Skënderbeu-Vllaznia është përballja e së shtunës në orën 20:00 në stadiumin “Skënderbeu” e vlefshme për javën e tretë të superligës. Një ndeshje që në fakt pritet të jetë emocionuese në fushë për vetë faktin se sa herë janë përballur të dy skuadrat kanë dhuruar emocione të shumta në fushë.
Po sjellim sot statistikat e përballjeve të dy ekipeve në stadiumin “Skënderbeu” teksa ajo që vemë re është se Skënderbeu ka 4 vjet që nuk e mund Vllazninë në qytetin juglindor dhe tashmë bardhekuqtë duhet të thyejnë këtë “tabu”.
Fitorja e fundit e Skënderbeut në stadiumin “Skënderbeu” ndaj Vllaznisë është në korrikun e 2020, teksa në atë kohë korçarët do të fitonin me rezultatin 2-1. Në atë ndeshje për Skënderbeun do të shënonin Nazmi Gripshi në minutën e 10-të dhe Belajdi Pusi në të 90-ën, ndërkohë që për Vllazninë shënonte Krymi në të 73-ën.
Qysh pas asaj fitoreje Skënderbeu nuk e ka mundur dot Vllazninë.
Në 10-të ndeshjet e fundit në stadiumin “Skënderbeu” vendasit kanë dy fitore, tre ndeshje kanë përfunduar në barazim dhe 5 herë ka fituar Vllaznia.
Kjo do të thotë që Skënderbeu këtë të shtunë është gati të thyejë “tersin” e fitoreve ndaj Vllaznisë.
10 ndeshjet e fundit Skënderbeu-Vllaznia në stadiumin “Skënderbeu”
11.03.2024 Skënderbeu-Vllaznia 0-1
21.10.2023 Skënderbeu-Vllaznia 0-2
25.02.2022 Skënderbeu-Vllaznia 2-2
02.10.2021 Skënderbeu-Vllaznia 0-0
21.02.2021 Skënderbeu-Vllaznia 1-1
08.11.2020 Skënderbeu-Vllaznia 0-2
11.07.2020 Skënderbeu-Vllaznia 2-1
14.12.2019 Skënderbeu-Vllaznia 0-1
23.05.2018 Skënderbeu-Vllaznia 1-5
04.02.2018 Skënderbeu-Vllaznia 4-1