Partizani-Skënderbeu 2-1
Shënues: Rrapaj 15’, Mehmeti 93’ / Rabiu 51’
PARTIZANI: Qirko, Bytyçi, Mehmeti, Zeka (Ismaili 70’), Kote (Bintsouka 70’), Cara, Preka, Buxhelaj (Keko 87’), Hadroj, Mba (Rodri 70’), Rrapaj (Sembene 96’) Trajner: Reinaldo Kalari
SKËNDERBEU: Alia, Ramos, Prençi, Rabiu, Merlim (Franklin 75’), Rashica, Nikaj (Vaskez 87’), Gerco, Vangjeli, Janaqi (Pecani 83’), Bismark. Trajner: Ivan Gvozdenoviç
Gjyqtarë: Ermis Çelaj, Arbër Zalla, Egin Doda
Kartonë të verdhë: Mehmeti, Cara, Hadroj / Ramos, Rabiu (2), Prençi
Karton i kuq: Rabiu
Ndeshja nis me një rreshtim 4-3-3 për Skënderbeun, duke treguar se luan për pikë në kryeqytet, por janë vendasit që janë të rrezikshëm që në minutat e para.
Rrapaj për pak sa nuk rrezikon, por është i pavëmendshëm edhe pse ndodhet përballë portës dhe i hiqet topi nga këmba.
Në minutën e 5-të vjen edhe rasti i parë ideal për Partizanin, ku Tedi Cara gjuan fuqishëm dhe Alia dhe tranversa shpëtojnë Skënderbeun nga pësimi i golit të avantazhit. 10-të minutat e para mbyllen me një rast tjetër të Mba që në zonë nuk arrin ta shoqërojë topin, pasi është më i shpejtë Marko Alia.
Në minutën e 15-të do të vinte edhe goli i avantazhit, teksa është Rrapaj që shënon një gol nga 25 metra larg, duke shkarkuar të djathtën e fuqishme në trekëndëshin e djathtë të portës së Skënderbeut, Partizani kryeson 1-0.
Pas pësimit të golit është Skënderbeu që reagon disi, por është i paqartë përpara portës së Partizanit dhe e ka të vështirë të gjejë kuadratin.
Në të 29-të minutë është sërish autori i golit Rrapaj që tenton të befasojë sërish nga larg, por pret Alia. U desh minuta e 37-të që Skënderbeu të shënonte rastin e parë. Është Gerco që gjuan dhe pret portieri i Partizanit, Qirko.
Edhe Zeka provon në minutën e 38-të nga e djathtë të futet në qendër gjuan dhe pret me lehtësi Alia i ndodhur në pozicion.
Në të 43-ën minutë është Skënderbeu që ka jo një, por dy raste. Janaqi me këmbë gjuan dhe grushton për mrekulli Qirko, ndërkohë që këndore për Skënderbeun dhe është Gerco që mund të shënojë, por përsëri Qirko bën mrekullinë duke grushtuar topin topin që po shkonte në kuadrat.
Rashica në minutën e 45-të jep një asist për Bismark dhe nxitohet duke gjuajtur jashtë.
Këtu mbyllet pjesa e parë 1-0 për Skënderbeun.
Pjesa e dytë fillon pas ndërrime për të dy skuadrat, ndërkoë që në minutat e para është Mario Rabiu që lëshon një predhë nga largësia dhe shënon një eurogol, duke barazuar rezultatin në 1-1.
Skënderbeu në minutën e 57-të pretendon për 11-metërsh, por gjyqtari konsultohet edhe me VAR-in dhe nuk jep penallti edhe pse ishte një rast shumë i dyshimtë.
Është Partizani që nga minutat e 60-të deri e 70-të rrezikon në 2-3 raste, por Skënderbeu mbrohet mirë dhe të kuqtë nxitohen fatmirësisht përpara portës së Marko Alia.
Në minutën e 70-të Partizani kryen 3 ndërrime, ndërkohë që njëri prej tyre i sapofutur në fushë Rodri, rrezikon vetëm 2 minuta pas futjes, teksa gjuan mbi kuadratin e portës bardhekuqe.
Në të 78-ën minutë një tjetër mundësi e mirë për Skënderbeut, ku Rashica pas një goditje dënimi fut top të saktë në zonë dhe Gerco e devijon, por pret portieri i Partizanit.
Në të 86-ën minutë është Bismark që dy herë fal dy herë. Në të parin shpëton Qirko, i dyti gjuan jashtë sulmuesi Bismark. Nuk i falej ky rast sulmuesit të Skënderbeut.
Kur u duk se Skënderbeu po shkonte drejt barazimit është Mehmeti në të tretën minutë shtesë që përfiton nga një hapësirë në mbrojtjen e Skënderbeut, gjuan dhe 2-1 për Partizanin.
Mëkat që Skënderbeu në fund nuk mundi të dilte me pikë nga kjo transfertë, pasi e merritonte barazimin.
Minutat dhe rastet e pjesës së parë
3’ – Arinaldo Rrapaj del i vetëm përballë portës pas një gabimi të mbrojtjes korçare, por fatmirësisht futbollisti i kuq vonohet në gjuajtje dhe mbrojtësit ja heqin mundësinë të rrezikonte në rastin e parë të ndeshjes.
5’ – Rasti i parë serioz për Partizanin. Është kapiteni Tedi Cara që gjuan nga jashtë zone dhe Alia fluturon duke e grushtuar topin, më pas topi përplaset në tranversë dhe përfundon në këndore.
10’ – Mba shpërdoron një tjetër rast në zonën e Skënderbeut, teksa Marko Alia tregohet më i shpejtë duke e kapur topin dhe duke mos i lënë mundësi sulmuesve të Partizanit.
15’ – Rrapaj lëshon një predhë nga jashtë zone dhe topi përufndon në trekëndëshin e portës bardhekuqe. 1-0 për Partizanin.
29’ – Është Rrapaj që sërish provon nga larg dhe pret Marko Alia.
37’ – Skënderbeu në këtë minutë godet për herë të parë portën. Është Andrea Gerco që del në qendër nga jashtë zone, gjuan dhe pret Qirko.
43’ – Skënderbeu ka mundësinë më të mirë për të barazuar rezultatin në këtë minutë. Janaqi gjuan me një në zonë dhe Qirko grushton duke e nxjerrë topin në këndore. Pas goditjes së këndit është Gerco me kokë që gjuan dhe sërish shpëton porta e Partizanit pas grushtimit në këndore.
45’ – Është Rashica që jep një asist në zonë për Bismark, por sulmuesi tregohet i pakujdesshëm, duke humbur një mundësi goli.
Minutat dhe rastet e pjesës së dytë
51’ – Është Mario Rabiu që këtë herë imiton Rrapaj. Lëshon një predhë dhe topi përfundon në kuadrat, Skënderbeu barazon 1-1.
57’ – Skënderbeu pretendon për 11-metërsh. Është Ardit Nikaj që pengohet në zonën e Partizanit, por pas aksionit gjyqtari e shikon edhe në VAR dhe njofton që nuk ka penallti.
67’ – Goditje dënimi për Partizanin. Rrapaj kroson në zonë dhe Mehmeti me kokë mbi tranversë.
72’ – Rodri vetëm pak minuta në fushë gjuan me të majtën, por mbi tranversën e Marko Alia.
78’ – Goditje dënimi për Skënderbeun. Është Rashica që fut topin në zonë dhe Gerco e devijon por përfundon në duart e Qirkos.
86’ – Bismark fal Partizanin. I vetëm përballë portierit Qirko nuk shënon, shpëton portieri. Më pas topi i vjen sërish te Bismark që përsëri gjuan jashtë.
93’ – Aksion në zonën e Skënderbeut. Është Mehmeti që merr një top në qendër të zonës dhe gjuan duke shënuar golin e dytë në minutat shtesë.
