Vizitorë të shumtë nga Austria kanë vizituar së fundmi Parkun Kombëtar të Prespës. Parku, i njohur për biodiversitetin dhe trashëgiminë e tij kulturore, tërheq turistë të interesuar për të eksploruar bukuritë natyrore dhe ekosistemet unike.

Vizitorët nga Austria janë tërhequr veçanërisht nga peizazhet piktoreske, fauna e egër dhe mundësitë e ekoturizmit. Fluksi i turistëve ka qenë i dobishëm për ekonominë lokale, duke mbështetur bizneset e vogla dhe promovuar turizmin e qëndrueshëm. Parku Kombëtar i Prespës vazhdon të jetë një destinacion kyç për dashamirët e natyrës, përfshirë shumë nga Austria.

REDAKTUAR nga:

“KORÇA BOOM”

Mësuese Anxhelën po e humbasim…

THIRRJE URGJENTE PËR NDIHMË – KËRKESË KRYEMINISTRIT, MINISTRES SË SHËNDETËSISË, MINISTRES SË ARSIMIT, KRYETARIT TË BASHKISË KORÇË

Mësuese Anxhelën në qytet e njohin të gjithë, jo për shkak të hallit që i “ka rënë për pjesë”, më tepër sesa gruan e buzëqeshur, të fortë, heroinë, e cila prej vitesh punon si edukatore në shkollën speciale të qytetit me fëmijët e spektrit autik dhe sindromën down

Para disa muajsh, heroina e heshtur e Korçës u diagnostikua me limfomë jo Hodgkin me qeliza T, një sëmundje e rrallë, kancer por i shërueshmëm

Disa kohë më parë nëpërmjet ndihmës së qytetarëve korçare dhe jo vetëm, nëpërmjet whydonate mundi të mbledhë 10 mijë euro për kurimin e saj, por gjithë këto shpenzime shkuan në “Shën Lukasi” në Selanik për trajtimet e përmuajshme, aty ku sot ka borxh rreth 13 mijë euro

Si te mos mjaftonte borxhi, ajo ka nevojë për ndërhyrje të menjëhershme në palcën kurrizore (nuk di detajet shëndetësore), e cila kushton rreth 50.000 euro.

E ndiej të bëj thirrje kryeministrit të Republikës së Shqipërisë Z.Edi Rama, ministres së shëndetësisë Albana Koçiu, ministres së arsimit Ogerta Manastrliu dhe kryebashkiakut të Korçës Sotiraq Filo, për krijimin e mekanizmave dhe mundësisë për të siguruar fondet e duhura, komunikimin e duhur me spitalin grek shtetëror PapaNikolao për të mbajtur në jetë nënën e një fëmije 10 vjeçar, gruan që kujdesej për fëmijët me nevoja të veçanta, e cila sot është e shtrirë në shtratin e shtëpisë së saj, e teksa unë bisedoja me Dafinën, të ëmën që nuk ngrinte kokën nga hallet, burrin trim Aurelin që derdhte lot për shëndetin e gruas, pashë shpresë në sytë e tyre të mbushura me lot

Mos e lini profesoren të na ikë!

REDAKTUAR nga:

“KORÇA BOOM”

Televizioni “Fax News”, prej dy vitesh nuk paguan gazetarët e rretheve!!!

Trajtimi financiar dhe jo vetëm, i gazetarëve nga mediat ku janë të punësuar, është një problematikë që sa vjen dhe merr përmasa më të mëdha. Si gazetare, që prej gati 10 vitesh mbuloj qarkun e Korçës, e konsideroj të papranueshme të mos paguhem prej 2 vitesh nga “Fax News”, ku deri sot kam qenë e punësuar.

Sa e vështirë dhe sa kosto financiare ka të jesh korrespondent i mediave kombëtare, e dinë vetëm ata kolegë që ndiejnë nën lëkurë atë që ndiej unë.

Punë pa orar, ditën dhe natën, pa pushime javore dhe vjetore. Mos të zëntë halli, se edhe në hall, e gjëmë të jesh, përsëri do shkosh në ngjarje dhe do dalësh edhe live. Dhe mund të bësh qindra km rrugë, në terren ku mund të lesh edhe kokën, në shi, borë dhe ngricë, për një lajm, pa të mbuluar punëdhënësi as kostos e karburantit, se për dieta as që bëhet fjalë.

E megjithë vendosmërinë dhe pasionin për profesionin, që më shtyn dhe më jep forcë për të mos u dorëzuar dhe tërhequr, vjen një kohë, një ditë, një moment, kur punëdhënësi, ai që më detyrohet rrogën e papaguar të dy viteve, të më heqë nga puna me një klik pa asnjë njoftim paraprak dhe madje duke më bërë edhe block. Që të jemi të qartë, nga një punë të cilën për shkak të katandisjes së tregut mediatik, kam qenë e detyruar ta bëj vullnetarisht, deri sot.

Edhe pse një fakt i njohur dhe i ditur nga të gjithë, po e them edhe këtë, që kam punuar tek “Fax News” pa kontratë, si dhjetra kolegë të tjerë në Tiranë, por më shumë në rrethe. Por mungesa e kontratës, përgjegjësi direkte kjo ligjore e punëdhënësit, nuk zhbën të drejtën time për të kërkuar deri në fund, me të gjithë instrumentat ligjorë, shpërblimin e punës sime, bërë me dashuri, korrektësi dhe shumë sakrifica.

Të gjitha komunikimet e shkruara me punëdhënësin, do depozitohen si prova bashkë me padinë time në gjykatë.

Ky është momenti që edhe kolegët e tjerë të “Fax News”, të më bashkohen, për ta zgjidhur ligjërisht këtë shkelje të paprecendent të të drejtës të misionarëve të fjalës së lirë, që nuk arrijnë dot të çojnë prej dy vitesh një rrogë në shtëpi!

REDAKTUAR nga:

“KORÇA BOOM”

Sot, më 8 Tetor, ora 17:45 në Teatrin “Çajupi”, do të mbahet një aktivitet i veçantë, ku hyrja është falas dhe qëllimi është të sjellë në vëmendje autizmin dhe fëmijët me autizëm. Pjesë të kësaj ngjarjeje do të jenë vetë fëmijët, të cilët do të ngjiten në skenë për të dhënë interpretime artistike, duke sjellë një perspektivë unike dhe emocionale.

Jo të gjithë i njohin sfidat me të cilat përballen individët me autizëm, ashtu si dhe me përpjekjet e mëdha që bëjnë prindërit, familjarët, mësuesit dhe shoqëria. Ndaj, aktivitete të tilla janë të domosdoshme për të ndriçuar të gjitha këto sfida dhe për të na kujtuar se kemi një detyrim për t’u vetëedukuar dhe ndërgjegjësuar për të ndryshmen. Në vend që të ndalemi te paragjykimet, mospranimi dhe bullizimi, duhet të veprojmë për të krijuar një shoqëri më të gjithpërfshirëse dhe të barabartë.

REDAKTUAR nga:

“KORÇA BOOM”

Mirëmëngjes miq dhe fansa të faqes sonë!    

Ju themi mirëmëngjes sot në këtë ditë të martë, kur data shënon 8 tetor 2024. 

Sot kemi zgjedhur t’ju themi mirëmëngjes me këtë pamje të kishës së Shën Kollit në Tërovë dhe t’ju urojmë më të mirat dhe bekime nga zoti.

Një ditë sa më të bukur për të gjithë uron portali “Korça Boom”!  

Të martë të mbarë miq të faqes sonë! 

REDAKTUAR nga:

” KORÇA BOOM”

Lagja 4/ Rruga “Todi Vogli”

Vijon puna për shtrimin e trotuareve me pllaka e vendosjen e bordurave edhe në Rrugën “Todi Vogli” në Korçë.

Në çdo skaj të Korçës punë konkrete, për t’u siguruar banorëve kushte bashkëkohore.

REDAKTUAR nga:

“KORÇA BOOM”

Të respektosh është nderim, të ruash kujtime është meritë e atyre që t’i japin. Kjo ndodh me katër personazhet e fotos së sotme që ne ju sjellim. Ata janë katër personalitete në fushën e sportit dhe të profesionit të nderuar të mësuesit të Edukimit Fizik. Bëhet fjalë për Andrea Cepën, Dhimitër Kacorin, Kristaq Titilin dhe Berti Kotheren.

Ata kanë dhënë shumë në fushën e sportit jo vetëm si sportistë, por edhe si trajnerë, duke nxjerrë nga duart e tyre një plejadë sportistësh në basketboll, atletikë dhe mundje. Ata sot ndihen si të rinj, si atëherë plot energji, por mbi të gjitha janë krenarë për atë që kanë lënë pas. Sot kanë të drejtë të pinë edhe një kafe në atë qetësinë e tyre, pasi kanë lënë gjurmë të pashlyera në botën e sportit. Në një shkrim nuk mund t’i përmbledhësh të gjitha, por një fjalë të madhe mund t’ua themi:

Respekt të madh për atë krenari që na keni lënë! Gjithmonë qofshi të nderuar se e meritoni!

REDAKTUAR nga:

“KORÇA BOOM”

Sot feston ditëlindjen Presidenti i Federatës Shqiptare të Futbollit, z. Armand Duka, dhe

familja e madhe e futbollit shqiptar i uron shëndet dhe çdo të mirë në jetë! Sa më shumë

suksese në karrierë, në krye të futbollit shqiptar dhe kudo!

Gëzuar ditëlindjen President!

REDAKTUAR nga:

“KORÇA BOOM”

Profesori akademik Nikolao Saramando ishte sot në Kishën e Shën Sotirit në Korçë. I njohur për kontributet e tij akademike, prania e tij në këtë kishë historike tërhoqi vëmendjen e banorëve dhe studiuesve.

Kisha e Shën Sotirit, një vend i rëndësishëm kulturor dhe fetar, e mirëpriti profesorin për një ceremoni të veçantë.

Vizita e Saramandos nënvizoi lidhjen mes akademisë dhe trashëgimisë, duke theksuar rëndësinë e ruajtjes së këtyre monumenteve për brezat e ardhshëm.

REDAKTUAR nga:

“KORÇA BOOM”

Meteorologët paralajmërojnë ditë shumë të ftohta gjatë dimrit që po vjen në disa pjesë të Europës. Pas të nxehtit përvëlues në verë, disa pjesë të Europës po përballen me temperatura shumë të ulëta.

Franca, Britania e Madhe dhe Skandinavia do të jenë rajonet më të ftohta këtë tetor me Europën Juglindore dhe Spanjën që mbeten të ngrohta. Megjithëse temperaturat ka të ngjarë të jenë më të ulëta këtë dimër se sa ishin pjesërisht vitin e kaluar, thonë meteorologët, për shkak të fenomenit La Niña ato mund të jenë në përgjithësi më të ngrohta se mesataret afatgjata. Europa perëndimore dhe qendrore do të goditen gjithashtu nga fundi i disa stuhive që vijnë nga Atlantiku në javët e ardhshme.

Kushtet në perëndim të Afrikës nënkuptojnë se këto stuhi po detyrohen të ndjekin përgjatë Atlantikut të Veriut dhe një sistem i ri mund të vijë çdo disa ditë deri rreth mesit të tetorit. Kjo po krijon pasiguri të konsiderueshme në modelet e motit dhe po i bën kushtet në Europë të vështira për t’u parashikuar gjatë javëve të ardhshme.

Çfarë është La Nina dhe a do të sjellë një dimër më të ftohtë dhe më të lagësht në Europë?

La Nina është një model natyror klimatik që ndodh kur temperaturat e sipërfaqes së detit në Oqeanin Paqësor qendror dhe lindor bien nën mesataren e kundërta e fazës së ngrohtë El Niño. Ajo ka ndikime të përhapura në modelet globale të motit, duke përfshirë ato në Europë.

Ekspertët në Organizatën Botërore Meteorologjike kanë parashikuar një shans 60 % që kushtet e La Niña të shfaqen midis tetorit dhe shkurtit. Këtë dimër pritet të ketë një ngjarje me forcë të dobët deri në mesatare me fenomenin që do të dobësohet në fillim të vitit të ardhshëm.

La Nina përgjithësisht sjell temperatura më të ftohta se normalja në të gjithë Europën Perëndimore me sinoptikanët që presin që temperaturat të ulen ndërsa shkojmë drejt nëntorit dhe dhjetorit. Në përgjithësi, ky model klimatik sjell gjithashtu kushte më të lagështa dhe më të ftohta në Alpe, të cilat mund të çojnë në reshje më të shpeshta dhe më të mëdha bore.

Diku tjetër në Europë, modelet e motit parashikojnë më pak borë se normalja, përveç në disa zona veriore dhe zona qendrore rreth Alpeve. Europa Veriperëndimore dhe Juglindore priren të jenë më të thata se zakonisht, ndërsa Europa Jugperëndimore është përgjithësisht më e lagësht.

Por, ndërsa largohemi më shumë nga epiqendra në Paqësor, ndikimet e La Niña dhe El Niño ndërpriten më lehtë nga modelet lokale të motit. Kjo i bën efektet e tyre të sakta në Evropë të vështira për t’u parashikuar pa dy ngjarje krejtësisht të njëjta.

Ashpërsia e ekstremeve të tjera të motit po intensifikohet gjithashtu nga ndryshimet klimatike. Reshjet janë bërë më të ndryshueshme, duke devijuar nga mesataret historike dhe modelet e pritshme. Rritja e shkaktuar nga njeriu në gazrat serrë ka rritur shpeshtësinë dhe intensitetin e ngjarjeve ekstreme të motit, sipas Raportit të Gjashtë të Vlerësimit të Panelit Ndërqeveritar për Ndryshimet Klimatike (IPÇ).

Me këto modele ‘normale’ të motit që ndryshojnë nga ndryshimet klimatike, mund të jetë e vështirë të parashikohet se çfarë do të sjellë e ardhmja.

REDAKTUAR nga:

“KORÇA BOOM”