Skënderbeut sot i bën punë vetëm trepikëshi dhe këtë e dinë mirë, jo vetëm tifozët, futbollistët në fushë, por edhe drejtuesit e klubit me në krye presidentin Ardjan Takaj që sot padiskutim përpara ndeshjes do ju japë ultimatumin e fundit të tijve.
Durimi tashmë ka arritur kulmin, pasi te Skënderbeu presin dhe presin fitoren, por kjo fitore mungon prej më shumë se një faze, pra plot 9 ndeshje rradhazi pa fitore.
Presidenti Ardjan Takaj së bashku me drejtuesit e tjerë kanë mbërritur në qytetin juglindor si për të thënë se këtë ndeshje të sotme nuk do të falin qoftë edhe barazimin, pavarësisht se përballë është Elbasanin. Në orët në vazhdim do të ketë edhe një takim të fundit të Takajt me lojtarët dhe stafin teknik për të dhënë porositë e fundit dhe për tu bërë të qartë lojtarëve që sot duhet të japin shpirtin në fushën e lojës.
Sot përpos kërkesës dhe dëshirës së madhe për fitore nga ana e Skënderbeut, do të kemi një duel më shumë se të fortë në pankina. Ernest Gjoka, sot është përballë Ivan Gvozdenoviç. Vetëm pak javë më parë Gjoka e zëvendësoi Ivanin dhe sot kryepankina serbe do te kthehet në “shtëpi” me besimin se ja di pikët e dobëta ish-Skënderbeut të tij. Por nga ana tjetër do të gjejë Ernest Gjokën, trajnerin që do të përpiqet shumë ti ngrejë “kurthin” dhe të ndryshojë vendosjen, për të mos i lënë në fushë Ivanit atë Skënderbe që rreshtonte vetë. Mbi të gjitha do të jetë një “luftë” e vërtetëedhe në pankina.
Përsa i përket formacionit të Skënderbeut sot pritet të ketë ndryshime, pasi janë gati Elvis Prençi dhe Albi Doka, por mungon Mario Rabiu që ka plotësuar numrin katër të kartonëve të verdhë.
Skënderbeu sot me pak fjalë do të kërkojë ti bëjë një mbyllje me tre pikë këtij viti 2024-ër për tu rikthyer më i qetë në 2025-ën.
Suksese dhe forca “ujqër”!
Skënderbeu needs a win today, and this is well understood not only by the fans and the players on the field but also by the club’s management, led by president Ardjan Takaj, who will undoubtedly deliver his final ultimatum to his team before the match.
“KORÇA BOOM”
