Skënderbe nuk mjafton të luash mirë dhe të kesh nivel fizik

Korçarët nuk është se në fushën e lojës nuk tregojnë vlera. Përkundrazi zhvillojnë lojë me koncept, kanë nivel teknik e taktik, kanë përgatitje shumë të mirë fizike, por a mjafton kjo të fitosh?Ekipi duhet të tregojë më shumë agresivitet, duhet të jetë më i përqëndruar në momente të veçanta loje. Duhet të jetë më bashkëveprues dhe të luajë më afër në veprimet në zonë që për hir të së vërtetës janë të pakta.Por kur arrihet të ketë bashkëveprim, bëhet një ekip i rrezikshëm dhe sidomos kur luhet nga krahët me krosime në zonë.