Sporti

Pjesëmarrja në euro 2024 një eksperiencë fantastike presidenti duka është bukur të luash kundër

Presidenti i FSHF-së, Armand Duka, ishte i ftuar nëpërmjet një lidhje live në emision sportiv “Europiani 3D” në Radio Televizionin Shqiptar. Kreu i qeverisë së futbollit shqiptar foli për rrugëtimin e Shqipërisë në Kampionatin Europian “Gjermani 2024” si edhe për të ardhmen e trajnerit Silvinjo. Gjithashtu Presidenti Duka komentoi edhe disa çështje të tjera dhe shtoi se objektivi i radhës është kualifikimi në Botërorin 2026.E ardhmja e trajnerit Silvinjo? –Nuk besoj që është e vërtetë se Silvinjo do të shkojë në Portugali. Nuk besoj. Ende nuk kemi bërë një kontratë të re, por këto ditë besoj se do të bëjmë një kontratë të re për dy vitet e ardhshme. Kur firmoset kontrata quhet e mbyllur. Akoma nuk është e mbyllur por jemi drejt fundit.Europiani i Shqipërisë? –Mbase po të kishim ndonjë skuadër tjetër në grup mund të kishim edhe një rezultat më të mirë. Prap nuk është se jam pishman për grupin që kishim, pasi ishte shumë i bukur. Është vërtetë bukur të luash kundër kampionëve dhe nëse do të rritesh duhet të luash kundër kampionëve, këtë bëri edhe Shqipëria. Në total performanca e ekipit ishte shumë e mirë. Për ne ishte një super sukses që jemi pjesë e një Europiani pasi jemi vetëm për herë të dytë. Zhvilluam tre ndeshje në aspektin sportiv shumë të mirë. Kishte një prezencë shqiptare fantastike në Gjermani në të tre qytetet. Duhet të jemi shumë të lumtur, të kënaqur dhe krenarë që kjo skuadër na bëri pjesë të Europianit dhe uroj që ta përsërisi sërish. Futbolli nuk ka fund asnjëherë. Për ne është arritje shumë e madhe që të jemi pjesë e Europianit dhe të bëjmë një performacë shumë të mirë. Mund të them dy ndeshje e gjysmë të mira, pasi pjesa e parë me Italinë nuk ishte e mirë. Ndërsa pjesa e dytë e mirë, ndeshja me Kroacinë ishte fantastike dhe mbase fati nuk na ndihmoi të thellonim rezultatin. Ndeshja me Spanjën ishte fantastike, mbështetja, festa, kënaqësia e njerëzve ishte shumë e madhe dhe shumë e mirë. Futbollistët, stafi, Silvinjo dhe gjithë të tjerët punuan për t’u kualifikuar. Për mendimin tim kanë punuar shumë mirë. Unë e kam thënë që në fillim të Kampionatit Europian, ne duhet të jemi shumë krenarë që jemi pjesë. Edhe ekipit këtë gjë i kam thënë gjatë qëndrimit në Gjermani.Tre ndeshjet e Europianit, a mund të merrnim diçka më shumë?– Ne Europianin e kemi fituar ashtu siç edhe ti the me pjesëmarrje, performancën, por ne e kemi fituar edhe me një fakt tjetër që ishim në lojë deri në fund për kualifikimi. Ka ekipe të tjera që ndeshjen e tretë shkuan për turizëm, por ne nuk ishim për turizëm, por luftuam deri në fund. Morëm emocione nga skuadra deri në fund. Unë mendoj që edhe ndaj Italisë mund të merrnim më shumë, nëse do të menaxhonim më mirë pjesë e parë. Nëse rasti i Manajt do të shkonte në rrjetë, ndeshja mund të mbaronte barazim. Ndërsa me Kroacinë në të gjitha këndvështrime përveç atyre 10 minutave që nuk ishin të mira për ekipin tonë, në minutat e tjera ishim superiorë. Krijuam raste në pjesë e parë dhe meritonim që rezultati të shkonte 2-0. Me Spanjën mbase duhet të ishim më shumë agresivë, nuk duhet t’i respektonim si ekip kampion.Kur do të krijohet një këngë himn për Kombëtaren?– Kënga e Vaçe Zelës ishte shumë e bukur dhe të gjithë këngët e tjera që u kënduan në stadium. Unë mendoj që ekipi Kombëtar duhet të ketë një kengë për çdo edicion, një risi. Në këtë rast ishte kënga e Vaçe Zelës që për mua ishte shumë e bukur. Kur të shkojmë në Botëror padyshim që do të zgjedhim një tjetër nga e gjithë arkiva e muzikës shqiptare. Është shumë e vështirë të zgjedhësh, pasi ka shumë.A është një objektiv kualifikimi në Botëror? –Ne objektivin e kemi për të shkuar në Botëror. Mundësitë i kemi reale për të shkuar në Botëror, por futbolli nuk është se gjithmonë të jep atë që meriton. Duhet përgatitje, punë, performancë dhe pak fat. Fati fillon që nga shorti dhe uroj që të kemi një short të mirë për në Botëror. Uroj që të kemi një performancë të mirë në Nations League sepse do të ndikojë në shortin e Botërorit dhe e kemi si objektiv për të qenë pjesë e Botërorit 2026. Ne kemi shkuar dy herë në Europian me trajnera të ndryshëm dhe mund të shkojmë në Botëror me të njëjtin trajner. Unë kam dëshirë që të shkojmë në Botëror me të njëjtin trajner. Futbolli është një lojë kolektive dhe që nuk mund të shkosh as me një futbollist, as me një trajner por të gjithë bashkë. Me kualitetin dhe performancën e skuadrës, nuk ka të bëjë me individë.A ka një çështje Broja në Kombëtare? –Broja është një nga talente më të mëdha, jo të momentit për të gjithë historisë së futbollit shqiptar. Fatkeqësisht nuk e kemi patur në kondicionin më të mirë të tij. Ka kalur një dëmtim të rëndë. Më kualitetin që ka jam shumë i sigurt që do ta ndihmojë shumë më shumë Shqipërinë në të ardhmen. Në këtë Europian kështu ka gjykuar trajneri, nuk mund ta them dot nëse ai mund të merrte më shumë minuta. Personalisht kam pritur që Broja të bënte diferencën dhe ta merrte në krah ekipin tonë për ta çuar më tej. Nuk ka çështje tjetër, vetëm ajo që ai pati një dëmtim të rëndë dhe serioz.Çfarë fituam nga ky Europian? –Gjëja më e rëndësishme është eksperienca për të qenë më inteligjentë në turne të tillë. Çdo gjë që komentohet negative për ekipin padyshim që nuk është pozitive, qoftë një koment i një prindi apo tifozi. Sa më shumë energji pozitive aq më mirë i bën ekipit. Fakti që kishim 26 lojtarë, jo vetëm ne por të gjitha skuadrat në Europian për mua nuk është i mirë. Nuk është i mirë nga pikëpamja menaxheriale, krijohen shumë diskutime se pse nuk ishte pjesë ky apo ai. Padyshim që çdo futbollistë ka dëshirën maksimale dhe nëse nuk e ka nuk është pozitive. Çdo njeri që është në ekip ka dëshirë të luajë por duhet të ruash balancat dhe mos ta tejkalosh dëshirën për të luajtur me dëshirën për të fituar ekipi. Më vjen shumë keq për djemtë që nuk arritën të merrnin minuta pasi të gjithë e meritojnë. Diferencat janë shumë të vogla për ato që janë në Kombëtare, në fund të fundit vendos trajneri.Silvinjo për mua ka nota pozitive. Është një njeri shumë i përkushtuar dhe suksesi që ka arritur ka ardhur si rezultat i punë dhe përkushtimit të tij. Padyshim që ka pasur në përbërje lojtarë me kualitet. Është trajner i mirë dhe më e vështirë në Kombëtare tonë është motivimi, krijimi i grupit dhe pastaj gjërat e tjera. Të gjitha këto Silvinjo i ka bërë shumë mirë. Jo vetëm Uzuni, Bare apo Cikalleshi por edhe disa emra të tjerë si Muçolli, Veseli të gjithë mund të ishin pjesë e Kombëtares. Unë nuk di të them a do të kishin minuta apo jo dhe nëse do të ishin në fushë do të bënin më mirë apo jo. E thashë edhe më parë, diferencat në ekipin Kombëtar janë shumë të vogla dhe të gjithë mund të ishin. Medon Berisha meriton nota pozitive për atë çfarë ai ka dhënë me ekipin U-21, për atë që është si futbollist dhe për atë që dha në Europian. Unë jam shumë i sigurt që do të jetë një nga futbollistët kryesor në vitet e ardhshme për Shqipërinë.

Post Views: 8

Kategoria 2

KATEGORIA E DYTË/ Sot vëmendja në Memaliaj-Maliqi dhe Delvina-Devolli!

Ashtu si Superiorja dhe Kategoria e Parë edhe Kategoria e Dytë do të luajë ndeshjet e radhës. Kështu të do të zhvillohen ndeshje e javës së 3-të, ku ekipet e grupit B do të zbresin në fushë për të kërkuar 3 pikët.

5 ndeshje do të luhen ditën e sotme. Saktësisht ekipet e grupit b do të marrin skenën, përballje këto që do të luhen në orën 14:00.

Memaliaj-Maliqi, Këlcyra-Tomori, Turbina-Shkumbini, Butrinti-Orikumi dhe Delvina-Devolli do të luhen në të njëjtën orën, 14:00. Këtë javë pushim do të jetë skuadra e Luftëtarit.

GRUPI B:

MEMALIAJ – MALIQI

KËLCYRA – TOMORI

TURBINA – SHKUMBINI

BUTRINTI – ORIKU

DELVINA – DEVOLLI

LUFTËTARI – pushim

REDAKTUAR nga:

“KORÇA BOOM”

Post Views: 23

Sporti

Gvozdenoviç i zhgënjyer: Nuk e meritonim, kartoni i kuq vendosi ndeshjen

Skënderbeu vijon “pikiatën” duke pësuar një tjetër disfatë, kësaj radhe në shtëpi përballë Egnatias. Korçarët mbeten në vendin e 8-të në Play-Out. Pas përfundimit të ndeshjes, trajneri Ivan Gvozdenovic foli për RTSH Sport.

“Nuk meritonim këtë ndeshje. Vendosi kartoni i kuq, na e bëri të vështirë. Jemi shumë të mërzitur. Në pjesën e parë kishim besim. Egnatia nuk bëri lojë si gjithmonë. Kemi nevojë për pak kohë.

Reagojmë mirë, por vjen goli në një moment kur jemi me 10 lojtarë. Egnatia përsëri nuk rrezikoi asnjëherë. Provuam të gjitha, 4 sulmues, presing anash, por ky ishte maksimumi. Një barazim do ishte i drejtë, Egnatia nuk ishte skuadra më e mirë.

Pësojmë shumë gola dhe shënojmë shumë gola. Sot u ndëshkuam kur ishim me 10 lojtarë. Mund të rreshtoheshim më mirë mbrapa, por ishte shumë e vështirë.

Rezultatet do të vijnë, patjetër. Nëse nuk kemi besim nuk do të dalim kurrë nga momenti i vështirë. Do vazhdojmë të luftojmë”, – tha Govzdenoviç.

REDAKTUAR nga:

“KORÇA BOOM”

Post Views: 94

Sporti

Tetova: Donim vetëm 3 pikët, Skënderbeu nuk rrezikoi shumë

Egnatia rikthehet më në fund te fitorja duke mposhtur minimalisht Skënderbeun në Korçë. Goli i Dardan Vuthaj i dha 3 pikët e arta rrogozhinasve. Trajneri Edlir Tetova foli pas ndeshjes ku u shpreh i kënaqur për rikthimin te rruga e fitores.

“Donim vetëm 3 pikët, ndërruam skemën prej mungesave. Pjesën e parë ishim mirë në manovër, ndërsa në të dytën me pak qetësi mund të bënim golin e dytë. Pas kartonit të kuq të Malotës loja u barazua shumë, por kundërshtari nuk na rrezikoi shumë në portën tonë.

Na duhet shumë punë akoma me sulmin, poshtë e marrim topin mirë, por sulmi do punë akoma. Shpresoj të na ndihmojë pauza”, – tha Tetova.

REDAKTUAR nga:

“KORÇA BOOM”

Post Views: 59

Sporti

VOLEJ FEMRA/ Skënderbeu “kafshon” edhe Barleti Volley. Elena Bego më e mira!

Skënderbeu ka mposhtur dje edhe Barleti Volley në ndeshjen e javës së 4-t të superligës për femra. Një fitore e lehtë e vajzave të Orlando Kojës, që e kanë pasur të lehtë këtë fitore nga fillimi në fund.

Vlerësimi që i kishte bërë Skënderbeu skuadrës kryeqytetase bëri që në “Asllan Rusi” vajzat bardhekuqe të rrjetës të mos e falin skuadrën kryeqytetase dhe të fitojnë me rezultatin e pastër 0-3.

Pas kësaj fitoreje Skënderbeu vijon të qëndrojë në krye me 4 fitore në po kaq ndeshje së bashku me Partizanin.

Sipas informacioneve që ka nxjerrë stafi teknik për këtë ndeshje Elena Bego ka qenë volejbollistja më e mirë e këtij takimi duke shënuar edhe 15 pikë në total. Urime kapitenes së Skënderbeut.

Javën e ardhshme Skënderbeu do të presë në shtëpi në derbin e juglindjes Pogradecin, teksa do të kërkojë sërish fitoren.

Suksese vajzave të Skënderbeut!

Kalendari i Skënderbeut në volejboll për femra 2024-2025

FAZA I

Java 1 Skënderbeu-Teuta 3-1

Java 2 Dinamo-Skënderbeu 0-3

Java 3 Skënderbeu-Vllaznia 3-0

Java 4 Barleti Volley-Skënderbeu 0-3

Java 5 Skënderbeu-Pogradeci 12 tetor 2024 Ora 17:00

Java 6 Skënderbeu-Partizani 18 tetor 2024 Ora 17:00

Java 7 Tirana-Skënderbeu 25 tetor 2024 Ora 18:00

FAZA II

Java 8 Teuta-Skënderbeu 31 janar 2025 Ora 14:00

Java 9 Skënderbeu-Dinamo 8 shkurt 2025 Ora 17:00

Java 10 Vllaznia-Skënderbeu 14 shkurt 2025 Ora 14:00

Java 11 Skënderbeu-Barleti Volley 22 shkurt 2025 Ora 17:00

Java 12 Pogradeci-Skënderbeu 14 mars 2025 Ora 17:00

Java 13 Partizani-Skënderbeu 21 mars 2025 Ora 17:00

Java 14 Skënderbeu-Tirana 28 mars 2025 Ora 17:00

REDAKTUAR nga:

“KORÇA BOOM”

Post Views: 117

Super Liga

Skënderbeu ngelet në vend, Egnatia kalon momentin krizë

Skënderbeu- Egnatia 0-1

Shënues: Vuthaj 64’

Korçarët kanë humbur një ndeshje që askush nuk e kishte parashkuar si të tillë, kjo për shkak të asaj që ka ndodhur në minutat e fundit të pjesës së parë, kur Vaskuez largohet me kartonin e kuq. Ishte ky momenti që prishi ekuilibrat tek skuadra korçare dhe për pasojë duke qenë me dhjetë futbollistë ka pësuar edhe golin e vetëm të takimit në minutën e 64’ pas një topi që u end për disa çaste në zonë dhe Vuthaj është treguar shumë i saktë.

Por duhet thënë se ishte një ndeshje me mjaft ritëm nga ana e të dy ekipeve, dy ekipe që kërkonin me domosdo të merrnin tre pikët, pasi vetë pozicioni i tyre ua detyronte këtë gjë. Pjesa e parë ka qenë e ekulibruar me disa tentativa më shumë nga ana e miqve që godisnin në drejtim të portës, ndërkohë që korçarët me Bismark dhe Rashicën kanë krijuar mundësi, por pa finalizim edhe pse ishin me një futbollist më pak në fushën e lojës.

Ekuilibrat vendosen kur Malota është ndëshkuar me karton të kuq në minutën e 74′. Pas këtij momenti është skuadra korçare që është më superiore, por ndoshta edhe pak fat duhet të kishin kur goditja e Tayo me kokë ishte ngjitur me shtyllën. Gjithsesi Skënderbeu ngleli në pozita të njëjta dhe Egnatia mori tre pikë që e bëjnë të kalojë krizën e dukshme në këto javë.

REDAKTUAR nga:

“KORÇA BOOM”

Post Views: 713

Sporti

VOLEJ MESHKUJ/ Skënderbeu shpartallon Elbasanin në javën e katërt

Elbasani – Skënderbeu 0-3

Skënderbeu në volejboll për meshkuj ka mbyllur ditën e sotme me një tjetër fitore të pastër dhe spektakolare, duke mposhtur Elbasanin brenda në shtëpi me rezultatin e thellë 3-0, ndeshje e cila u zhvillua sot në orën 17:00.

Në ndeshjen e zhvilluar sot në Elbasan në javën e katërt të superligës, Skënderbeu nuk e ka pasur aspak të vështirë të mposhtë vendasit, në një ndeshje që u komandua në të tre setet nga bardhekuqtë e rrjetës.

Në katër javë Skënderbeu ka 3 fitore dhe vetëm 1 humbje, duke u renditur në vendin e dytë përkohësisht, ndërkohë që objektivat këtë sezon janë madhorë për skuadrën e Arben Priftit.

Suksese Skënderbeut në volejboll për meshkuj!

REDAKTUAR nga:

“KORÇA BOOM”

Post Views: 219

Sporti

Ja çfarë po ndodh në stadium përpara ndeshjes Skënderbeu-Egnatia

Ndeshja mes Skënderbeut dhe Egnatias do të startojë në orën 19:00, ndërkohë që të dy ekipet kanë dalë në fushën e lojës dhe po zhvillojnë nxemjen e tyre të zakonshme.

Më poshtë po ju sjellim dhe albumin me foto me momentet e tanishme në fushën e lojës, ndërkohë që në orën 19:00 pritet të jetë një ndeshje vërtet e fortë dhe me shumë emocione.

Skënderbeu nga ana e vet do të luajë fitore, por të njëjtën gjë do të bëjë edhe Egnatia, kampionia në fuqi e superligës. Suksese Skënderbe!

REDAKTUAR nga:

“KORÇA BOOM”

Post Views: 349

Sporti

Skënderbeu-Egnatia në orën 19:00/ Ja formacionet e të dy ekipeve

Skënderbeu dhe Egnatia do të përballen mbrëmjen e sotme për të luajtur ndeshjen e vlefshme për javën e 8-të të “Abissnet Superiore”. Sfida që do të zhvillohet në Korçë, do të startojë në orën 19:00.

Tashmë dy trajnerët kanë vendosur për lojtarët që do të hedhin në fushë që nga minuta e parë e kësaj sfide. Më poshtë do të njiheni me formacionet zyrtare të ndeshjes Skënderbeu – Egnatia.

FORMACIONET ZYRTARE:

SKËNDERBEU: Alia, Vasquez, Prençi, Gerco, Doka, Rabiu, Janaqi, Krasniqi, Rashica, Nikaj, Bismark. Trajner: Ivan Gvozdenoviç.

EGNATIA: Dobjani, Aliyev, Malota, Aleksi, Ndreca, Rama, Zejnullai, Ujka, Kasa, Joel, Vuthaj. Trajner: Edlir Tetova.

REDAKTUAR nga:

“KORÇA BOOM”

Post Views: 228

Kategoria 1

POGRADECI mposht Kukësin/ Ja 5 çiftet e luajtura sot!

Mesditën e sotme janë zhvilluar 5 ndeshje të Kategorisë së Parë, të vlefshme për javën e 7-të të kampionatit. Në këto 5 ndeshje u shënuan 10 gola.

Flamurtari fitoi me përmbysje 2-1 në transfertë përballë Korabit, ndërsa në krahun tjetër Pogradeci triumfoi pastër dhe pa probleme me rezultatin 2-0 kundër Kukësit.

Në ndeshjet e tjera, Burreli u mposht 3-0 në transfertë ndaj Besës së Kavajës dhe Lushnja barazoi pa gola 0-0 kundër Erzenit. Po në barazim, por me rezultatin 1-1 përfundoi ndeshja mes Valbonës dhe Apolonisë.

Kampionati vazhdon që të kryesohet nga Besa e Kavajës. Klubi verdhezi mbetet në vendin e parë me 19 pikë, 1 më shumë se Flamurtari i vendit të dytë.

Ndeshjet e sotme:

Valbona – Apolonia 1-1

Shënues: Krasniqi 75′ / Trifoni 58′

Korabi – Flamurtari 1-2

Shënues: Mziu 43′ / Batha 52′, Andoni 61’ (aut}

Pogradeci – Kukësi 2-0

Shënues: Sulo 3′, Raza 73′

Lushnja – Erzeni 0-0

Besa – Burreli 3-0

Shënues: Goxha 7′, Dos Santos 35′, Gjinaj 83′

REDAKTUAR nga:

“KORÇA BOOM”

Post Views: 198

Sporti

Java e dytë e kampionatit të vajzave luhet e ndarë në dy ditë

Java e dytë e kampionatit të futbollit të vajzave do të luhet e ndarë në dy ditë. Tre prej ndeshjeve do të luhen të dielën e 6 tetorit, ndërsa dy sfidat e tjera do të zhvillohen të hënën.

Laçi – Egnatia dhe Apolonia – Teuta do të luhen pasditen e së dielës, në orën 15:00. Po të dielën do të luhet edhe sfida Vllaznia – Kinostudio, në orën 15:30. Shkodranet vijnë pas fitores së thellë në Rrogozhinë javën e kaluar dhe do të kërkojnë të vijojnë me ecurinë pozitive.

Sakaq, të hënën do të luhen dy ndeshjet e tjera të javës së dytë. Partizani do të presë Lushnjën në “Arenën e Demave”’, me sfidën që është programuar të luhet në orën 14:00.

Ndeshja e fundit e javës është ajo mes Tiranës dhe Gramshit. Këto të fundit e nisën sezonin me një fitore të thellë ndaj Lushnjes 11-0.

Java e dytë e kampionatit të futbollit të vajzave:

Apolonia – Teuta, e diel, ora 15:00

Laçi – Egnatia, e diel, ora 15:00

Vllaznia – Kinostudio, e diel, ora 15:30

Partizani – Lushnja, e hënë, ora 14:00

Tirana – Gramshi, e hënë, ora 15:00

REDAKTUAR nga:

“KORÇA BOOM”