Elbasani – Skënderbeu 0-3

Skënderbeu në volejboll për meshkuj ka mbyllur ditën e sotme me një tjetër fitore të pastër dhe spektakolare, duke mposhtur Elbasanin brenda në shtëpi me rezultatin e thellë 3-0, ndeshje e cila u zhvillua sot në orën 17:00.

Në ndeshjen e zhvilluar sot në Elbasan në javën e katërt të superligës, Skënderbeu nuk e ka pasur aspak të vështirë të mposhtë vendasit, në një ndeshje që u komandua në të tre setet nga bardhekuqtë e rrjetës.

Në katër javë Skënderbeu ka 3 fitore dhe vetëm 1 humbje, duke u renditur në vendin e dytë përkohësisht, ndërkohë që objektivat këtë sezon janë madhorë për skuadrën e Arben Priftit.

Suksese Skënderbeut në volejboll për meshkuj!

REDAKTUAR nga:

“KORÇA BOOM”

Ndeshja mes Skënderbeut dhe Egnatias do të startojë në orën 19:00, ndërkohë që të dy ekipet kanë dalë në fushën e lojës dhe po zhvillojnë nxemjen e tyre të zakonshme.

Më poshtë po ju sjellim dhe albumin me foto me momentet e tanishme në fushën e lojës, ndërkohë që në orën 19:00 pritet të jetë një ndeshje vërtet e fortë dhe me shumë emocione.

Skënderbeu nga ana e vet do të luajë fitore, por të njëjtën gjë do të bëjë edhe Egnatia, kampionia në fuqi e superligës. Suksese Skënderbe!

REDAKTUAR nga:

“KORÇA BOOM”

Skënderbeu dhe Egnatia do të përballen mbrëmjen e sotme për të luajtur ndeshjen e vlefshme për javën e 8-të të “Abissnet Superiore”. Sfida që do të zhvillohet në Korçë, do të startojë në orën 19:00.

Tashmë dy trajnerët kanë vendosur për lojtarët që do të hedhin në fushë që nga minuta e parë e kësaj sfide. Më poshtë do të njiheni me formacionet zyrtare të ndeshjes Skënderbeu – Egnatia.

FORMACIONET ZYRTARE:

SKËNDERBEU: Alia, Vasquez, Prençi, Gerco, Doka, Rabiu, Janaqi, Krasniqi, Rashica, Nikaj, Bismark. Trajner: Ivan Gvozdenoviç.

EGNATIA: Dobjani, Aliyev, Malota, Aleksi, Ndreca, Rama, Zejnullai, Ujka, Kasa, Joel, Vuthaj. Trajner: Edlir Tetova.

REDAKTUAR nga:

“KORÇA BOOM”

Mesditën e sotme janë zhvilluar 5 ndeshje të Kategorisë së Parë, të vlefshme për javën e 7-të të kampionatit. Në këto 5 ndeshje u shënuan 10 gola.

Flamurtari fitoi me përmbysje 2-1 në transfertë përballë Korabit, ndërsa në krahun tjetër Pogradeci triumfoi pastër dhe pa probleme me rezultatin 2-0 kundër Kukësit.

Në ndeshjet e tjera, Burreli u mposht 3-0 në transfertë ndaj Besës së Kavajës dhe Lushnja barazoi pa gola 0-0 kundër Erzenit. Po në barazim, por me rezultatin 1-1 përfundoi ndeshja mes Valbonës dhe Apolonisë.

Kampionati vazhdon që të kryesohet nga Besa e Kavajës. Klubi verdhezi mbetet në vendin e parë me 19 pikë, 1 më shumë se Flamurtari i vendit të dytë.

Ndeshjet e sotme:

Valbona – Apolonia 1-1

Shënues: Krasniqi 75′ / Trifoni 58′

Korabi – Flamurtari 1-2

Shënues: Mziu 43′ / Batha 52′, Andoni 61’ (aut}

Pogradeci – Kukësi 2-0

Shënues: Sulo 3′, Raza 73′

Lushnja – Erzeni 0-0

Besa – Burreli 3-0

Shënues: Goxha 7′, Dos Santos 35′, Gjinaj 83′

REDAKTUAR nga:

“KORÇA BOOM”

Java e dytë e kampionatit të futbollit të vajzave do të luhet e ndarë në dy ditë. Tre prej ndeshjeve do të luhen të dielën e 6 tetorit, ndërsa dy sfidat e tjera do të zhvillohen të hënën.

Laçi – Egnatia dhe Apolonia – Teuta do të luhen pasditen e së dielës, në orën 15:00. Po të dielën do të luhet edhe sfida Vllaznia – Kinostudio, në orën 15:30. Shkodranet vijnë pas fitores së thellë në Rrogozhinë javën e kaluar dhe do të kërkojnë të vijojnë me ecurinë pozitive.

Sakaq, të hënën do të luhen dy ndeshjet e tjera të javës së dytë. Partizani do të presë Lushnjën në “Arenën e Demave”’, me sfidën që është programuar të luhet në orën 14:00.

Ndeshja e fundit e javës është ajo mes Tiranës dhe Gramshit. Këto të fundit e nisën sezonin me një fitore të thellë ndaj Lushnjes 11-0.

Java e dytë e kampionatit të futbollit të vajzave:

Apolonia – Teuta, e diel, ora 15:00

Laçi – Egnatia, e diel, ora 15:00

Vllaznia – Kinostudio, e diel, ora 15:30

Partizani – Lushnja, e hënë, ora 14:00

Tirana – Gramshi, e hënë, ora 15:00

REDAKTUAR nga:

“KORÇA BOOM”

Është përmbyllur me sukses turneu UEFA Development U-15 për vajza i organizuar nga FSHF në bashkëpunim me UEFA-n, që uli siparin ditën e sotme me dy takimet e fundit Shqipëri – Maqedoni e Veriut dhe Kosovë – Estoni.

Shqipëria mori fitoren e dytë radhazi me penallti, pasi mundi Maqedoninë e Veriut 4-3. Koha e rregullt e ndeshjes u mbyll 0-0 dhe nga penalltitë triumfuan vajzat kuqezi.

Trajnerja Danjela Kodra e nisi me këtë formacion titullar sfidën ndaj Maqedonisë së Veriut: Ambra Reshiti (GK), Anita Boqaj, Elda Ahmeti, Reiana Jahelezi, Ava Hysenaj, Aldisa Kronaj, Megi Preci, Tuhana Cifliku, Lorena Leskaj, Arsiola Zenunllari, Emi Maksuti.

Ndeshja ishte e barabartë dhe të dyja skuadrat krijuan raste të mira shënimi, por asnjë ekipi nuk e gjeti rrugën e rrjetës.

Koha e rregullt u mbyll 0-0 dhe ekipet iu drejtuan penalltive. Vajzat kuqezi u treguan më të sakta dhe Shqipëria triumfoi 4-3.

Në ndeshjen tjetër të grupit të luajtur paraditen e sotme në “Shtëpinë e Futbollit”, Estonia mundi Kosovën me rezultatin 3-2.

Më poshtë rezultatet e të gjitha ndeshjeve:

Ndeshjet e para (30 shtator)

Maqedoni e Veriut – Estoni 1-3

Shqipëri – Kosovë 3-5

Ndeshjet e dyta (2 tetor)

Maqedoni e Veriut – Kosovë 2-3

Shqipëri – Estoni 1-1 P(4-2)

Ndeshjet e treta (5 tetor )


Estoni – Kosovë 3-2

Shqipëri – Maqedoni e Veriut 0-0 P(4-3)

REDAKTUAR nga:

“KORÇA BOOM”

Të shumta janë format dhe mënyrat që tifozët korçarë duan të inkurajojnë ekipin e tyre sot kundër Egnatias në Korçë. Kjo për atë se korçarëve u duhen pikët dhe vetë renditja bën që të kenë presionin e pikëve.

Tifozët korçarë mbështesin ekipin e tyre me prezencë, por nuk mungojnë as fotomontazhet e ndryshme që u japin edhe më shumë krenari dhe i vënë para pëgjegjësisë, se duhet të nderojnë këtë fanelë dhe të mos harrojnë se janë “Skënderbeu”.

REDAKTUAR nga:

“KORÇA BOOM”

Sot në orën 19:00 të dy ekipet që zbresin në fushën e lojës, Skënderbeu dhe Egnatia duhet pranuar se nuk janë në pozicione të mira, por të dy trajnerët si Gvozdenoviç ashtu edhe Tetova nuk e pranojnë se ekipet i kanë në krizë.

Ama, nuk e fshehin faktin se u duhen pikët dhe kërkojnë t’ia marrin njëra-tjetrës. Madje hapur, të dy trajnerët para ndeshjes kanë deklaruar se do të fitojnë. Natyrisht për fitore dilet në fushën e lojës, por ata duan të dalin nga kjo situatë, pasi në qoftë se nuk marrin pikë të plota, secili ekip do të zhytej në një moment që mund të thuhet është krizë.

Edhe pse akoma ka një rrugë të gjatë deri në fund, pikët e çdo ndeshjeje janë ato që bëjnë një bilanc në fund të sezonit dhe krizë për pikë kanë të dy ekipet. Prandaj themi që do të jetë një ndeshje shumë e fortë dhe nuk shpresohet shumë tek një lojë e bukur, por bukurinë çdo ekip e gjen tek pikët.

REDAKTUAR nga:

“KORÇA BOOM”

Sot është dita e lojërave me dorë, teksa do të luhet java e 4-t e kampionatit kombëtar në volejboll për femra. Skënderbeu ka udhëtuar qysh mbrëmë dhe është akomoduar në kryeqytet, ndërkohë që sot pret orën 17:00 për të luajtur javën e katërt.

Barleti Volley-Skënderbeu është përballja e pasdites në “Asllan Rusi”, ndërkohë që Skënderbeu ka vetëm një objektiv në këtë transfertë, për të dalë me tre pikë të plota.

Në tre javët e para Skënderbeu ka arritur të shënojë tre fitore, duke humbur vetëm një set dhe kjo ka bërë që të jetë me pikë të barabarta me Partizanin, por të renditet në vendin e dytë me 9 pikë.

Suksese vajzave të Skënderbeut në ndeshjen e sotme!

Kalendari i Skënderbeut në volejboll për femra 2024-2025

FAZA I

Java 1 Skënderbeu-Teuta 3-1

Java 2 Dinamo-Skënderbeu 0-3

Java 3 Skënderbeu-Vllaznia 3-0

Java 4 Barleti Volley-Skënderbeu          5 tetor 2024                        Ora 17:00

Java 5 Skënderbeu-Pogradeci                12 tetor 2024          Ora 17:00

Java 6 Skënderbeu-Partizani                  18 tetor 2024          Ora 17:00

Java 7 Tirana-Skënderbeu                       25 tetor 2024          Ora 18:00

FAZA II

Java 8 Teuta-Skënderbeu                                    31 janar 2025         Ora 14:00

Java 9 Skënderbeu-Dinamo                    8 shkurt 2025         Ora 17:00

Java 10 Vllaznia-Skënderbeu                  14 shkurt 2025       Ora 14:00

Java 11 Skënderbeu-Barleti Volley       22 shkurt 2025       Ora 17:00

Java 12 Pogradeci-Skënderbeu             14 mars 2025          Ora 17:00

Java 13 Partizani-Skënderbeu                21 mars 2025          Ora 17:00

Java 14 Skënderbeu-Tirana                    28 mars 2025          Ora 17:00

REDAKTUAR nga:

“KORÇA BOOM”

“Pogradecarët në kërkim të fitores,”- kjo është kryefjala kur pyet drejtuesit e këtij ekipi në lidhje me ndeshjen e sotme kundër Kukësit. Liqenorëve u mungojnë pikët. Edhe pse kanë zhvilluar ndeshje të mira, përsëri nuk kanë mundur të shmangin humbjet, të paktën në transfertë.

Por këtë herë luajnë në fushën e tyre dhe fitorja është detyrim për të ndryshuar renditjen në tabelë edhe pse e dinë që është një ndeshje e vështirë, atje ku edhe kundërshtarët janë në rritje nga java në javë. Drejtuesit e liqenorëve kanë kërkuar që edhe tifozët të jenë në mbështetje të ekipit të tyre në këtë takim, ashtu siç edhe kanë bërë edhe në ndeshjet e kaluara.

Pra, sot në orën 14:00 Pogradeci-Kukësi në stadiumin “Gjorgji Kyçyku”

JAVA 7/ SOT

ORA 14:00 VALBONA – APOLONIA

ORA 14:00 KORABI – FLAMURTARI

ORA 14:00 POGRADECI – KUKËSI

ORA 14:00 LUSHNJA – ERZENI

ORA 14:00 BESA – BURRELI

REDAKTUAR nga:

“KORÇA BOOM”