Personi në foto është autori që tentoi të grabiste mbrëmjen e djeshme filialin e Raiffeisen Bank në Korçë ku hyri me lehtësinë më të madhe, madje, duke filmuar veten.
Policia tha se rreth orës 22:04, një shtetas ende i paidentifikuar ka hyrë me forcë brenda në bankën e nivelit të dytë në lagjen nr.3 në qytetin e Korçës, i cili ka shtyrë me forcë derën e jashtme.
Në momentin që ka hyrë brenda ka rënë sinjali dhe menjëherë kanë shkuar shërbimet e Policisë.
Shtetasi që kishte hyrë në ambientet e bankës porsa ka konstatuar Policinë është larguar me shpejtësi pa marrë asnjë gjë nga brenda bankës.
Burime bëjnë me dije se personi që ka tentuar të hyjë me forcë në bankën e nivelit të dytë në Korçë ka qenë live në TikTok.
Shërbimet e Policisë janë vënë në ndjekje dhe kanë rrethuar zonën ku dyshohet se është fshehur autori.
Grupi hetimor nën drejtimin e Prokurorisë vijon punën, për të bërë të mundur identifikimin e autorit.
Ngjarja e pazakontë ndodhi në të njëtën ditë kur Kryeministri Edi Rama njoftoi se Qeveria do të mbyllë TikTok për një vit, pasi sipas tii, aty shikon lloj-lloj perversiteti e rrugaçërie.
Vendimi u njoftua pas një serie takimesh me prindër e mësues, pas vrasjes së 14-vjeçarit Martin Cani nga një bashkëmoshatar i tij, pas një sherri që kishte nisur në rrjetet sociale.
The person in the photo is the author who attempted to rob the Raiffeisen Bank branch in Korçë last night, entering with remarkable ease, even recording himself.
The police stated that around 10:04 PM, an unidentified individual forcefully entered the second-level bank in neighborhood no. 3 in the city of Korçë, pushing the outer door with force.
“KORÇA BOOM”
