“Pogradecarët në kërkim të fitores,”- kjo është kryefjala kur pyet drejtuesit e këtij ekipi në lidhje me ndeshjen e sotme kundër Kukësit. Liqenorëve u mungojnë pikët. Edhe pse kanë zhvilluar ndeshje të mira, përsëri nuk kanë mundur të shmangin humbjet, të paktën në transfertë.

Por këtë herë luajnë në fushën e tyre dhe fitorja është detyrim për të ndryshuar renditjen në tabelë edhe pse e dinë që është një ndeshje e vështirë, atje ku edhe kundërshtarët janë në rritje nga java në javë. Drejtuesit e liqenorëve kanë kërkuar që edhe tifozët të jenë në mbështetje të ekipit të tyre në këtë takim, ashtu siç edhe kanë bërë edhe në ndeshjet e kaluara.

Pra, sot në orën 14:00 Pogradeci-Kukësi në stadiumin “Gjorgji Kyçyku”

JAVA 7/ SOT

ORA 14:00 VALBONA – APOLONIA

ORA 14:00 KORABI – FLAMURTARI

ORA 14:00 POGRADECI – KUKËSI

ORA 14:00 LUSHNJA – ERZENI

ORA 14:00 BESA – BURRELI

REDAKTUAR nga:

“KORÇA BOOM”

Superiorja ditën e sotme do të zhvillojë dy takime të tjera që janë të vlefshme për javën e 8-të të kampionatit. Dy duele mjaft të rëndësishme që marrin vëmendjen e tifozëve.

Në orën 19:00 do të luhet në Tiranë dhe paralelisht do të zhvillohet edhe sfida në Korçë. Kështu Partizani do të presë Bylisin për të bërë mes tyre llogaritë e kësaj jave. Demat pas fitores me Egnatian tentojnë një tjetër triumf në kampionat për të kapur kreun. Ndërsa ballshiotët dëshirojnë të rikthehen te rezultatet pozitive në kampionat dhe ndaj kryeqytetasve fitorja do të vlente më shumë se 3 pikë.

Ndërkohë në Korçë do të përplasin “brirët” mes tyre Skënderbeu dhe Egnatia. Korçarët, pas humbjes me Tiranën në shtëpi, do të synojnë autokritikën, ndërsa nga ana tjetër kampionët synojnë të reagojnë pas humbjes me Partizanin. Një duel shumë i luftuar mes dy ekipeve që si rrugë të vetme ka vetëm 3 pikët, të cilat do të sillnin qetësinë në të dyja kampet respektive.

JAVA E TETË E SUPERLIGËS

TË PREMTEN 4 TETOR 2024 

DINAMO-LAÇI 2-1

TË SHTUNËN 5 TETOR 2024 

ORA 19:00 PARTIZANI-BYLIS

ORA 19:00 SKËNDERBEU-EGNATIA

TË DIELËN 6 TETOR 2024 

ORA 19:00 TEUTA-TIRANA

ORA 19:00 VLLAZNIA-ELBASANI

REDAKTUAR nga:

“KORÇA BOOM”

Kombëtarja shqiptare U-21 do të luajë ndeshjen e fundit kualifikuese ndaj Armenisë më 15 tetor në stadiumin “Air Albania“, në orën 18:00.

Të hënën nis grumbullimi i Kombëtares U-21 për këtë sfidë, teksa trajneri Alban Bushi ka publikuar listën me 23 lojtarët e ftuar për këtë takim.

11-të lojtarë vijnë nga klubet e kampionatit shqiptar, ndërsa pjesa tjetër aktivizohen në kampionatet jashtë vendit.

Pas fitores fantastike ndaj Zvicrës U-21 në transfertë, Shqipëria do të kërkojë triumfin e radhës në “Air Albania”. Procesi i shitjes së biletave vijon për ndeshjen Shqipëri U21 – Armeni U-21.

Më poshtë, edhe lista me emrat e 23 lojtarëve të ftuar nga stafi teknik i Kombëtares U-21:

Sot në orën 19:00 është radha e Skënderbeut në fushën e lojës, teksa bardhekuqtë presin në javën e 8-të të superligës Egnatian, skuadër që edhe ajo nga ana e vet nuk ndodhet në një situatë të mirë.

Sot është nga ato ndeshje që mund të thuhet se luhet për “jetë a vdekje” dhe Skënderbeu është gati për 3 pikë. Të gjithë lojtarët sot në fushë duhet të bëjnë “ujkun”, sepse vetëm kështu fitohet dhe shkohet te rezultati që e presin të gjithë.

Duhet pranuar se skuadra ka presionin, për atë se i mungojnë pikët, por strategjia që duhet të ndjekë Skënderbeu është e qartë, vetëm me 3 pikë do të shlyhen rezultatet negative të 7 javëve të para.

Një javë përgatitje për të mbërritur sot në mbrëmje në stadiumin “Skënderbeu” atje ku Skënderbeu duhet të zhvillojë një lojë vërtet të mirë, për të marrë më pas rezultatin pozitiv.

Në radhët e ekipit ka optimizëm dhe kjo është e dukshme, pavarësisht se përballë është Egnatia dhe Skënderbeu sot ka ditën të bëjë Skënderbeun.

Nëse ka një ditë që vlen 3 pikë është sot, prandaj “ujqër” jepni shpirtin në fushë për fanelën që keni veshur!

Forca Skënderbe! Sot të gjithë në stadium në orën 19:00, sepse na pret Skënderbeu…

REDAKTUAR nga:

“KORÇA BOOM”

Skënderbeu-Egnatia është sfida e nesërme në orën 19:00 në mbrëmje, një ndeshje që në fakt në qytetin juglindor mezi e presin edhe për atë se bardhekuqve u duhet patjetër fitorja, pavarësisht se kanë përballë Egnatian, një skuadër të fortë dhe njëkohësisht kampionen në fuqi.

Përsa i përket statistikave, përballjet mes këtyre dy skuadrave nuk janë të shumta, pasi Egnatia nuk është një skuadër që ka qenë në superligë. Gjithsesi për aq ndeshje sa janë përballur vitet e fundit të paktën në stadiumin “Skënderbeu” shifrat flasin në favor të Skënderbeut.

Në këtë mënyrë në 4 ndeshje në total që janë luajtur mes tyre në stadiumin “Skënderbeu”, janë korçarët që kryesojnë, pasi e kanë mundur 2 herë Egnatian, 1 ndeshje ka përfunduar në barazim dhe 1 herë kanë fituar rrogozhinasit.

Të dy fitoret e Skënderbeut kanë qenë me shifrat 2-0, ndërkohë që fitorja e Egnatias 2 vite më parë ka qenë 0-1. Madje edhe në statistikat në total si në Korçë, por edhe në Rrogozhinë është Skënderbeu që është më superior dhe kjo tregon se bardhekuqtë historinë e kanë me vete.

Të shikojmë nesër në ndeshjen e radhës se sa në gjendje do të jetë Skënderbeu që ta mposhtë Egnatian, kampionen në fuqi.

16.03.2024

Skënderbeu-Egnatia 2-0

Shënues: Franklin 23’, 40’

29.10.2023

Skënderbeu-Egnatia 1-1

Shënues: Franklin 90+13’ / Isgandarli 2’

24.04.2022

Skënderbeu-Egnatia 0-1

Shënues: Imeri 53’

08.12.2021

Skënderbeu-Egnatia 2-0

Shënues: Mensah 47’, Berisha 87’

REDAKTUAR nga:

“KORÇA BOOM”

Dinamo dhe Laçi kanë luajtur mbrëmjen e sotme sfidën e vlefshme për javën e 8-të të “Abissnet Superiore”. Ndeshja e zhvilluar në stadiumin “Elbasan Arena”, përfundoi 2-1 në favor të Dinamos.

Golat për “Nëndetësen” u shënuan nga Itodo Mandela në minutën e 22-të dhe Baton Zabërgja në të 55-tën. Ndërsa për Laçin golin e shënoi Kurti në minutën e 95-të.

Me këtë fitore Dinamo shkon në vendin e parë në tabelën e renditjes me 14 pikë. Në krahun tjetër, kurbinasit mbeten në vendin e fundit me vetëm 3 pikë pas 8 javësh kampionat.

Nesër është radha e dy ndeshjeve të tjera të javës së 8-të, teksa në mbrëmje luhet edhe Skënderbeu-Egnatia.

Më poshtë sjellim tabelën e ndeshjeve të kësaj jave:

JAVA E TETË E SUPERLIGËS

TË PREMTEN 4 TETOR 2024 

DINAMO-LAÇI 2-1

TË SHTUNËN 5 TETOR 2024 

ORA 19:00 PARTIZANI-BYLIS

ORA 19:00 SKËNDERBEU-EGNATIA

TË DIELËN 6 TETOR 2024 

ORA 19:00 TEUTA-TIRANA

ORA 19:00 VLLAZNIA-ELBASANI

REDAKTUAR nga:

“KORÇA BOOM”

Shqipëria U-19 do të luajë dy sfida miqësore kundër bashkëmoshatarëve të Malit të Zi në muajin tetor. Departamenti i Komunikimit në FSHF bën me dije se është arritur marrëveshja me Federatën Malazeze të Futbollit që këto dy miqësore të luhen më 11 dhe 13 tetor.

Miqësorja e parë është programuar të luhet më 11 tetor në Podgoricë në orën 13:00 ndërsa miqësorja e dytë Shqipëri – Mal i Zi do të luhet në “Reshit Rusi” më 13 tetor në orën 12:00.

Këto miqësore do të jenë testi i fundit për skuadrën e drejtuar nga trajneri Julian Ahmetaj dhe do t’i shërbejnë stafit kuqezi për të vëzhguar e për të vendosur mbi listën e lojtarëve që do të përfaqësojnë Shqipërinë në kualifikueset e Kampionatit Europian për këtë grupmoshë.

Kombëtarja shqiptare është pjesë e grupit 11, së bashku me Izraelin, Danimarkën dhe Irlandën e Veriut, teksa ndeshjet e këtij grupi do të zhvillohen në vendin tonë në datat 13, 16 dhe 19 nëntor 2024.

REDAKTUAR nga:

“KORÇA BOOM”

Mesfushori korçar Jorgo Qeleshi, që këtë sezon luan për Pogradecin, ka pësuar një dëmtim. Kjo e ka detyruar që të qëndrojë për disa javë larg fushave, por nga sa shihet ky qëndrim do të jetë edhe më i gjatë. Ka qenë vetë futbollisti që ka postuar një foto të tij në momentin që ka dalë nga operacioni që ka kryer.

Ka qenë një dëmtim i tij në menisk që e ka detyruar të ketë këtë ndërhyrje kirurgjikale dhe nga sa mësohet, gjithçka ka shkuar shumë mirë dhe futbollisti falënderon edhe mjekët për punën e mirë që kanë bërë. Kështu liqenorët nuk do të kenë për një kohë të gjatë ndihmesën e mesfushorit ku edhe mbështetej loja e tyre. Ne i urojmë shërim sa më të shpejtë.

REDAKTUAR nga:

“KORÇA BOOM”

“Do Zoti është me ne. Do të bëjmë lojë të fortë dhe të menaxhojmë situatën,”- këto janë tre pikat që Gvozdenoviç kërkon ti këtë në anën e tij nesër kundër Egnatias.

Trajneri njihet si një besimtar mjaft i mirë dhe beson shumë tek ndihma e Zotit.  Por duket se këtë herë nuk duhet vetëm lojë e bukur por një lojë shumë e fortë për të mposhtur kundërshtarin. Por ajo që duket se është më e rëndësishme lidhet me faktin se duhet të menaxhohen mirë situatat e lojës dhe këto situata i kanë ndërshkuar shpeshherë korçarët.

Pra duket se gabimet individuale duhet të menaxhohen si nga futbollistët ashtu edhe nga grupi.

REDAKTUAR nga:

“KORÇA BOOM

Në prag të grumbullimit të Kombëtares shqiptare, që nis zyrtarisht të hënën e 6 tetorit, trajneri Silvinjo shpalli sot për mediat dhe opinionin publik edhe listën me 24 futbolllistët e thirrur për këto dy ndeshje, ku risi është mesfushori i Rijekës, Adrion Pajaziti.

Në konferencën zyrtare për media tekniku brazilian komentoi listën e lojtarëve të ftuar për ndeshjet ndaj Çekisë e Gjeorgjisë, foli për rikthimet e lojtarëve Muçi e Ajeti, pse mungon Rei Manaj, risinë “Adrion Pajaziti”, shpjegoi si është gjendja e kapitenit Gjimshiti ndërsa vlerësoi edhe dy kundërshtarët e muajit tetor.

Rikthimi i Muçit, Abrashi, Pajaziti dhe pse mungon Manaj – Kemi tre lojtarë të dëmtuar. Pas ndeshjeve të Kombëtares, Manaj është dëmtuar në një ndeshje me klubin e tij në Turqi dhe nuk ka luajtur më. Kemi folur edhe me lojtarin edhe me klubin dhe nuk kemi dashur që ta rrezikojmë. E njëjta gjë ndodh edhe me Medon Berishën dhe Keidi Baren. Medoni gjatë stërvitjes ka pasur probleme dhe nuk kemi rrezikuar as me të. Keidi Bare është dëmtuar me 8 shtator në sfidën kundër Elches dhe nuk ka luajtur më. Doktori i Kombëtares, Stessina ka qenë vazhdimisht në kontakt me mjekun e Zaragozës dhe lojtarit i duhet më shumë kohë për t’u rikuperuar. Sa i përket Pajazitit, është një lojtar që unë e njoh. Ka ndryshuar skuadër dhe po luan shumë mirë. Më pëlqen si luan, është rritur shumë si lojtar. Është një mesfushor që mund të luajë në shumë role. Sa i përket Abrashi, ai mund të japë ende shumë për Kombëtaren. Kemi shumë lojtarë të rinj në Kombëtare si Asllani, Mitaj, Muçi, të cilët kanë nevojë për futbollistët me eksperiencë si Gjimshiti, Ajeti, Abrashi të cilët e njohin mirë skuadrën dhe mund të nevojiten. Abrashi është një lojtar me të cilin mund të luaj. Kam besim te ky lojtar.

Pse nuk morët një tjetër sulmues qendre dhe a e konsideroni Albion Ademin? – Sa i përket lojtarit Tuci, e kam parë me Spartën e Pragës. Kam qenë edhe në qendren sportive të këtij klubi, e kam takuar. Është pjesë e listës dhe është njësoj si Çuni, si Vrioni që luan në Amerikë. Ne në staf kemi bërë zgjedhje. Kur nuk kemi lojtarë si Daku apo Manaj, që luajnë si sulmues qendrore kemi lojtarë të tjerë si Seferi apo Uzuni, mbase edhe Muçi që mund ta bëjë atë rol. Mua më pëlqen të luaj me një lojtar përpara, por ka shumë ekipe që nuk e kanë një 9-sh të qartë në ekipet e tyre. Futbolli është i tillë dhe duhet të përshtatemi. Deri tani kemi Dakun dhe Manajn që e bëjnë atë rol dhe kemi 2-3 lojtarë që i gjejmë dhe jemi pas tyre për t’i provuar. Në rastin e Asanit, Laçi është lojtari që është përshtatur më shumë deri tani në rolin e tij. Unë besoj në mundësitë që i jepen lojtarëve dhe jo në eksperimente. Zeka dhe Spahiu për shembull janë dy lojtarë që u është dhënë mundësia të jenë pjesë e Kombëtares dhe mund të rikthehen sërish me Kombëtaren pasi dera është e hapur. Deri para 3 muajsh zëvendësuesi i Asanit ishte teknikisht Muçolli. Por ne si staf do duhet të jemi pas lojtarëve të tjerë që mund të na shërbejnë. Lojtarët shikohen në stërvitje jo vetëm gjatë ndeshjeve. Kombëtarja është e hapur dhe mund të ketë hapësirë për t’u rikthyer. Albion Ademi? – Sipas nesh nuk është ende momenti i këtij lojtari.

A është tani momenti i Muçit? – Që unë të marr 2-3 lojtarë, sigurisht që do të më duhet të lë ndonjë lojtar tjetër jashtë. Në këtë rast kemi rikthimin e Muçit që është një lojtar shumë i rëndësishëm për ne. Është i ri dhe ka një rrugë të bukur përpara. Por duhet të kuptoni që kur një lojtar ndryshon klubin, ka një lloj ndryshim edhe në jetë. Ka nevojë për kohë për t’u përshtatur. Fjala që unë zgjedh në këtë rast është ‘durim’. Ai po bën mirë, mund të ketë mundësi dhe minuta edhe me ekipin. Nga 24 lojtarë që ne përzgjedhim, secili lojtar ka mundësinë e tij për të luajtur. Qoftë 10 apo 90 minuta, është një mundësi shumë e madhe për lojtarin, pasi mund t’i ndryshojë jetën. Por edhe stërvitja, jo vetëm ndeshje. Duhet të kujtojmë që lojtarët do të luajnë në fundjavë me klubet e tyre dhe do të bëjmë rivlerësimet tona se si do të jetë gjendja e tyre. Ju jeni të lumtur me Muçin dhe unë jam i lumtur me to dhe shpresoj të ketë një lloj vazhdimësie.

Grumbullimi i Spahiut & Zekës në ndeshjet e kaluara dhe rikthimi në Çeki – Sa i përket Zekës dhe Spahiut, grumbullimi i tyre nuk është një eksperiment. Kombëtarja të jep mundësi dhe ne kemi pasur mundësi që t’i shohim këta lojtarë për 10 ditë. Spahiu pati hapësirë të luajë disa minuta edhe me Gjeorgjinë. Të dy janë lojtarë që luajnë në të djathtë, por janë mëngjarashë. I dhamë hapësirën për të qenë pjesë e skuadrës. Ne kemi 45-50 lojtarë që i kemi vazhdimisht në monitorim. I kemi parë dhe Kombëtarja është e hapur për të gjithë. Sa i përket ndeshjes me Çekinë rikthehemi me 11 tetor në Pragë. Kemi dy ndeshje të vështira në transfertë. Çekia është një ekip i fortë, fiton centimetra. Luan teknikisht dhe ka 4-5 lojtarë me të cilët mund të luajë në ajër. Ka një tranzicion të shpejtë dhe ka lojtarë fizikë. Do jenë dy ndeshje të vështira dhe është një grup i vështirë.

Organizimi i Kampionatit Europian U-21 2027 –  Është  e vërtetë që FSHF është kandidate. Unë jam trajner, mua më intereson shumë lojtarët e U-21. Në fakt ne kemi marrë shumë nga aty, Simonin, Bajramin, Mitajn, Berishën, Pajazitin, Fetain, Shpendin. Kemi marrë shumë lojtarë të fortë aty, mua më intereson, por se si bëhet, ku bëhet pastaj, në vitin 2027, nuk është çështje e trajnerit. Unë jam i lumtur kur lojtari bën një rrugëtim të mirë, në një kampionat të fortë. Unë jam ai që duhet t’i shkojë mbrapa lojtarit, nuk është e trajnerit të vendosë apo të japë opinione, është një çështje e veçantë, që sipas meje nuk më përket. Nga ana sportive jam shumë i lumtur që lojtarët e U-21 vijnë te ne në kondicion të mirë.

Armando Broja, keni folur me klubin e Everton për gjendjen e tij? – Kemi folur pak me Evertonin, sipas klubit ka nevojë dhe për 5 javë të rikuperohet. Për momentin nuk është në gjendje të luajë me ekipin e tij, automatikisht nuk është i disponueshëm për ne. Kam pak për të thënë për këtë rast. Dëshira është të rikuperohet që të rikthehet. Sa më shumë lojtarët të luajnë me klubin, aq më mirë për ne. Është lojtar i rëndësishëm, ishte në Europian me ne. Presim që të rikthehet sa më shpejt.

Si është gjendja e lojtarëve që nuk kanë shumë minuta me klubet e tyre? – Jam shumë i lumtur me të gjithë. E rëndësishme të kuptohet se kemi në monitorim 40 – 50 lojtarë. Nuk jemi Kombëtare që nëse nuk luan me klubin, nuk përzgjidhesh. Të mos jesh pjesë e listës, nuk do të thotë që nuk stërvitesh. Nuk varet nga sa minuta luan. Gjithmonë lotjarët kanë qenë të gatshëm për të dhënë gjithçka. Ne duhet të bëjmë një listë të ekulibruar dhe të mirë. Unë jam shumë i kënaqur me lojtarët, pasi pavarësisht minutave kanë dhënë gjithçka me fanellën e Kombëtares. Luajnë apo jo në Champions, me minuta apo 0 minuta për mua është e rëndësishme të japin zemrën dhe shpirtin në fushë.

Gjendja e Berat Gjimshitit? – Kemi folur me doktorin e Atalantës. Stesina ka folur me ta, Gjimshiti është kapiteni i kësaj skuadre, lojtar i rëndësishëm për kombin. Një eksperiencë e bukur njerëzore dhe futbollistike. Nuk ishte në Euro 2016, pastaj u kthye ishte në Euro 2024 dhe ishte kapiten. Jeta është e bukur, jeta shkon para, jam i lumtur për të. Duhet të presim sot, nëse ftohet apo jo për ndeshjen e nesërme me Atalantën. Të shohim, ka një dëmtim të vogël. Për të tjerat flas me doktorin, si ne, edhe Atalanta, presin si do të shkojë sot lojtari. Nëse do të jetë nesër në gjendje, nëse do të jetë gati, do të vijë me ne, nëse nuk luan, do të flasim me ta dhe lojtarin dhe do të shohim se çfarë do të bëhet. Kjo është situata e tij sot.

Mitaj i vetëm në krahun e majtë? – Ne ndjekim shumë lojtarë, edhe majtas. Por mos harroni që Hysaj e Balliu kanë bërë shumë kohë mbrojtësin e majtë, edhe Balliu në dy ndeshjet e fundit ka bërë mbrojtësin e majtë. Ai është një lojtar me eksperiencë, luan me këmbën e kundërt. Hadroj ka bërë një rrugëtim në të kaluarën si mbrojtës i krahut të majtë, e ka eksperiencën. Ne duhet të kuptojmë çfarë të bëjmë në mbrojtje nëse ndodh ndonjë gjë me Marion, por sipas nesh të tre mund të bëjnë të majtin. E vërtetë, janë karakteristika të ndryshme, por nëse është e nevojshme duhet të kuptojmë dhe në bazë të karakteristikave të lojtarëve do të vendosim. Për ne të tre mund të luajnë në të majtë Hadroj, Hysaj dhe Balliu. Hadroj vjen dhe stërvitet te ne si i majtë. Të djathtën e bën lehtësisht, pastaj nëse ndodh, në ndeshje ne duhet të zgjedhim.

Kombëtarja shqiptare do të luajë dy ndeshjet e radhës në kompeticionin “Liga e Kombeve” ndaj Çekisë (“Epet Arena”, 11 tetor, ora 20:45) dhe Gjeorgjisë (“Mikheil Meskhi”, 14 tetor, ora 18:00). Kuqezinjtë do t’i zhvillojnë të dyja këto sfida në transfertë.

REDAKTUAR nga:

“KORÇA BOOM”