Një nga lojtarët më të mirë të Skënderbeut, siç është Mario Rabiu ka rinovuar kontratën me Skënderbeun duke pranuar të jetë bardhekuq deri në vitin 2026.
Këtë njoftim e sjell klubi bardhekuq pak momente më parë, ndërkohë që kujtojmë se Rabiu është ndër pikat kryesore të Skënderbeut në rolin e shkatërruesit dhe është shkatërruesi më i mirë në superligën shqiptare.
Kujtojmë që Mario ka një vit që luan për Skënderbeun dhe ky është viti i dytë, ndërkohë që tashmë do të jetë deri në vitin 2026.
Për Mario Rabiun kërkesat kanë qenë të shumta nga klube të ndryshme europiane, ndërkohë që Skënderbeu tashmë e blindon me kontratën e re dhe ndoshta shpejt do të shitet me shifra të larta financiare.
Gjithsesi Rabiu do të vijojë të ndihmojë Skënderbeun në objektivat madhorë që ka dhe sigurisht që është një rinovim me shumë vlera për Skënderbeun me një lojtar të tillë si Mario Rabiu.
Ja njoftimi i fundit i klubit:
Mario Rabiu rinovon deri në vitin 2026!
Mesfushori ka rinovuar kontratën që e lidh me klubin, duke vazhduar kështu bashkëpunimin deri në vitin 2026.
