Skënderbeu-Vllaznia 1-0
Shënues: Bismark 84’
SKËNDERBEU: Alia, Ramos, Prençi, Gerco, Vangjeli (Shaqe 60’), Janaqi, Franklin (Krasniqi 61’), Merlim (Nerguti 94’), Nikaj (Çuçka 60’), Rashica, Bismark (Pecani 87’). Trajner: I. Gvozdenoviç.
VLLAZNIA: Qarri, Gurishta, Juriç, Stojanoviç, Jago, Alivoda (Sala 74’), Deliu, Qato (Krymi 60’), Mala, Dodaj, Balaj (Pusi 74’). Trajner: Th. Brdariç
Gjyqtarë: Adrian Beqiraj, Alfred Shkreta, Feliks Kolleshi
Kartonë të verdhë: Janaqi 31’, Rashica 88’
Karton i kuq: Dodaj 25’
Topin e parë nga qendra e nisën miqtë nga Shkodra. Në minutën e dytë shkodranët fitojnë një goditje dënimi ballore dhe është Balaj që jep sinjalin e parë duke gjuajtur mbi kuadrat.
Kundërpërgjigjet Rashica për Skënderbeun që futet në zonë nga krahu i djathtë, gjuan me të djathtën, por pret në pozicion Qarri. Në minutën e 9-të Skënderbeu humbet rastin më të artë, teksa Ermir Rashica merr një asist nga Merlim, gjuan dhe shpëton për mrekulli portën Qarri. Skënderbeu shpërdoron rastin më të mirë.
Dodaj për Vllazninë në minutën e 19-të provon, por këtë herë është portieri Alia që e ndal.
Gjysma e pjesës së parë është me shifrat e bardha 0-0. Në minutën e 25-të është Vllaznia që mbetet me 10 futbollistë. Dodaj ndërhyn ashpër ndaj Vangjelit dhe gjyqtari Beqiraj që shkon dhe në VAR dhe pasi e ka riparë i drejton të kuqen futbollistit shkodran, duke lënë Vllazninë me 10 futbollistë.
Pas kësaj minute pritej që Skënderbeu të reagonte, pasi ka një lojtar më shumë, por nuk ndodh kështu. Është Mala për Vllazninë që sjell një rast në minutën e 35-të, por topi përfundon jashtë. Katër minuta më vonë provon Gerco të befasojë, por goditja e tij është qëndrore.
Mbyllet pjesa e parë 0-0 pavarësisht 5 minutave të shtesës që nuk sollën ndonjë ndryshim, me shpresën që në të dytën bardhekuqtë kanë edhe avantazhin e një lojtari dhe duhet ta fitojnë takimin.
Pjesa e dytë nis me qarkullim të shpeshtë të topit nga ana e Skënderbeut, ndërkohë që pavarësisht epërsisë territoriale rastet mungojnë. Deri në minutën e 63-të asnjë rast, ndërkohë që ndërhyn trajneri Ivan Gvozdenoviç duke kryer tre zëvendësime dhe duke freskuar vijën e parë të sulmit.
Një pjesë e dytë për të ardhur keq, pa asnjë rast në 70-të minuta lojë, ndërkohë që vetëm në këtë minutë ka një rast të Krasniqit që gjuan jashtë. Është minutat e 76-të që Gerco për pak sa nuk rrezikon portën shkodrane. Një tjetër mundësi e shpërdoruar e Skënderbeut.
Skënderbeu shton volumin dhe përpiqet më shumë në fundin e ndeshjes, një skemë ku stafi teknik u ka bërë me shenjë që të hidhen në sulm.
Juri Merlim përpiqet në të 79-ën minutë, shkarkon me një gjuajtje të fuqishme, por jashtë.
Në minutën e 84-ër është Bismark që gjuan dhe shënon golin e avantazhit më së fundi. Një gol i bukur brenda zone dhe topi përfundon në rrjetë. Gëzim në radhët e Skënderbeut.
Në fund, 6 minutat e shtesës nuk sollën ndryshime dhe përfundimisht Skënderbeu arrin një fitore të rëndësishme dhe me 4 pikë në tre javë për momentin mban vendin e tretë në tabelën e klasifikimit.
Minutat dhe rastet e pjesës së parë
2’ – Janaqi ndërhyn duke shkaktuar faull në 20 metra largësi. Është Balaj për Vllazninë që merr inisiativën, por gjuan me të djathtën mbi kuadratin e Marko Alia.
4’ – Rashica lëviz bukur në të djathtë futet në zonë gjuan dhe pret në pozicion portieri Qarri.
9’ – Super pritje e portierit të Vllaznisë Qarri që shpëton Vllazninë nga goli. Është Ermir Rashica që del i vetëm në krahun e majtë, gjuan dhe portieri mik bën mrekullinë duke shpëtuar portën nga një rast goli.
19’ – Provon Dodaj për Vllazninë është Alia që e ndal.
25’ – Karton i kuq për Vllazninë. Në fakt ka qenë minuta e 22-të kur Dodaj ka ndërhyrë ashpër ndaj Vangjelit dhe gjyqtarit Adrian Beqiraj iu desh të shikonte në VAR ndërhyrjen dhe më pas i nxjerr të kuqein, duke lënë Vllazninë me një lojtar më pak.
35’ – Mala provon për Vllazninë me të majtën, por topi përfundon jashtë kuadratit të Marko Alia.
39’ – Skënderbeu zgjohet me Gerco, por goditja e tij është ballore dhe pret në pozicion Qarri.
Minutat dhe rastet e pjesës së dytë
70’ – Rashica dhe më pas Krasniqi për pak sa nuk shënojnë në rastet e para të pjesës së dytë.
76’ – Është Gerco që provon nga larg, por sërish gjuajtja e tij përfundon jashtë.
79’ – Sërish Skënderbeu që shton rastet, këtë herë me Merlim që gjuan mbi tranversë.
84’ – Më në fund vjen goli. Është Bismark që brenda zonës shkodrane shmang një mbrojtës gjuan dhe 1-0 për Skënderbeu.
