Federata Shqiptare e Futbollit po përgatitet për organizimin e ndeshjeve kualifikuese të grupit të 3-të të raundit të parë të Kampionatit Europian 2025 për grupmoshën U-17. Gjashtë ndeshjet e këtij grupi do të luhen në Shqipëri, në datat 9,12 dhe 15 tetor dhe gjithçka do të organizohet nga FSHF nën mbikëqyrjen e UEFA-s.

Në këtë grup bën pjesë Kombëtarja shqiptare U-17, që drejtohet nga trajneri Andrea Tedesco si edhe përfaqësueset e Hollandës, Kroacisë dhe Ishujve Faroe. Pas dakordësimit me UEFA-n, janë vendosur edhe stadiumet dhe janë përcaktuar oraret kur do të luhen këto përballje.

Më 9 tetor do të luhen ndeshjet e para të grupit. Shqipëria do të zhvillojë takimin e parë në stadiumin “Air Albania” në ora 15:00, ndërsa sfida Hollandë – Ishujt Faroe do të luhet në ora 11:00 në stadiumin “Niko Dovana”. Tre ditë më vonë, më 12 tetor do të luhen ndeshjet e dyta të grupit 3. Kuqezinjtë do të presin Hollandën në stadiumin kombëtar “Air Albania”, me sfidën e planifikuar të luhet në ora 15:00 ndërsa në ora 11:00 në “Shtëpinë e Futbollit” do të luhet ndeshja Kroaci – Ishujt Faroe.

Takimet e treta dhe të fundit të grupit do të luhen më 15 tetor në të njëjtën orë, 13:30. Sfida Ishujt Faroe – Shqipëri do të luhet në stadiumin “Egnatia Arena” ndërsa ndeshja Kroaci – Hollandë do të zhvillohet në Shtëpinë e Futbollit”.

Finalet e këtij kompeticioni do të zhvillohen në Shqipëri në majin e vitit 2025, një ngjarje madhore që do të organizohet nga Federata Shqiptare e Futbollit dhe UEFA, teksa kanë nisur prej kohësh përgatitjet për mikpritjen e këtij eventi. Kombëtarja shqiptare është e kualifikuar automatikisht në finalet e këtij kompeticioni si vend pritës, ndërsa shtatë vendet e para të çdo grupi do t’i bashkangjiten skuadrës shqiptare në këto finale.

Grupi 3 – ndeshjet e raundit të parë të Kampionatit Europian 2025 për grupmoshën U-17

Shqipëri – Kroaci, 9 tetor, ora 15:00, stadiumi “Air Albania”

Hollandë – Ishujt Faroe, 9 tetor, ora 11:00, stadiumi “Niko Dovana”

Shqipëri – Hollandë, 12 tetor, ora 15:00, stadiumi “Air Albania”

Kroaci – Ishujt Faroe, 12 tetor, ora 11:00, “Shtëpia e Futbollit”

Ishujt Faroe – Shqipëri , 15 tetor, ora 13:30, stadiumi “Egnatia Arena”

Kroaci – Hollandë, 15 tetor, ora 13:30, “Shtëpia e Futbollit”

REDAKTUAR nga:

“KORÇA BOOM”

Ermir Lenjani është tërhequr nga Kombëtarja shqiptare. Mbrojtësi kuqezi ka bërë të ditur vendimin me anë të një postimi në rrjetet sociale, duke u shprehur se për të ka qenë gjithmonë nder e krenari të vesh fanellën kuqezi, ndërsa shton se është rrugëtimi më i veçantë në jetën e tij.

“10 VITE KUQEZI, 10 VITE KRENARI & REALIZIM I ËNDRRËS SË FËMIJËRISË

Të dashur miq,

Dua t’ju njoftoj se kam vendosur të tërhiqem nga Kombëtarja shqiptare. Një vendim aspak i lehtë, por besoj që është momenti i duhur. Për mua ka qenë gjithmonë nder dhe përgjegjësi e madhe të vesh fanellën e kombit tim.

Jam shumë krenar që emri im është pjesë e historisë së futbollit shqiptar dhe që ëndrra ime e fëmijërisë u realizua në vitin 2016, ku bëmë krenarë kombin kuqezi me përfaqësimin historik për herë të parë në një Kampionat Europian.

Kam plot momente të bukura me fanellën kuqezi, që nga debutimi në ndeshjen ndaj Bjellorusisë, te goli i parë në “Elbasan Arena” ndaj Danimarkës, fitorja historike në “Francë 2016” ndaj Rumanisë dhe grumbullimi im i fundit në muajin mars 2023 me Kombëtaren, ku nisi edhe rruga drejt kualifikimit në “Euro 2024”.

I jam falënderues Zotit, familjes time dhe çdo personi që më ka qëndruar pranë në çdo moment. Çdo fillim e ka një fund dhe rrugëtimi im nuk do të ishte i mundur pa trajnerët Xhani De Biasi, Christian Panuçi, Edoardo Reja dhe Sylvio Mendes Campos Júnior, të cilët dua t’i falënderoj nga zemra për besimin e dhënë.

Gjithashtu, dua të falënderoj stafin teknik të Kombëtares, Federatën Shqiptare të Futbollit, Presidentin Armand Duka dhe të gjithë shokët e skuadrës që më kanë mbështetur në rrugëtimin më të veçantë të jetës time.

Në fund, falënderimi im më i madh është për tifozët e Kombëtares shqiptare. Në çdo stadium në Shqipëri dhe në Europë jemi ndjerë si në shtëpinë tonë, falë jush, tifozët më të mirë në botë. Tani e tutje jam si të gjithë ju, gjithmonë krah Kombëtares shqiptare dhe djemve kuqezi.

Faleminderit nga zemra shqiptarë. Një kapitull i mbyllur, por një rrugë e përjetshme!” – shkruan Ermir Lenjani.

Gjatë rrugëtimit 10 vjeçar me Kombëtaren shqiptare, Lenjani numëron 45 ndeshje dhe pesë gola. Ai debutoi me Shqipërinë në një ndeshje miqësore ndaj Bjellorusisë dhe që nga ai moment u kthye në një lojtar kyç për trajnerin Xhani De Biasi. Mbrojtësi kuqezi dha një kontribut të madh në kualifikimin e parë dhe historik të Kombëtares shqiptare në një Kampionat Europian dhe ishte pjesë e kuqezinjve në “Francë 2016”.

Federata Shqiptare e Futbollit e falënderon dhe i shpreh mirënjohjen Ermir Lenjanit për kontributin e dhënë në fushën e lojës me fanellën kuqezi në gjithë këto vite, i cili ka qenë pjesë e rezultateve dhe arritjeve historike të Kombëtares shqiptare.

REDAKTUAR nga:

“KORÇA BOOM”

Ka qenë klubi “Skënderbeu” që ka njoftuar pak momente më parë ndeshjen e javës së 8-të që do të luhet këtë të shtunë në stadiumin juglindor mes Skënderbeut dhe Egnatias.

Ajo që është vënë re, javë pas jave klubi zgjedh nga një futbollist që njofton ditën e ndeshjes, ndërkohë që këtë herë është përzgjedhur mbrojtësi Andrea Gerco, një lojtar titullar i Skënderbeut dhe padiskutim futbollist cilësor dhe që ka bërë vërtet mirë me fanelën bardhekuqe.

Skënderbeu duket se është në përgatitjet e fundit për këtë ndeshje të rëndësishme dhe sigurisht që tashmë pritet vetëm dita për tu përballur me Egnatian, skuadrën kampione në fuqi.

Dihet që ndeshja e kësaj jave është e një shkalle të lartë vështirësie, por që në shtëpi Skënderbeu këtë sezon ka treguar se di të fitojë me të gjitha skuadrat, qofshin edhe ekipet pretendente për titullin kampion.

Sot e nesër janë dy seancat e fundit stërvitore dhe Egnatia nuk ka diskutim që vlen vetëm 3 pikë për Skënderbeun që vjen pas humbjes me Tiranën 2-1.

Ndeshja e rradhës!

Skënderbeu – Egnatia

E Shtunë, 05 Tetor Ora 19:00

Stadiumi “Skënderbeu”

REDAKTUAR nga:

“KORÇA BOOM”

Korçarët ndjekin me vëmendje edhe atë që bën kundërshtari. Nga sa është mësuar edhe ekipi i Egnatias ka problemet e veta për këtë ndeshje.

Kështu, së pari janë mungesat e shumta që ka ekipi dhe së dyti është një ekip që për momentin njeh edhe fjalën krizë. Drejtuesit e këtij ekipi e kanë edhe me gjykimin dhe nga burime të sigurta është mësuar se Egnatia është ankuar shpesh gjatë këtyre javëve se gjykimet e kanë dëmtuar.

Gjithashtu, janë të bindur nga ana tjetër se në Korçë do të gjejnë një Skënderbe shumë të motivuar dhe që ka mbështetjen e spektatorëve të vet dhe kjo e bën më të vështirë për kundërshtarin.

REDAKTUAR nga:

“KORÇA BOOM”

Të dielën në datën 6 tetor luhet java e tretë e kategorisë së dytë për Grupin B, atje ku bëjnë pjesë dy skuadrat e Prefekturës së Korçës, Maliqi dhe Devolli ndeshjet e kësaj jave të gjitha luhen ditën e dielë dhe startojnë në orën 14:00.

Maliqi pas fitores në jaën e dytë dhe pas pushimit në javën e parë, këtë javë do të udhëtojnë të luajnë në Memaliaj. Memaliaj nga ana e vet është ekip që në dy javë ka 0 pikë, pra dy humbje dhe të paktën në letër duket se Maliqi do ta ketë të lehtë për të marrë trepikëshin e dytë. Maliqi mposhti Luftëtarin 1-0 në ndeshjen e javës së dytë në shtëpi dhe shkon me moral të lartë, ndërkohë që drejutuesit dhe futbollistët janë optimistë që edhe nga Memaliaj do të kthehen me tre pikë.

Devolli që në dy javë ka dy pikë, pra dy barazime do të luajë po në transfertë, por në Delvinë, ndeshje edhe kjo që do të luhet të dielën në orën 14:00. Devolli dy barazimet i ka me Turbinën në transfertë dhe Butrintin në Devoll, ndërkohë që kanë faluar pikë dhe kjo është keqardhja më e madhe. Delvina kundërshtari i Devollit ka luajtur vetëm një ndeshje në këto dy javë dhe e ka humbur, duke u renditur në 0 pikë. Gjithsesi është një transfertë e vështirë, por që devollinjtë do të synojnë të shënojnë fitoren e parë të sezonit.

Suksese Maliqit dhe Devollit në këtë javë të tretë të kategorisë së dytë!

REDAKTUAR nga:

“KORÇA BOOM”

Java e 8-të e kampionatit “Abissnet Superiore” do të nisë të premten me ndeshjen Dinamo City – Laçi. Ky takimi do të luhet në stadiumin “Elbasan Arena”, në orën 19:00.

Të shtunën do të zhvillohen dy sfida të tjera të javës së 8-të. Partizani do të përballet me Bylisin në “Arenën e Demave”, ndërsa Skënderbeu do të presë në Korçë Egnatian. Të dy takimet do të luhen në 19:00.

Java e 8-të e “Abissnet Superiore” do të ulë siparin të dielën. Në mbrëmje, në 19:00 do të luhen dy ndeshjen e fundit. Në stadiumin “Niko Dovana” Teuta do të përballet me Tiranën, ndërsa Vllaznia – AF Elbasani do të luhet në stadiumin “Elbasan Arena”.

Të gjitha ndeshjet e kampionatit “Abissnet Superiore” do të transmetohen live në kanalet e RTSH.

REDAKTUAR nga:

“KORÇA BOOM”

Java e 8-të e superligës starton nesër dhe dita e 5 çifteve të kësaj jave erdhi. Janë 5 ndeshje emocionuese dhe që pritet të dhurojnë emocione, për vetë faktin e pozitave që kanë skuadrat dhe që duan që të mos lëshojnë pikë që në këtë fazë të parë.

Java e 8-të starton nesër, pra të premten me ndeshjen e parë të javës dhe do të jetë ajo e orës 19:00 mes Dinamos së Ilir Dajës dhe Laçit që akoma nuk ka shijuar fitoren e parë në këtë superligë.

Më pas e shtuna e 5 tetorit do të dhurojë dy takime, të dyja në orën 19:00 dhe që do të jetë edhe dita e Skënderbeut. Në kryeqytet Partizani do të presë Bylisin, një ndeshje e lehtë në letër, ndërkohë që po në të njëjtën orë luhet në stadiumin “Skënderbeu”. Korçarët presin në shtëpi Egnatian, kampionen në fuqi dhe pavarësisht vështirësisë do të kërkojnë vetëm fitoren për t’u rikthyer në ritmin e duhur.

Java e 8-të dhe e parafundit e fazës së parë mbyllet të dielën me dy ndeshjet e fundit po në orën 19:00. Teuta-Tirana dhe Vllaznia-Elbasani janë dy përballjet e tjera interesante dhe në këtë mënyrë kjo javë e 8-të starton nesër dhe mbyllët të dielën me 5 çifte një më interesante se tjetra.

JAVA E TETË E SUPERLIGËS

TË PREMTEN 4 TETOR 2024 

ORA 19:00 DINAMO-LAÇI

TË SHTUNËN 5 TETOR 2024 

ORA 19:00 PARTIZANI-BYLIS

ORA 19:00 SKËNDERBEU-EGNATIA

TË DIELËN 6 TETOR 2024 

ORA 19:00 TEUTA-TIRANA

ORA 19:00 VLLAZNIA-ELBASANI

REDAKTUAR nga:

“KORÇA BOOM”

Skënderbeu në 7 javë ka 7 pikë e thënë ndryshe 1 pikë mesatarisht për ndeshje. Kaq pikë e renditin Skënderbeun deri në këto momente në zonën e ftohtë në vendin e 8-të të superligës. Sigurisht që dy javë përpara fundit të fazës së parë, Skënderbeu nuk i ka pikët që kishte menduar dhe kjo padyshim që nuk mund të quhet pozitive në kampin bardhekuq.

2 fitore, 1 barazim dhe 4 humbje do të thotë ndryshe se këto 7 pikë të deritanishme skuadra korçare i ka siguruar në shtëpi, me 2 fitore, 1 barazim dhe 1 humbje.

Fakti që Skënderbeu nuk ka marrë qoftë edhe një bafazim në 3 ndeshje transferte, tregon qartë se Skënderbeu i këtij sezoni nuk është ai i vjetshmi që luante në transfertë dhe merrte pikë me të gjitha ekipet e superligës.

Pas humbjes së fundit, tashmë do të mendohet vetëm për Egnatian, kampionen në fuqi që do të vizitojë qytetin juglindor në javën e 8-të, ndërkohë që ndaj rrogozhinasve ka vetëm një objektiv, fitoren.

Nëse nuk merren pikët maksimale në 90 minutëshin e radhës, sigurisht që javët në vazhdim do të vështirësoheshin, prandaj Egnatia është përballja për “jetë a vdekje” për Skënderbeun.

Kjo e shtunë do të jetë dhe duhet të jetë ndeshja e Skënderbeut, ndërkohë që të gjithë edhe te Skënderbeu e dinë fort mirë, që me 7 pikë në 7 javë, duhet të vijë kthesa e menjëhershme te bardhekuqtë.

Forca Skënderbe!

REDAKTUAR nga:

“KORÇA BOOM”

Kanë përfunduar ndeshjet e dyta të turneut “UEFA development” U-15 për vajza, që organizohet nga FSHF në datat 30 shtator – 5 tetor me pjesëmarrjen e Shqipërisë, Kosovës, Estonisë dhe Maqedonisë së Veriut.

Shqipëria U-15 luajti takimin e dytë ndaj Estonisë dhe koha e rregullt e kësaj sfide u mbyll në barazim 1-1. Më pas, nga penalltitë Shqipëria triumfoi me rezultatin 4-2.

Trajnerja Daniela Kodra hodhi në fushë këtë formacion startues: Eriana Haxhija (GK), Anita Boqaj (C), Reiana Jahelezi, Elda Ahmeti, Laureta Dautaj, Agnesa Mehmeti, Adela Thaqi, Lorena Leskaj, Enxhi Idrisllari, Arsiola Zenunllari dhe Emi Maksuti.

Ndeshja nisi e barabartë, teksa të dyja skuadrat u treguan të kujdesshme në prapavijë për të shmangur çdo rrezik. Kombëtarja shqiptar shënoi golin e parë të takimit në minutën e 28-të. Pas një harkimi në zonë, Emi Maksuti e dërgoi topin në rrjetë dhe i dha avantazhin Shqipërisë.

Epërsia zgjat vetëm katër minuta, pasi Estonia barazoi rezultatin e ndeshjes pas një gabimi të portieres, duke i çuar shifrat në 1-1.

Pjesa e dytë nuk prodhoi asnjë gol, pavarësisht se të dyja skuadrat patën disa mundësi të mira shënimi. Deri në fundin e ndeshjes trajnerja Daniela Kodra kreu disa zëvendësime për t’i dhënë mundësi vajzave të tregojnë cilësitë e tyre në fushë.

Pas përfundimit të kohës së rregullt me rezultatin 1-1, ekipet iu drejtuan penalltive. Vajzat kuqezi u treguan më të sakta dhe Shqipëria triumfoi 4-2.

Në ndeshjen tjetër të grupit të luajtur paraditen e sotme në “Shtëpinë e Futbollit”, Kosova mundi Maqedoninë e Veriut me rezultatin 3-2.

Ndeshjet e treta dhe të fundit në grup do të luhen më 5 tetor. Estoni – Kosovë do të zhvillohet në orën 11:00, ndërsa Shqipëria do të përballet me Maqedoninë e Veriut në orën 15:00.

Më poshtë edhe kalendari i turneut dhe rezultatet:

Ndeshjet e para (30 shtator)
Maqedoni e Veriut – Estoni 1-3
Shqipëri – Kosovë 3-5

Ndeshjet e dyta (2 tetor)
Maqedoni e Veriut – Kosovë 2-3
Shqipëri – Estoni 1-1 P(4-2)

Ndeshjet e treta (5 tetor )
Estoni – Kosovë, ora 11:00 “Shtëpia e Futbollit”
Shqipëri – Maqedoni e Veriut, ora 15:00, “Shtëpia e Futbollit”

REDAKTUAR nga:

“KORÇA BOOM”

Një ndeshje më shumë se interesante dhe plot emocione pritet të jetë kjo e kësaj së shtune në kategorinë e parë, ajo mes Pogradecit dhe Kukësit.

Pogradecarët që në 6 javë kanë 6 pikë dhe ndodhen në vendin e 8-të të renditjes, do të presin Kukësin e vendit të 6-të me 9 pikë në renditje.

Ka qenë klubi verior që sot ka bërë njoftimin e këtij takimi me logon e portierit të talentuar korçar Amarildo Dervishaj që ka qenë titullar i padiskutueshëm në këto javë deri tani në katërkëndorin verior.

Kjo ndeshje do të startojë të shtunën në datën 5 tetor në orën 14:00 në stadiumin “Gjorgji Kyçyku” dhe të dy skuadrat do të kërkojnë të marrin më të mirën, por për pogradecarët vlen shumë, pasi duhet fitorja për t’iu larguar vendeve të zonës së ftohtë.

Pogradeci vjen pas humbjes në Vorë në këtë ndeshje, ndërkohë që Kukësi mundi Korabin 1-0 dhe ka dy fitore radhazi.

Suksese pogradecarëve! Suksese edhe portierit korçar Amarildo Dervishaj me fanelën e Kukësit!

REDAKTUAR nga:

“KORÇA BOOM”