Të dielën në orën 20:00 Partizani dhe Skënderbeu do të përballen në javën e dytë të superligës, teksa Partizani vjen në këtë ndeshje pas humbjes në shtëpi 0-1 me Vllazninë dhe Skënderbeu vjen pas barazimit në javën e parë 1-1 me Elbasanin në stadiumin “Skënderbeu”.
Sigurisht që do të jetë nga ato ndeshje të luftuara, ashtu siç ka ndodhur edhe vitet e fundit sa herë janë përballur në kryeqytet të dyja skuadrat.
Sa herë vijnë përballjet javë pas jave, në punë hyjnë edhe statistikat për të rikthyer se si e kanë historinë e tyre të dy ekipet me përplasjet e tyre historike.
Partizani dhe Skënderbeu vitet e fundit ka qenë një duel që ka prodhuar pak gola dhe duhet thënë se në kryeqytet, kanë arritur më shumë fitore të kuqtë, por me rezultate të ngushta.
Në këtë mënyrë, në 8 ndeshjet e fundit në Tiranë, Partizani ka arritur ta mposhtë 4 herë Skënderbeun, dy ndeshje kanë përfunduar në barazim dhe dy herë ka fituar Skënderbeu.
Fitorja e fundit e Skënderbeu është 3 vjet e gjysmë më parë, teksa korçarët do të fitonin në kryeqytet. Ka qenë marsi i vitit 2021, ku Skënderbeu fitonte 1-0 me golin e Jean Viktor në pjesën e dytë.
6 ndeshjet e fundit për t’u veçuar është se kanë përfunduar me një gol diferencë, ose në barazim, gjë që të tregon se këto përballje janë të luftuara në fushë dhe Skënderbeu ka bërë paraqitje dinjitoze edhe në kryeqytet.
Të shohim të dielën në mbrëmje përballjen mes Partizanit dhe Skënderbeut, përballje që luhet për javën e dytë të superligës së këtij viti.
Statistikat e viteve të fundit me ndeshjet në kryeqytet:
17.05.2024 Partizani-Skënderbeu 1-0
Shënues: Bintsouka 48’
04.05.2024 Partizani-Skënderbeu 1-0
Shënues: Mensah 85’
11.12.2023 Partizani-Skënderbeu 1-1
Shënues: Mba 47’ / Merlim 43’
17.04.2022 Partizani-Skënderbeu 0-0
04.12.2021 Partizani-Skënderbeu 2-1
Shënues: Rrapaj 14’, Cara 31’ / Mensah 20’
07.03.2021 Partizani-Skënderbeu 0-1
Shënues: Jean Viktor 67’
29.11.2020 Partizani-Skënderbeu 4-0
Shënues: Bardhi 7’, Mala 21’, Cardoso 45+1’, Solomon 70’
03.06.2020 Partizani-Skënderbeu 1-2
Shënues: Ferati 85’ / Gripshi 42’, Dita 43’
