Dilemat do të jenë deri në çastet e fundit për trajnerin e korçave Ivan Gvozdenoviç. Këto dilema shtohen më shumë për shkak të mungesave në ekip të cilat këto javët e fundit kanë qenë të shumta.
Kështu e para është ajo me qendrën e mbrojtjes. Pas mungesës së Randit, të vetmit futbollistë që janë për këtë pozicion janë Ramos dhe Vaskuz. Se cili do të jetë në lojë, kjo do të vendoset vetëm disa orë para se të fillojë takimi. Nga sa mësohet të dy futbollistët janë gati dhe në një balotazh, gjithsesi kjo mbetet për t’u parë.
Dilema e dytë është me skemën e lojës. Duke qenë se nuk ka mundësi të gjendet i duhuri në të djathtë të sulmit ka shumë mundësi të kalojë me një 4-4-2 të pastër për këtë takim. Kjo edhe për atë se ka përballë një kundërshtar të fortë dhe duhet shumë kujdes në mesfushë dhe në mbrojtje dhe më pas për të goditur në momentin që do të gjenden edhe hapësira për shënim.
REDAKTUAR nga:
“KORÇA BOOM”
