Dje korçarët kanë zhvilluar ndeshjen me Egnatian, por duket se për ta nuk ka pushim, kjo pasi ndeshja e radhës është pas dy ditësh.Në këto kushte ditën e diel trajneri dhe stafi i tij kanë zbritur në stërvitje dhe ora 11:00 i ka gjetur të gjithë tek fusha stërvitore.Ka qenë një seancë e shkurtër që nuk i kaloi 45 minutat dhe nga sa është parë ka qenë thjesht një seancë rikuperuese. Duket se nuk ka kohë për ngarkesa të mëdha fizike, pasi të martën do të luhet kundër Dinamos në transfertë dhe korçarëve iu shtohet edhe udhëtimi një ditë para, kështu që ata do të zhvillojnë vetëm një seancë ditën e hënë paradite dhe më pas do të udhëtojnë drejt Durrësit, atje ku edhe ekipi do të akomodohet.
Për korçarët nuk ka pushim as të diel
Date: