Duhen edhe 90 minuta të mbyllet faza e parë. Janë edhe dy ndeshje për t’u zhvilluar, atje ku korçarët do të luajnë me Bylisin dhe Partizani me Elbasanin. Por nga kjo ndeshje e fundit nuk pritet që të ketë ndikim në renditjen e korçarëve.
Duke analizuar nga ana teorike takimin e Skënderbeut, një fitore e ngjit në kuotën e dhjetë pikëve dhe e barazon me Tiranën e vendit të shtatë. Në rast barazimi korçarët janë me tetë pikë dhe ruajnë të paprekur renditjen. Me një humbje gjithçka shkon edhe më keq kjo për atë se është Bylisi që ngjitet një shkallë më lart.
Pra, jo më kot është velerësuar si ndeshja më e rëndësishme, aq më shumë kur bëhet fjalë për një kundërshtar që edhe ai noton në ujëra të turbullta. Nga ana tjetër është edhe Laçi që bëri një ngjitje me tre pikët e kësaj jave dhe u është afruar shumë si Bylisit ashtu edhe Skënderbeut apo edhe Tiranës e cila është në këtë vorbull.
REDAKTUAR nga:
“KORÇA BOOM”
