Sot dhe të nesër do të luhet java e 12-të e kampionatit “Abissnet Superiore”. Kjo javë nis menjëherë me një ndeshje të fortë në “Egnatia Arena”. Sot në orën 14:00, kampionët në fuqi të Egnatias do të presin në shtëpi Tiranën. Një ndeshje interesante ku të dyja ekipet kërkojnë rikthimin te fitorja në kampionat.
Pasditen e të sotme do të luhet edhe ndeshja Vllaznia – Skënderbeu. Në stadiumin “Loro Boriç” në orën 17:00, kuqeblutë presin në shtëpi Skënderbeun dhe do të kërkojnë triumfin e radhës. Nga ana tjetër korçarët synojnë të lënë pas humbjen me Partizanin dhe të rikthehen te rezultatet pozitive.
Java e 12-të e kampionatit “Abissnet Superiore” mbyllet të nesër me tre sfidat e fundit. Bylis – Laçi është takimi i parë i ditës që do të luhet në stadiumin “Adush Muça”, në orën 14:00. Dy ndeshjet e fundit do të zhvillohen në orën 18:00. Partizani pret në “Arenën e Demave” Teutën, ndërsa në “Elbasan Arena”” do të luhet superdueli AF Elbasani – Dinamo City.
JAVA 12 (Abissnet Superiore)
SOT 03.11. 2024
Egnatia-Tirana Ora 14:00
Vllaznia-Skënderbeu Ora 17:00
NESËR 04.11.2024
Bylis-Laçi Ora 14:00
Elbasani-Dinamo Ora 18:00
Partizani-Teuta Ora 18:00
REDAKTUAR nga:
“KORÇA BOOM”
