Ish-arbitri i njohur, Klajdi Kola bëri moviolën e ndeshjes Partizani – Skënderbeu (2-1) ku pati 3 episode të dyshimta për penallti, të gjitha nga ana e korçarëve. Sipas Kolës, arbitri i sfidës Ermis Çelaj i cili e kishte debutim në Superiore, veproi shumë mirë duke marrë vendime të drejta.
“Një pretendim për penallti me prekje topi me dorë nga Mba. Ishte pozicion natyral dhe gjyqtari vendosi drejt.
Në minutën e 58’ ishte një rast i vështirë. Këto hapje këmbe nuk jepen më penallti pasi e kërkon kontaktin. Kjo quhet faull për mbrojtësin, pasi sulmuesi e hap këmbën. Ka të drejtë gjyqtari.
Te rasti kur Qirko u përplas me sulmuesin e Skëndebreut, portieri devijoi dukshëm topin e më pas pati kontakt. Këtu nuk kemi të bëjmë me penallti, pasi portieri e devijoi dukshëm topin”, – tha Kola.
