Skënderbeu sot ndeshje miqësore shikoni orarin zyrtar kur fillon

Ashtu siç ka bërë të ditur një ditë më parë portali “Korça Boom”, ditën e sotme në orën 17:15 Skënderbeu do të luajë në stadiumin “Skënderbeu” një ndeshje miqësore, këtë herë ndaj Devollit të kategorisë së dytë.Burime pranë klubit bëjnë me dije se do të jetë një test për të parë gjendjen e të gjithë grupit të lojtarëve, madje mendohet që të mos luhen dy pjesë nga 45 minuta, por disa minuta më pak secila pjesë.Ky test do të ndihmojë stafin teknik të Skënderbeut për të parë gjendjen e lojtarëve në përgjithësi, por edhe gjendjen e disa lojtarëve që kanë ardhur ditët e fundit te Skënderbeu.Ky test do të luhet fiks një javë para Tiranës dhe sigurisht që do të shërbejë shumë, ndërkohë që pas kësaj ndeshjeje miqësore, do të vijohet në ditët në vazhdim me nga një seancë stërvitore deri të martën, ditë që skuadra do të udhëtojë për t’u përgatitur për përballjen e javës së tretë ndaj Tiranës.Pra, sot ora 17:15 Skënderbeu-Devolli në stadiumin “Skënderbeu”.