Ndërkohë që do akoma ditë që të startojë java e 4-t e superligës, pasi është grumbulluar kombëtarja dhe “Abissnet Superiore” është pushim, është zbardhur kalendari i pesë ndeshjeve të radhës të Skënderbeut, pra nga java e 4-t deri te e 8-ta.
Skënderbeu në këto pesë javë do të luajë tre në shtëpi dhe dy në transfertë.
Duke filluar nga java e 4-t tashmë është zyrtare se Skënderbeu dhe Teuta do të përballen në stadiumin “Skënderbeu” të mërkurën e ardhshme në një ndeshje që do të startojë në orën 19:00.
Më pas më 16 shtator bardhekuqtë do të udhëtojnë për të luajtur ndaj Dinamos në transfertë dhe ky takim do të luhet të hënën dhe do të startojë po në orën 19:00.
Javën e 6-të Skënderbeu do të presë Laçin në shtëpi dhe kjo ndeshje do të luhet të shtunën më 21 shtator dhe do të startojë në orën 17:00.
Muaji shtator do të mbyllet me javën e 7-të, teksa Tirana-Skënderbeu do të jetë përballja e 29 shtatorit, ndeshje që do të startojë po në orën 19:00.
Ndeshja e fundit që është zyrtarizuar, është ajo e javës së 8-të të superligës, ku Skënderbeu do të presë në stadiumin juglindor kampionët e Egnatias. Ndeshja do të luhet më 5 tetor dhe do të startojë në orën 19:00.
Më poshtë sjellim kalendarin e Skënderbeut nga java e 4-t deri javën e 8-të:
Java 4
11 shtator 2024 (E Mërkurë)
ORA 19:00 Skënderbeu-Teuta
Java 5
16 shtator 2024 (E Hënë)
Ora 19:00 Dinamo-Skënderbeu
Java 6
21 shtator (E Shtunë)
Ora 17:00 Skënderbeu-Laçi
Java 7
29 shtator (E diel)
Ora 19:00 Tirana-Skënderbeu
Java 8
5 Tetor (E Shtunë)
Ora 19:00 Skënderbeu-Egnatia
