, duhet të mësohemi të bashkëjetojmë. Ne kemi në dorë të kontribuojmë që fëmijëve tanë t’i lemë një botë sa më të paqme. Nëse të gjithë punojnë në këtë drejtim, konfliktet do të jenë më të vogla. Patjetër, ne nuk e harrojmë atë çfarë ka ndodhur dhe sa më shumë nxjerrim mësime se çfarë ka ndodhur, duhet të luftojmë për paqe.

Rrugëtimi i Kombëtares shqiptare në finalet e Kampionatit Europian “Gjermani 2024” është ende një nga temat më të diskutuara në mediat shqiptare e më gjerë. Kuqezinjtë e drejtuar nga trajneri Silvinjo nuk ia dolën të kalonin në fazën e 1/16-ve, teksa ishin pjesë e grupit B, përballë Spanjës, Italisë dhe Kroacisë.Edhe pse morën vetëm një pikë në tre ndeshje, Presidenti i Federatës Shqiptare të Futbollit shprehet se skuadra ka bërë një paraqitje të mirë në këtë aventurë europiane. Në një intervistë të gjatë për gazetën “Telegrafi” në Kosovë, kreu i qeverisë së futbollit shqiptar tregon se kuqezinjtë kanë luftuar në çdo ndeshje deri në minutën e fundit, pavarësisht se përballë kishin skuadra kampione dhe nënkampione. Ndër të tjera, Presidenti Duka flet edhe për kontratën e trajnerit Silvinjo, duke vlerësuar punën e teknikut brazilian në krye të ekipit tonë kombëtar; tregon emrat e kuqezinjve që u kanë bërë më shumë përshtypje në këto ndeshje; komenton vendimet e Komisionit të Disiplinës dhe Etikës së UEFA-s për gjobat e vendosura për FSHF-në dhe dënimin e Mirlind Dakut.Numri një i futbollit shqiptar, Armand Duka flet në këtë intervistë edhe për marrëdhënien e shkëlqyer me Federatën e Kosovës dhe Presidentin Agim Ademi, ndërsa thotë se nuk ka një marrëveshje mes dy federatave për kalimin e lojtarëve në ekipin tonë kombëtar, pasi çdokush e ka derën e hapur në Kombëtaren shqiptare. Presidenti Duka flet edhe për kandidaturën me Federatën Serbe për të mirëpritur finalet e Kampionatit Europian 2027 për grupmoshën U-21 ndërsa tregon edhe objektivat e Kombëtares për të ardhmen: ngjitjen në Ligën A në Nations League dhe kualifikimin për herë të parë në finalet e një Kampionati Botëror.– Ishim në Grupin e ferrit në Evropian ku përballë kishim emra të mëdhenj si Kroacia, Spanja dhe Italia, sa je i kënaqur me paraqitjen e Kombëtares?– Shqipëria ka bërë një paraqitje shumë të mirë në këtë Kampionat Evropian, pavarësisht se ishim në “grupin e ferrit” me ekipe që janë shpallur disa herë kampione Evrope dhe Bote si Spanja dhe Italia, apo edhe Kroacia që ka qenë finaliste në Kupën e Botës 2018 apo gjysmëfinaliste në këto kompeticione kaq të rëndësishme të futbollit.Sigurisht që mund të bënim më mirë, kemi luajtur mirë në të trija ndeshjet, ose për të qenë më i saktë, në gjysmën e dytë të ndeshjes me Italinë dhe në takimet përballë Kroacisë dhe Spanjës. Me pak fat mund ta kishim fituar kundër Kroacisë, ashtu sikurse ndeshja mund të ishte mbyllur edhe në favor të kroatëve.Por ne treguam që nuk kishim shkuar aty për pushime dhe luajtëm fort, me grintë dhe ishim aty deri në minutën e fundit të lojës, ku shënuam golin e barazimit me Gjasulën dhe kishim edhe një mundësi për t’i dërguar shifrat në 3-2. Por ky është futbolli, këto janë emocionet që ky sport dhuron dhe duhet të pranojmë në fund rezultatin. Në përgjithësi jam mjaft i kënaqur me atë që skuadra jonë bëri në fushë në këtë Kampionat Evropian, por e kam thënë dhe do vazhdoj ta them që mund të kishim marrë më shumë në tre ndeshjet, nëse do kishim guxuar, nëse do kishim besuar më shumë. Por, i falënderoj vërtetë çunat për emocionet, të gjithë stafin dhe sigurisht edhe tifozerinë shqiptare që shkëlqeu në Gjermani, në çdo qytet, në çdo shesh e në çdo stadium.– Para evropianit keni pritur më shumë apo pas ndeshjes së parë u janë rritur pritshmëritë?– Që kur u hodh shorti në dhjetor dhe mësuam se do të jemi në një grup me Spanjën, Italinë e Kroacinë e dinim që do ta kishim të vështirë, por kurrsesi në mendjen tonë nuk ekziston fjala ‘e pamundur’. Por që të rritesh në lojë, sigurisht që duhet të luash me kampionët. Në finalet e një kampionati evropian çdo skuadër jep mbi 100% në fushë. Ne kemi pretenduar që në ndeshjen e parë që të marrim pikë, pavarësisht se nuk ia dolëm. Por askush nuk futet në fushë me objektivin që të dalë i humbur. Është alogjike. Nuk morëm rezultatet që meritonim, për këtë jam i mërzitur. Por jam i kënaqur me paraqitjen e skuadrës në fushë.– Hera e dytë që marrim pjesë në një Kampionat Evropian, cila Shqipëri e ka kënaqur më shumë Armand Dukën, ajo e vitit 2016 apo 2024?– Hera e parë ka pasur më shumë emocione sigurisht, pasi nuk kishte ndodhur kurrë më parë që Shqipëria të kualifikohej në finalet e një Kampionati Evropian. Në Francë nuk kisha shumë presion për rezultatin, ishte e mrekullueshme që fituam një ndeshje dhe ne mund të kualifikoheshim në 1/16 nëse Portugalia nuk do të kishte golavarazh më të mirë se ne.Por në këtë Evropian, veç të tjerash kisha shumë presion edhe për rezultatin. Besoja se do të merrnim rezultate më të mira, për këtë mund të them se jam pak ‘i zhgënjyer’, por kurrsesi nuk ndihem kështu për lojën e bukur dhe paraqitjen e skuadrës në këtë rrugëtim.– Sylvinhos i skadon kontrata, do të ketë vazhdim të saj apo jo? Dhe sa je i kënaqur me punën e përzgjedhësit?–  Silvinjos i ka mbaruar kontrata pas Evropianit. Ne i kemi propozuar në fakt rinovimin që në muajin janar. Për momentin trajneri është me pushime dhe javës që vjen do të takohemi për të diskutuar për këtë temë dhe për të vazhduar punën. Sigurisht ne duam të hedhim sa më shpejt firmën në kontratë dhe të vazhdojmë të punojmë së bashku.Unë mendoj se Silvinjo ka punuar mirë, nën drejtimin e tij Shqipëria u kualifikua për në Euro 2024 pas një edicioni kualifikues shumë të mirë, ku bëri paraqitje shumë të mira në të gjitha ndeshjet dhe arriti të renditej në vendin e parë të grupit si kurrë më parë. Trajneri ka krijuar atmosferë pozitive në skuadër në një kohë shumë të shkurtër dhe rezultatet flasin shumë për punën e bërë.– E dimë që ke vështirë të flasësh me emra, por kush nga lojtarët u ka lënë më shumë përshtypje në Evropian, na përmend disa nga ta?– Vërtetë është e vështirë. Kemi një skuadër yjesh në fakt, që nga porta me Thomasin, që shkëlqeu në të trija ndeshjet e këtij Evropiani, duke vazhduar me mbrojtjen, mesfushën e sulmin. Vazhdon të më lërë pa fjalë dhe më mahnit në çdo ndeshje mbrojtësi i krahut të majtë, super Mario ynë si edhe truri i skuadrës, Kristian Asllani. Por janë të gjithë shumë të mirë, kemi një lider në mbrojtje si Berat Gjimshiti. Të gjithë, të gjithë më kanë lënë përshtypje shumë të mira.– Mirlind Daku u pezullua nga UEFA me dy ndeshje. Përveç UEFA-s ku ju jeni nënkryetar a ka marrë masa edhe FSHF për atë apo thjesht e keni kuptuar futbollistin që e kanë kapluar emocionet?– Sigurisht që kemi folur me futbollistin për atë që ndodhi. Ai e ka kuptuar dhe e ka thënë edhe vetë që është përfshirë nga emocionet në ato momente, por normalisht duhet pasur kujdes pasi në futboll nuk ka vend për racizëm, nuk ka vend për ofendime, nuk ka vend për gjeste anti-sportive. Futbolli ka fuqinë dhe misionin për të bashkuar njerëzit e popujt.– Çfarë premio kanë pasur futbollistët për kualifikimin në Euro 2024 dhe na thuaj se çfarë premio kanë pasur për Kampionatin Evropian?– Futbollistët dhe stafi kanë marrë një premio të majme për kualifikimin në Kampionatin Evropian, sigurisht edhe bonuse për çdo ndeshje të fituar në kualifikueset e këtij kampionati. Gjithsesi, pjesëmarrja në finalet e një Kampionati Evropian është në fakt bonusi më i madh që merr skuadra.– FSHF është federata që ka paguar më së shumti dënime në Euro 2024, si i ke parë këto dënime?– Sigurisht që askujt nuk i pëlqen që të gjobitësh aq shumë. Në tre ndeshje jemi gjobitur për të njëjtat arsye, për transmetimin e mesazheve anti-sportive, hedhjet e sendeve, ndezjen e flakadanëve, pushtimin e fushës. Megjithatë, vendimet kur janë të drejta respektohen dhe nuk diskutohen.– Pas 2 pjesëmarrjeve në Kampionate Evropiane, a duhet të presin tifozët ta shohin Shqipërinë në një Kampionat Botëror dhe kur mund të ndodhë një gjë e tillë?– Gjërat merren me radhë. Fillimisht kemi Ligën e Kombeve që nis në shtator dhe ne objektivi ynë është të ngjitemi në Ligën A. Luajmë përballë ekipeve si Republika Çeke, Ukraina e Gjeorgjia. Të gjithë e pamë se çfarë me grinte e pasioni luajtën këta të fundit në këtë Evropian, duke mposhtur Portugalinë e duke konkurruar denjësisht Spanjën. Pastaj është edhe Kampionati Botëror dhe objektivi ynë është sigurisht kualifikimi në finalet e Botërorit “Amerikë 2026”. E dëshirojmë pafund dhe jam i sigurt që me këtë skuadër yjesh që kemi, ëndrra mund të bëhet së shpejti realitet.– Ka shumë zhurmë rreth futbollistëve nga Kosova që kalojnë në ekipet e moshave në Shqipëri. A keni ndonjë marrëveshje me FFK-në për mos t’i marrë lojtarë njëra tjetrës?– Me Federatën e Kosovës, me mikun tim Agim Ademi kemi marrëdhënie fantastike, të shkëlqyera. Nuk e shoh aspak shqetësuese këtë zhurmë, përkundrazi. Është shqetësuese kur shqiptarët luajnë për përfaqësuese si Zvicra, Italia, etj., por jo kur përfaqësojnë ngjyrat kuqezi. Çdokush e ka derën e hapur në Kombëtaren tonë.– Kur keni vendosur për kandidaturën me Serbinë për Euro 2027, a keni menduar se mund të merrni shumë kritika nga shqiptarët, sidomos në Kosovë?– Ka pasur shumë reagime nga tifozët, por edhe nga individë, në Kosovë e Shqipëri, gjithashtu edhe para familjes time të Federatës së Futbollit. Ne e kemi analizuar gjatë përpara se të shpallnim kandidaturën, por mendoj që edhe ata e kanë bërë, edhe në këndvështrimin politik, kanë parë më tutje, kanë menduar mesazhin që mund të japi ky bashkëpunim. Unë e kam konsideruar si një armë të fortë për ta fituar këtë garë e për ta siguruar këtë kampionat, sepse mesazhi që jep është shumë i rëndësishëm.Është mesazh i paqes, tolerancës, bashkëpunimit dhe bashkëjetesës. E di mirë që dikush ka të drejtë të preket nga kjo, sepse plagën e kemi të freskët, por ne duhet të shohim më tej, duhet të mësohemi të bashkëjetojmë. Ne kemi në dorë të kontribuojmë që fëmijëve tanë t’i lemë një botë sa më të paqme. Nëse të gjithë punojnë në këtë drejtim, konfliktet do të jenë më të vogla. Patjetër, ne nuk e harrojmë atë çfarë ka ndodhur dhe sa më shumë nxjerrim mësime se çfarë ka ndodhur, duhet të luftojmë për paqe.

Post Views: 12
Related Topics:
Continue Reading

Sporti

JAVA E 8-të e superligës në 3 ditë/ Skënderbeu-Egnatia luhet…

Kategoria Superiore do të rikthehet ditën e premte, me Dinamo-Laçi që do të ngrejë siparin e javës së tetë. Kjo sfidë do të startojë në orën 19:00, ndërkohë që fundjava do të pasojë me 4 duelet e tjera.  

Interesant është fakti se të gjitha duelet në këtë javë do të luhen në orën 19:00.  

Ditën e shtunë luhen dy duelet Partizani-Bylis dhe Skënderbeu-Egnatia. Java do të mbyllet ditën e diel me përballjet, Teuta-Tirana dhe Vllaznia-Elbasani.  

JAVA E TETË E SUPERLIGËS

TË PREMTEN 4 TETOR 2024 

ORA 19:00 DINAMO-LAÇI

TË SHTUNËN 5 TETOR 2024 

ORA 19:00 PARTIZANI-BYLIS

ORA 19:00 SKËNDERBEU-EGNATIA

TË DIELËN 6 TETOR 2024 

ORA 19:00 TEUTA-TIRANA

ORA 19:00 VLLAZNIA-ELBASANI

REDAKTUAR nga:

“KORÇA BOOM”

Post Views: 1
Continue Reading

Sporti

Egnatia me mungesa të shtunën drejt Korçës!

Egnatia duket realisht se ka humbur diçka nga forca e sezonit të shkuar, kur dominonte çdo kundërshtar, por është fakt që me Partizanin ndikuan jo pak mungesat që trajneri Tetova kishte në mbrojtje. Arbenit Xhemajli nuk ishte i grumbulluar për shkak dëmtimi.

Për të njëjtën arsye nuk luajtën Dylis dhe Fangaj, por këta të fundit të paktën ishin në stol. Trajneri Tetova nuk preferoi ndoshta të rrezikonte, duke i ruajtur dy lojtarët për sfidën e radhës me Skënderbeun në Korçë. Shpresat janë që Dylis dhe Fangaj do të jenë gati për këtë transfertë dhe ky është një lehtësim për stafin teknik të rrogozhinasve. Por edhe për këtë javë mungesat nuk u ndahen kampionëve në fuqi.

AHMETAJ – Mesfushori Alesandro Ahmetaj, titullar në ndeshjet e fundit, nuk mund të luajë kundër Skënderbeut, sepse është i skualifikuar për shkak kartonësh. Kartoni i verdhë që lojtari mori ndaj Partizanit të premten e kaluar ishte i katërti, kështu që ai e ka humbur sfidën e javës së 8- të. Ahmetaj shënoi 2 gola në fitoren e thellë kundër Bylisit dhe po bënte një paraqitje të mirë, ndërsa tani vjen ky pushim i detyruar. Në mesfushë Egnatia në fakt ka alternativa. Aleksi, që ka luajtur në mbrojtje, pritet të kthehet në vendin e tij, ndërkohë që të gatshëm për trajnerin Tetova janë edhe Zejnullai, Lushkja dhe Ujka, apo edhe Uotlai.

SULMI – Kampionët në fuqi vazhdojnë të shfaqin probleme në repartin e sulmit, ku në 7 ndeshje të zhvilluara vetëm 2 gola kanë realizuar lojtarët e këtij reparti. Vuthaj ka shënuar vetëm një gol me penallti, po ashtu edhe Xhoel e ka gjetur rrugën e rrjetës vetëm një herë. Këta kanë qenë dy sulmuesit titullarë të rrogozhinasve, ndërsa ata që janë aktivizuar si zëvendësues, Kasa, Drame dhe Jahaja, nuk kanë shijuar ende golin e parë sezonal.

REDAKTUAR nga:

“KORÇA BOOM”

Post Views: 298
Continue Reading

Sporti

Ermir Rashica ka një idhull, mësoni kë imiton kur…

Deri në këto momente Ermir Rashica është golashënuesi me i mirë i korçarëve me tre gola të shënuar. Si një sulmues i krahut të majtë ai dallohet për shpejtësinë në veprime dhe si një goditës i portës.

Por realisht, për një sulmues si ai duhet të ishin më shumë gola, gjithsesi është fillimi dhe deri në fund të kampionatit mund dhe shpresohet se do të shënojë edhe më shumë.

Por ajo që të bën përshtypje po ta ndjekësh me kujdes, është veprimi i tij kur shënon dhe merr pikërisht ato pozicione që edhe Kristiano Ronaldo merr pas shënimit.

Pra duket se kë ka idhull Rashica dhe kë ndjek në lojë se si vepron dhe si feston.

REDAKTUAR nga:

“KORÇA BOOM”

Post Views: 173
Continue Reading

Kategoria 2

MALIQI/ 4 lojtarë dhe trajneri Egli Malësija në 11-shin më të mirë të javës!

Portieri Almeida Costa, mbrojtësit Klesti Blaceri, Euxhenio Torollari, mesfushori Shkëlzen

Tako si dhe trajneri Egli Malësija janë zgjedhur në formacionin më të mirë të javës së dytë në

Grupin B të Kategorisë së Dytë.

REDAKTUAR nga:

“KORÇA BOOM”

Post Views: 67
Continue Reading

Sporti

Kalendari kuqezi/ Ekipet kombëtare, në misione të rëndësishme e vendimtare në muajin tetor

Tetori është një muaj shumë i rëndësishëm për Shqipërinë e futbollit. Thuajse të gjitha ekipet tona kombëtare, djem e vajza do të zbresin në fushën e lojës për të zhvilluar ndeshje shumë të rëndësishme.

Trajneri Silvinjo dhe trajneri Armir Grima do të drejtojnë ekipet e tyre kombëtare në sfida vendimtare dhe të rëndësishme për fatet e skuadrave në kompeticionet respektive. Shqipëria e Silvinjos do të luajë dy takime të rëndësishme në transfertë ndaj Çekisë (11 tetor, ora 20:45) dhe tre ditë më vonë ndaj Gjeogjisë (14 tetor, ora 18:00), të vlefshme për Ligën e Kombeve.

Sakaq, Shqipëria e vajzave, e drejtuar nga trajneri Armir Grima do të luajë dy ndeshje të rëndësishme ndaj Norvegjisë më 25 tetor (Loro Boriçi, ora 16:00) dhe 29 tetor (Ullevaal Stadion, ora 19:00). Këto sfida do të luhen në kuadër të raundit të parë të play-off-it, të vlefshme për Kampionatin Europian për vajza “Zvicër 2025”. Nëse Shqipëria kalon me sukses këtë raund, në fazën e dytë do të përballet me fituesen e çiftit Kroaci – Irlandë e Veriut.

Në fushë këtë muaj do të zbresin edhe ekipet kombëtare të moshave. Sfidat më të rëndësishme sigurisht do t’i kenë ekipet kombëtare të moshave U-17 për djem e vajza, që do të luajnë ndeshjet e raundit të parë kualifikues për Kampionatet Europiane respektive. Kombëtarja U-17 e drejtuar nga Andrea Tedesco, e kualifikuar direkt në finalet e Kampionatit Europian “Shqipëri 2025” do të luajë ndeshjet e raundit të parë në datat 9, 12 dhe 15 tetor ndaj Kroacisë, Hollandës dhe Ishujve Faroe. Të gjitha këto sfida do të luhen në Shqipëri.

Edhe raundi i parë i kualifikueseve të Kampionatit Europian U-17 për vajza do të zhvillohet në vendin tonë në datat 30 tetor – 5 nëntor. Shqipëria e drejtuar nga trajnerja Cyme Lulaj do të përballet me Kosovën (30 tetor) dhe Izraelin (5 nëntor).

Ekipi kombëtar U-21 do të luajë ndeshjen e fundit të kualifikueseve të Europianit U-21, ndaj Armenisë në “Air Albania” më 15 tetor, në ora 18:00. Kjo është sfida e fundit e ekipit Shpresa në këto kualifikuese të Europianit.

Ndërkaq, ekipi kombëtar U-19 do të luajë dy sfida miqësore ndaj Malit të Zi më 11 tetor në Podgoricë dhe 13 tetor në “Reshit Rusi” në Shkodër. Këto do të jenë edhe dy testet e fundit të skuadrës së drejtuar nga trajneri Julian Ahmataj përpara sfidave zyrtare të kualifikueseve të Europianit për këtë grupmoshë.

Ekipi kombëtar U-15 për vajza do të luajë dy sfidat e radhës të turneut “UEFA Development” ndaj Estonisë (2 tetor) dhe Maqedonisë së Veriut (5 tetor) ndërsa edhe kombëtarja U-15 për djem do të marrë pjesë në një turne të njëjtë ku do të përballet me Bosnje – Hercegovinën, San Marinon dhe Ishujt Faroe. Ky turne do të zhvillohet në vendin tonë në datat 20-28 tetor.

REDAKTUAR nga:

“KORÇA BOOM”

Post Views: 84
Continue Reading

Sporti

Humbja me Tiranën/ Ivan Gvozdenoviç “hakmerret”, nuk ka asnjë ditë…

Zakonisht pas çdo ndeshjeje ka edhe një ditë pushimi ose ekip të ndarë në grupe, por këtë herë Gvozdenoviç nuk ka menduar të lërë të tijtë pushim. Në orën 17:00 të pasdites së djeshme i gjithë ekipi pa përjashtim ishte në proces stërvitor edhe pse akoma nuk kishin kaluar 24 orë nga humbja e fundit.

Në seancën e parë u punua në dy pjesë ku vazhdon t’i kushtohet rëndësi përgatitjes fizike dhe seancat nuk janë ndërprerë për asnjë moment.

Më pas pjesa e dytë ishte një stërvitje me topin dhe një pjesë edhe taktike. Kështu do të vazhdohet deri ditën e ndeshjes së radhës me një seancë stërvitore.

Stërvitja e radhës do të jetë sot pasdite në aneksin e stadiumit “Skënderbeu” dhe kjo do të thotë se pas humbjes Skënderbeu është “dënuar” të mos pushojë asnjë ditë të vetme.

REDAKTUAR nga:

“KORÇA BOOM”

Post Views: 161
Continue Reading

Sporti

TENIS/ Njihuni me fituesit “Korça Junior 2024”

Denis Gaba e Marina Qeramixhi në U16 dhe Jonis Gaba e Aleksia Beta në U12 shpallen fitues të “KORÇA JUNIOR 2024”.

Është përbyllur turneu “KORÇA JUNIOR 2024” për kategorinë U12 dhe U16 në qendrën sportive në qytetin e Korçës, më 28-29 shtator, organizuar nga Federata Shqiptare e Tenisit në bashkëpunim me Tennis Korça Club.

Fituesit dhe finalistë e turneut sipas kategorive: U16 Djem: Fitues Denis Gaba me rezultatin 6-4, Ret ndaj finalistit Kledi Gaba. 16 Vajza: Fituese Marina Qeramixhi me rezultatin 6-1, 6-4 ndaj finalistes Liset Prifti.

U12 Djem: Fitues Jonis Gaba me rezultatin 4-2, 2-4, 10-8 ndaj finalistit Kleis Rota.

U12 Vajza: Fituese Aleksia Beta me rezultatin 4-2, 4-2 ndaj finalistes Hajdi Hysa. Urime dhe suksese të gjithë tenistëve pjesëmarrës!

 REDAKTUAR nga:

“KORÇA BOOM”

Post Views: 185
Continue Reading

Sporti

Presidenti Duka: Organizimi i Kampionatit Europian U-21 është vetëm një event sportiv, Shqipëria përfiton shumë

Presidenti i Federatës Shqiptare të Futbollit, Armand Duka, ishte i ftuar nëpërmjet një lidhje live mbrëmjen e djeshme në emision sportiv “AS” në Radio Televizionin Kombëtar të Kosovës me dy  gazetarët, Alba Merovci dhe Arlind Grantolli.

Kreu i qeverisë së futbollit shqiptar komentoi kandidimin për organizimin e UEFA EURO U21 2027 së bashku me Federatën Serbe të Futbollit, duke nënvizuar se është vetëm një event sportiv dhe nga ky organizim Shqipëria përfiton shumë.

Mbledhja e Komitetit Ekzekutiv të UEFA në Tiranë në shtatorin e vitit 2025 ishte një çështje tjetër që Presidenti Duka foli në emisionin sportiv “AS”, duke e konsideruar një ngjarje shumë të rëndësishme që do ta vendosë Shqipërinë në hartën e Europës.

Gjithashtu, kreu i Federatës u ndal edhe te performanca e Kombëtares në Nations League dhe shtoi se dy ndeshjet e radhës në muajin tetor në transfertë janë kyçe për renditjen përfundimtare.

Organizimi i Kampionatit Europian U-21 2027 – Ashtu siç dihet, ne kemi aplikuar për të organizuar Kampionatin Europian U-21 2027 në Shqipëri. Kemi aplikuar si Federatë e vetme dhe pastaj duke parë dhe aplikuesit kemi bashkuar kandidaturën bashkë me Federatën Serbe të futbollit për të organizuar Kampionatin Europian. Arsyet unë i kam sqaruar edhe më parë se pse kemi bashkëpunuar me një Federatë tjetër, për shkak të mungesës së infrastrukturës për të mbuluar të gjithë Europianin. Serbia ishte shteti më i mundshëm që mund t’i plotësonte këto kritere, pasi në garë ishin vetëm katër federata, ajo Shqiptare, Serbe, Turke dhe e Belgjikës.

Për ne është vërtetë një ngjarje e madhe sportive, organizimi i Kampionatit Europain U-21 që nuk ka ndodhur kurrë më parë. Benefitet për Shqipërinë janë të shumta, përveç imazhit të vendit është promovimi i futbollit në Shqipëri. Gjithashtu nëpërmjet këtij organizimi Kombëtarja shqiptare U-21 merr pjesë në finalet e Europianit si vend organizator dhe futbollistët tanë kanë mundësinë të shprehin aftësitë e tyre në një kompeticion të rëndësishëm që nuk ka ndodhur asnjëherë në historinë e Shqipërisë. Infrastruktura e vendit merr një zhvillim të madh, padyshim edhe nga Kampionati Europian U-17 që do të zhvillohet në vendin tonë në vitin 2025. Unë e shoh vetëm si një event sportiv.

A keni biseduar me Federata të tjera për të bërë të mundur organizimin e Europianit apo vetëm me Federatën Serbe të futbollit? –  Gara për aplikimin hapet për 55 Federatat dhe të gjithë ato që mendojnë se kanë kushte për të organizuar një kompeticion të tillë aplikojnë. Ne padyshim që kemi biseduar qoftë me Kosovën dhe Maqedoninë e Veriut, por nuk i kanë pasur mundësitë për ta filluar këtë aplikim.

Mendimi që mund të bëheshin në vitin 2027 nuk të bën fitues, pasi duhet të kesh diçka në momentin që t’i aplikon në një kompeticion të tillë. Të vetmit që kishin aplikuar ishin Belgjika, Turqia e Serbia dhe ne ose mund të vazhdonin garën të vetëm ose mund të bashkoheshim për të qenë më kompetitiv për ta mundësuar organizimin e Europianit.

Si i keni pritur reagimet për organizimin e Kampionatit Europian U-21 2027? –  Është normale që të ketë mendime të ndryshme duke pasur parasysh edhe historinë. Unë nuk mendoj dhe nuk jam nisur asnjëherë, jo vetëm unë, por as Federata dhe shteti shqiptar që organizimi i Kampionatit Europian do të amnistojë atë çfarë ka ndodhur. Projekti është sportiv dhe ne kemi benefitet sportive dhe po bashkëpunojmë me Federatën Serbe të futbollit, jo me politikën dhe as me policinë apo shtetin serb.

Padyshim që i ka ngarkesat emocionale në mes, padyshim që historia nuk mund të harrohet dhe as nuk mund të amnistohet nga ne, por gjithsesi mesazhi i solidaritetit dhe bashkëpunimit nëpërmjet futbollit mendoj që është i rëndësishëm. Ne duhet të shohim përpara që të jetojmë në paqe për vete dhe për fëmijët tanë, për të ardhmen tonë. Nuk dua të nënvlerësoj në asnjë moment komentet emocionale, që për dikë janë më objektive dhe për dikë janë për të fituar benefite mediatike. Mendoj që është në të mirë të futbollit shqiptar dhe pikërisht për këtë ne jemi këtu.

Si është pritur nga politika në Shqipëri ky bashkëpunim? – Deri tani ne jemi dy Federatat e vetme që kemi plotësuar kriteret dhe dokumentacionin për të vazhduar garën për organizimin e Kampionatit Europian U-21 2027. Nga momenti që ne kemi aplikuar dhe deri më sot është bërë një punë voluminoze, shumë e madhe dhe jo vetëm nga Federata, por edhe nga qeveria shqiptare, bashkitë e qyteteve ku ne kemi aplikuar për të organizuar kampionatin.

Gjithashtu, nga aeroporti i Tiranës, nga struktura e hotelerisë, sepse janë të gjithë këto bashkë që plotësojnë dosjen dhe do të shqyrtohet për të qenë e pranueshme për të organizuar apo jo. Unë do të doja t’i falënderoj shumë ato që kanë bashkëpunuar me ne, sepse puna me të vërtetë ka qenë shumë voluminoze nga të gjithë institucionet shqiptare, nga Ministria e Arsimit dhe Sportit, nga Ministria e Brendshme, nga Ministra e Transportit, nga bashkitë, aeroporti dhe të gjithë të tjerët. Kanë bërë të gjithë këtë volum pune sepse dëshirojnë që të kemi një kompeticion kaq shumë të rëndësishëm në Shqipëri.

Keni diskutuar me Presidentin e FFK, Agim Ademi, për këtë bashkëpunim? – Unë kam marrëdhënie shumë të mira me Agim Ademin, por marrëdhëniet e mia kryesore janë me futbollin e Kosovës dhe çdo gjë të mirë që mund të bëhet në futbollin e Kosovës. Përveç marrëdhënieve miqësore, Agim Ademin e mbështes në të gjitha lëvizjet për zhvillimin e futbollit në Kosovë. Diskutimi i parë jo vetëm në këtë rast, që padyshim është një çështje sensitive ka qenë me Federatën e Kosovës me Agim Ademin, gjithashtu edhe me Federatën e Maqedonisë së Veriut, pastaj kemi vazhduar më tej.

Më janë përgjigjur që nuk mund të jemi pjesë e projektit për arsye të kushteve, padyshim që ato pastaj nuk mund të vendosin për vendimet e Federatës Shqiptare të Futbollit. Ne kemi mesazhe shumë të mira nëpërmjet futbollit, jo vetëm në Shqipëri, por edhe përtej saj. Ne kemi futbollistë nga Serbia që luajnë në Shqipëri dhe trajnerë që bëjnë futboll, jo politikë. Në marrëdhëniet e futbollit ne jemi korrektë më të gjithë ato që luajnë futboll dhe që duan të mirën dhe progresin e futbollit. Nuk është mirë ngjyrimi politik i futbollit, është mirë që të marrim mesazhet pozitive që janë edhe objektivat kryesore të futbollit. Futbolli është një lojë, argëtim dhe emocion, por mesazhi kryesor është fryma e skuadrës, solidariteti dhe bashkëpunimi.

Mbledhja e KE së UEFA-s në Tiranë – Është një ngjarje shumë e rëndësishme për ne. Ne e dimë që shtete shumë më të zhvilluara se ne si Gjermania, Franca, Italia, Spanja gjithmonë tentojnë dhe kanë organizuar evente të rëndësishme sepse promovojnë futbollin e vendit dhe vendin në përgjithësi. Të gjithë aktivitetet që bëhen në Shqipëri janë shumë të rëndësishme dhe unë e shoh vetëm si një ngjarje pozitive. Dua t’i falënderoj ato që kanë vendosur të vijnë në Shqipëri dhe të gjithë ato që kanë punuar për Shqipërinë që të jetë në hartën e Europës.

Performanca e Kombëtares shqiptare në Nations League? – Nations League është një kompeticion specifik, pasi fillon dhe mbaron shpejt, zgjat vetëm 3 muaj. Janë 6 ndeshje në një grup të balancuar. Mendoj që e kemi filluar mirë, fituam me Ukrainën dhe jo me të njëjtin rezultat në Shqipëri me Gjeorgjinë. Gjithsesi mbetet grup i balancuar.

Kompeticioni i Nations League është vërtetë shumë i rëndësishëm për ato që të ofron. Nëpërmjet Nations League mund të sigurosh një vend në play-off për Kupën e Botës, nëse renditemi në vendin e parë ngjitemi në Ligën A. Pra, është kompeticion i rëndësishëm, vendi i dytë luan play-off për t’u ngjitur më lart, ndërsa vendi i tretë luan play-out për grupin C dhe vendi i fundit mbetet jashtë. Ne duhet ta luftojmë deri në fund, i kemi të gjitha mundësitë për të fituar që të jemi të parët në grup. Jemi të përgjegjshëm për kundërshtarët që janë vërtetë për t’u respektuar. Kemi dy transferta tani në Çeki dhe Gjeorgji, mendoj që janë kryqëzim, pika kyçe për të ardhmen apo për përfundimin e Nations League.

Kualifikimi në Botëror është objektivi madhor, është i realizueshëm por shumë i vështirë. Duhet të presim dhe shortin e 13 dhjetorit. Uroj që të kemi një short të mirë, të kemi skuadrën në formën e duhur dhe të vazhdojmë objektivin dhe ëndrrën tonë.

REDAKTUAR nga:

“KORÇA BOOM”

Post Views: 89
Continue Reading

Sporti

UEFA Development U-15 për vajza/ Shqipëria luan ndeshjen e parë ndaj Kosovës

Janë zhvilluar këtë të hënë ndeshjet e para të turneut “UEFA development” U-15 për vajza, që organizohet nga FSHF në datat 30 shtator – 5 tetor me pjesëmarrjen e Shqipërisë, Kosovës, Estonisë dhe Maqedonisë së Veriut.

Shqipëria U-15 luajti takimin e parë ndaj Kosovës dhe u mposht me shifrat 5-3.

Trajnerja Daniela Kodra hodhi në fushë këtë formacion startues: Ambra Reshiti (GK), Anita Boqaj (C), Reiana Jahelezi, Medina Haka, Elda Ahmeti, Laureta Dautaj, Aldisa Kronaj, Caroline Ëintz, Agnesa Mehmeti, Ava Hyseni, Adela Thaqi.

Pjesa e parë nisi shumë mirë për kombëtaren shqiptare, teksa Ava Hyseni kaloi në avantazh Shqipërinë në minutën e 7-të përmes një super goli nga goditja e dënimit, duke e dërguar topin drejt e në rrjetë. Epërsia zgjat tre minuta, pasi Kosova barazon shpejt rezultatin e ndeshjes, duke i çuar shifrat në 1-1.

Në minutën e 21-të Aldisa Kronaj dyfishon rezultatin për vajzat kuqezi, me një goditje nga jashtë zone, me topin që prek traversën dhe kalon vijën fatale. Festë në pankinën shqiptare. 7 minuta më vonë vjen edhe goli i tretë për Shqipërinë. Reiana Jahelezi realizoi nga distanca një tjetër super gol, me portieren kosovare që nuk e priti dot. Kosova shkurtoi rezultatin në minutën e 42-të, duke i çuar shifrat në 3-2. Pjesa e parë mbyllet me këtë rezultat.

Në fraksionin e dytë, Kosova përmbys rezultatin duke shënuar tre gola. Fillimisht Verona Kadaj barazoi rezultatin në minuten e 61-të, ndërsa Kuci e Mehmeti realizuan golat e fitores për Kosovën. Ndeshja mbyllet me rezultatin 5-3 për Kosovën.

Në ndeshjen tjetër të grupit të luajtur paraditen e sotme në “Shtëpinë e Futbollit”, Estonia mundi Maqedoninë e Veriut me rezultatin 3-1

Ndeshjet e dyta të këtij turneu do të luhen me 2 tetor po në “Shtëpinë e Futbollit”. Shqipëria do të përballet me Estoninë në ora 15:00, ndërsa Maqedonia e Veriut do të luajë ndaj Kosovës në ora 11:00.

Më poshtë edhe kalendari i turneut dhe rezultatet: 

Ndeshjet e para (30 shtator)

Maqedoni e Veriut – Estoni 1-3

Shqipëri – Kosovë 3-5

Ndeshjet e dyta  (2 tetor)

Maqedoni e Veriut – Kosovë, ora 11:00 “Shtëpia e Futbollit”

Shqipëri – Estoni, ora 15:00, “Shtëpia e Futbollit”

Ndeshjet e treta (5 tetor )

Estoni – Kosovë, ora 11:00 “Shtëpia e Futbollit”

Shqipëri – Maqedoni e Veriut, ora 15:00, “Shtëpia e Futbollit”

REDAKTUAR nga:

“KORÇA BOOM”

Post Views: 96
Continue Reading

Super Liga

Gvozdenoviç e “shkarkon” humbjen tek…

Pas ndeshjes së mbrëmshme kundër Tiranës në “Air Albania”, trajneri Ivan Gvozdenoviç i ka bërë një analizë këtij takimi, por fjalia që të bën përshtypje lidhet me atë që ai ka deklaruar në lidhje me veten e tij: “Është përgjegjësia ime.”

E paqartë në lidhje me se dhe përse, por nga sa kuptohet kjo lidhet me atë se ekipi ka pësuar dy gola që trajneri i quan edhe gola naivë. Gjithsesi duket se përsëritet ajo që është vëne re me pësime të golave të tillë sipas trajnerit.

Të evidentosh është njëra anë, ana tjetër lidhet me faktin se masat janë ato që eleminojnë. Do të jetë Gvozdenoviç në ndeshjet e radhës që do të ndryshojë këtë moment që është evidentiar nga vetë ai.

REDAKTUAR nga:

“KORÇA BOOM

Post Views: 423
Continue Reading

Flash News