Skënderbeu në volejboll për femra mbylli një vit fantastik dhe tashmë është duke menduar për vitin 2025-së ku trofe të tjerë e presin përpara. Skuadra e Orlando Kojës është kthyer në një ekip lider në Shqipëri dhe ka si objektivi vitin e ardhshëm të gjithë trofetë që i dalin përpara, ku padiskutim fokusi kryesor është te kampionati, ku titulli kampion nuk diskutohet për bardhekuqet e rrjetës.
Në fazën e parë kujtojmë që Skënderbeu i fitoi të gjitha ndeshjet, ku vetëm një takim u fitua 3-2 dhe më pas pikët janë të plota. Skënderbeu kryeson me 20 pikë në vendin e parë, ndërkohë që në vendin e dytë është Partizani me 18 pikë dhe Tirana në të tretin me 15 pikë. Rivalet e bardhekuqeve kanë diferencë me këtë Skënderbe që është ndërtuar për trofe dhe me meritë kryeson kampionatin.
Gjithsesi është edhe një fazë tjetër kampionati për tu luajtur, ndërkohë që më poshtë sjellim edhe shortin me ditët dhe oraret edhe të fazës së dytë. Pas përfundimit edhe të fazës së dytë do të luhet edhe play-off-i, por Skënderbeu nëse e mbyll në vendin e parë do të ketë avantazhin e fushës dhe ky është një plus vërtet i madh.
Kampionati kombëtar në bazë të shortit rikthehet më 31 janar me Teutën në Durrës dhe me radhë të gjitha ndeshjet e tjera.
I urojmë suksese vajzave të Skënderbeut në vazhdim të kampionatit dhe në fillim të janarit mësohet se do të rikthehet edhe faza përgatitore, ku deri tani Skënderbeu ka konfirmuar vetëm një blerje, por pritet edhe një blerje tjetër.
Suksese vajzave! Suksese Kojës dhe Haxhillarit!
Edhe 2025-sa padiskutim që do të jetë viti i Skënderbeut!
Kalendari i Skënderbeut në volejboll për femra 2024-2025
FAZA I
Java 1 Skënderbeu-Teuta 3-1
Java 2 Dinamo-Skënderbeu 0-3
Java 3 Skënderbeu-Vllaznia 3-0
Java 4 Barleti Volley-Skënderbeu 0-3
Java 5 Skënderbeu-Pogradeci 3-1
Java 6 Skënderbeu-Partizani 3-0
Java 7 Tirana-Skënderbeu 2-3
FAZA II
Java 8 Teuta-Skënderbeu 31 janar 2025 Ora 14:00
Java 9 Skënderbeu-Dinamo 8 shkurt 2025 Ora 17:00
Java 10 Vllaznia-Skënderbeu 14 shkurt 2025 Ora 14:00
Java 11 Skënderbeu-Barleti Volley 22 shkurt 2025 Ora 17:00
Java 12 Pogradeci-Skënderbeu 14 mars 2025 Ora 17:00
Java 13 Partizani-Skënderbeu 21 mars 2025 Ora 17:00
Java 14 Skënderbeu-Tirana 28 mars 2025 Ora 17:00
Skënderbeu in women’s volleyball closed a fantastic year and is now thinking about 2025, where more trophies await ahead. Orlando Koja’s team has become a leading squad in Albania and aims to claim every trophy in the upcoming year, with the main focus undoubtedly on the championship, where the league title is a non-negotiable target for the white-and-reds of the net.
“KORÇA BOOM”
